ਮੈਡ੍ਰਿਡ- ਰੇਓ ਵੈਲੇਕਾਨੋ ਨੇ ਦੂਜੇ ਹਾਫ 'ਚ ਤਿੰਨ ਸ਼ਾਨਦਾਰ ਗੋਲ ਕਰਕੇ ਜਲਦੀ ਪਛੜਨ ਤੋਂ ਬਾਅਦ ਚੰਗੀ ਵਾਪਸੀ ਕੀਤੀ ਅਤੇ ਓਸਾਸੁਨਾ ਨੂੰ 3-1 ਨਾਲ ਹਰਾਇਆ ਜੋ ਸਪੈਨਿਸ਼ ਫੁੱਟਬਾਲ ਲੀਗ ਲਾ ਲੀਗਾ ਦੇ ਮੌਜੂਦਾ ਸੈਸ਼ਨ 'ਚ ਆਪਣੀ ਪਹਿਲੀ ਜਿੱਤ ਹੈ। ਰਾਉਲ ਗਾਰਸੀਆ ਡੀ ਹਾਰੋ ਨੇ ਓਸਾਸੁਨਾ ਨੂੰ 26ਵੇਂ ਮਿੰਟ ਬਾਅਦ ਲੰਬੀ ਦੂਰੀ ਦੇ ਗੋਲ ਨਾਲ ਬੜ੍ਹਤ ਦਿਵਾਈ ਪਰ ਦੂਜਾ ਹਾਫ ਪੂਰੀ ਤਰ੍ਹਾਂ ਰੇਓ ਦੇ ਨਾਂ ਰਿਹਾ।
ਰੇਓ ਲਈ, ਅਬਦੁਲ ਮੁਮਿਨ ਨੇ 49ਵੇਂ ਮਿੰਟ ਵਿੱਚ ਬਰਾਬਰੀ ਦਾ ਗੋਲ ਕੀਤਾ ਜਦੋਂ ਕਿ ਆਂਦਰੇਈ ਰਤੀਯੂ ਨੇ ਪੇਪ ਚਾਵੇਰੀਆ ਦੇ ਪਾਸ 'ਤੇ ਬਾਕਸ ਦੇ ਬਿਲਕੁਲ ਬਾਹਰ ਤੋਂ ਸੁੰਦਰ ਗੋਲ ਕਰਕੇ ਸਕੋਰ 2-1 ਕਰ ਦਿੱਤਾ। ਉਨਾਈ ਲੋਪੇਜ਼ ਨੇ 25 ਗਜ਼ ਦੀ ਦੂਰੀ ਤੋਂ ਰੇਓ ਲਈ ਤੀਜਾ ਗੋਲ ਕੀਤਾ। ਇਸ ਜਿੱਤ ਨਾਲ ਰੇਓ ਛੇਵੇਂ ਸਥਾਨ 'ਤੇ ਪਹੁੰਚ ਗਿਆ ਹੈ ਜਦਕਿ ਓਸਾਸੁਨਾ ਚਾਰ ਸਥਾਨ ਪਿੱਛੇ ਹੈ।
ਰੋਨਾਲਡੋ ਚੈਂਪੀਅਨਜ਼ ਲੀਗ ਟੂਰਨਾਮੈਂਟ ਦੇ ਪਹਿਲੇ ਮੁਕਾਬਲੇ ’ਚੋਂ ਬਾਹਰ
NEXT STORY 
