ਮੁੰਬਈ— ਸ਼੍ਰੇਅਸ ਅਈਅਰ ਪਿੱਠ ਦਰਦ ਕਾਰਨ ਵਿਦਰਭ ਖਿਲਾਫ ਰਣਜੀ ਟਰਾਫੀ ਫਾਈਨਲ 'ਚ ਲਗਾਤਾਰ ਦੂਜੇ ਦਿਨ ਮੈਦਾਨ 'ਚ ਨਹੀਂ ਉਤਰੇ। ਸ਼੍ਰੇਅਸ ਨੇ ਮੁੰਬਈ ਲਈ ਦੂਜੀ ਪਾਰੀ 'ਚ 111 ਗੇਂਦਾਂ 'ਤੇ 95 ਦੌੜਾਂ ਬਣਾਈਆਂ ਸਨ, ਜਿਸ ਕਾਰਨ ਵਿਦਰਭ ਨੂੰ 538 ਦੌੜਾਂ ਦਾ ਵੱਡਾ ਟੀਚਾ ਮਿਲਿਆ ਸੀ। ਪਰ ਜਦੋਂ ਚੌਥੇ ਦਿਨ ਵਿਦਰਭ ਬੱਲੇਬਾਜ਼ੀ ਕਰਨ ਆਈ ਤਾਂ ਸ਼੍ਰੇਅਸ ਮੈਦਾਨ 'ਤੇ ਨਹੀਂ ਉਤਰੇ। ਇਲਾਜ ਕਰਵਾਉਣ ਅਤੇ ਠੀਕ ਹੋਣ ਦਾ ਭਰੋਸਾ ਦੇਣ ਦੇ ਬਾਵਜੂਦ ਉਹ ਆਖਰੀ ਦਿਨ ਵੀ ਮੈਦਾਨ ਵਿੱਚ ਨਹੀਂ ਆਏ। ਦਰਦ ਕਾਰਨ ਆਈਪੀਐੱਲ ਦੇ ਸ਼ੁਰੂਆਤੀ ਮੈਚਾਂ ਵਿੱਚ ਉਨ੍ਹਾਂ ਦਾ ਖੇਡਣਾ ਹੁਣ ਸ਼ੱਕੀ ਮੰਨਿਆ ਜਾ ਰਿਹਾ ਹੈ।
ਇਸ ਤੋਂ ਪਹਿਲਾਂ ਇੰਗਲੈਂਡ ਖਿਲਾਫ ਟੈਸਟ ਸੀਰੀਜ਼ 'ਚ ਉਨ੍ਹਾਂ ਦਾ ਪ੍ਰਦਰਸ਼ਨ ਬਰਾਬਰ ਨਹੀਂ ਰਿਹਾ ਸੀ। ਵਿਚ-ਵਿਚਾਲੇ ਉਹ ਪਿੱਠ ਦੇ ਦਰਦ ਤੋਂ ਪ੍ਰੇਸ਼ਾਨ ਰਹਿੰਦੇ ਸਨ। ਇਸ ਕਾਰਨ ਬੀਸੀਸੀਆਈ ਨੇ ਉਨ੍ਹਾਂ ਨੂੰ ਪਲੇਇੰਗ 11 ਤੋਂ ਬਾਹਰ ਕਰ ਦਿੱਤਾ ਸੀ। ਟੀਮ ਪ੍ਰਬੰਧਨ ਨੇ ਉਨ੍ਹਾਂ ਨੂੰ ਘਰੇਲੂ ਕ੍ਰਿਕਟ ਖੇਡਣ ਦੀ ਸਲਾਹ ਦਿੱਤੀ ਪਰ ਸ਼੍ਰੇਅਸ ਨੇ ਇਸ ਵੱਲ ਧਿਆਨ ਨਹੀਂ ਦਿੱਤਾ। ਆਖ਼ਰਕਾਰ, ਬੀਸੀਸੀਆਈ ਦੀ ਸਖ਼ਤੀ ਕਾਰਨ ਸ਼੍ਰੇਅਸ ਨੇ ਰਣਜੀ ਖੇਡੀ ਪਰ ਪਿੱਠ ਦੀ ਕੜਵੱਲ ਕਾਰਨ ਉਹ ਮੁੰਬਈ ਦੇ ਆਖਰੀ ਰਣਜੀ ਟਰਾਫੀ ਲੀਗ ਮੈਚ ਵਿੱਚ ਨਹੀਂ ਖੇਡ ਸਕਿਆ। ਹਾਲਾਂਕਿ, ਇਸ ਦੌਰਾਨ ਉਨ੍ਹਾਂ ਨੂੰ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਪ੍ਰੀ-ਸੀਜ਼ਨ ਕੈਂਪ ਵਿੱਚ ਹਿੱਸਾ ਲੈਂਦੇ ਦੇਖਿਆ ਗਿਆ, ਜਿਸ ਨੇ ਬੀਸੀਸੀਆਈ ਪ੍ਰਬੰਧਨ ਨੂੰ ਨਾਰਾਜ਼ ਕੀਤਾ।
ਬੀਸੀਸੀਆਈ ਸਕੱਤਰ ਜੈ ਸ਼ਾਹ ਨੇ ਦੇਸ਼ ਦੇ ਚੋਟੀ ਦੇ ਖਿਡਾਰੀਆਂ ਨੂੰ ਇੱਕ ਪੱਤਰ ਭੇਜ ਕੇ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਉਹ ਘਰੇਲੂ ਕ੍ਰਿਕਟ ਨਾਲੋਂ ਆਈਪੀਐੱਲ ਨੂੰ ਤਰਜੀਹ ਦਿੰਦੇ ਹਨ ਤਾਂ ਇਸਦੇ "ਗੰਭੀਰ ਨਤੀਜੇ" ਹੋਣਗੇ। ਅਈਅਰ ਮੁੰਬਈ ਦੇ ਕੁਆਰਟਰ ਫਾਈਨਲ ਤੋਂ ਵੀ ਖੁੰਝ ਗਏ, ਪਰ ਸੈਮੀਫਾਈਨਲ ਅਤੇ ਫਾਈਨਲ ਖੇਡੇ। ਅਈਅਰ ਉਨ੍ਹਾਂ ਉੱਚ-ਪ੍ਰੋਫਾਈਲ ਨਾਵਾਂ ਵਿੱਚੋਂ ਇੱਕ ਸੀ ਜਿਨ੍ਹਾਂ ਨੂੰ ਕੇਂਦਰੀ ਕਰਾਰ ਵਾਲੇ ਖਿਡਾਰੀਆਂ ਦੀ ਸੂਚੀ ਵਿੱਚੋਂ ਬਾਹਰ ਕੀਤਾ ਗਿਆ ਸੀ। ਉਨ੍ਹਾਂ ਨੇ ਫਾਈਨਲ ਵਿੱਚ 95 ਦੌੜਾਂ ਜ਼ਰੂਰ ਬਣਾਈਆਂ ਸਨ ਪਰ ਪਿਛਲੇ ਦੋ ਦਿਨਾਂ ਤੋਂ ਫੀਲਡਿੰਗ ਲਈ ਨਾ ਆ ਕੇ ਉਨ੍ਹਾਂ ਨੇ ਨਵਾਂ ਵਿਵਾਦ ਖੜਾ ਕਰ ਦਿੱਤਾ ਹੈ।
ਡਵੇਨ ਬ੍ਰਾਵੋ ਨੇ CSK ਨੂੰ ਲਗਾਤਾਰ ਮਿਲ ਰਹੀ ਕਾਮਯਾਬੀ ਦਾ ਰਾਜ਼ ਦੱਸਿਆ
NEXT STORY 
