ਬੈਂਗਲੁਰੂ : ਸਟਾਰ ਬੈਡਮਿੰਟਨ ਖਿਡਾਰਨ ਸਾਇਨਾ ਨੇਹਵਾਲ ਨੇ ਦਾਵਨਗੇਰੇ ਸੀਟ ਤੋਂ ਭਾਜਪਾ ਉਮੀਦਵਾਰ ਗਾਇਤਰੀ ਸਿੱਧੇਸ਼ਵਰ ਦੇ ਖਿਲਾਫ ਉਨ੍ਹਾਂ ਦੀਆਂ ਗਲਤ ਟਿੱਪਣੀਆਂ ਲਈ ਸੀਨੀਅਰ ਪ੍ਰਦੇਸ਼ ਕਾਂਗਰਸ ਨੇਤਾ ਸ਼ਮਨੂਰ ਸ਼ਿਵਸ਼ੰਕਰੱਪਾ ਦੀ ਆਲੋਚਨਾ ਕੀਤੀ। ਦਾਵਨਗੇਰੇ ਦੱਖਣ ਤੋਂ 92 ਸਾਲਾ ਮੌਜੂਦਾ ਵਿਧਾਇਕ ਸ਼ਿਵਸ਼ੰਕਰੱਪਾ ਨੇ ਕਿਹਾ ਸੀ ਕਿ ਸਾਬਕਾ ਕੇਂਦਰੀ ਮੰਤਰੀ ਅਤੇ ਮੌਜੂਦਾ ਸੰਸਦ ਮੈਂਬਰ ਸਿੱਧੇਸ਼ਵਰ ਜੀਐੱਮ ਦੀ ਪਤਨੀ ਗਾਇਤਰੀ 'ਸਿਰਫ ਰਸੋਈ ਵਿੱਚ ਖਾਣਾ ਬਣਾਉਣਾ ਜਾਣਦੀ ਹੈ'।
ਉਨ੍ਹਾਂ ਦੀ ਇਸ ਟਿੱਪਣੀ 'ਤੇ ਇਤਰਾਜ਼ ਜਤਾਉਂਦੇ ਹੋਏ ਨੇਹਵਾਲ ਨੇ ਆਪਣੇ 'ਐਕਸ' 'ਤੇ ਪੋਸਟ ਕੀਤਾ, 'ਕਰਨਾਟਕ ਦੇ ਇਕ ਚੋਟੀ ਦੇ ਨੇਤਾ ਸ਼ਮਨੂਰ ਸ਼ਿਵਸ਼ੰਕਰੱਪਾ ਜੀ ਨੇ ਕਿਹਾ ਹੈ ਕਿ ਔਰਤਾਂ ਨੂੰ ਰਸੋਈ ਤੱਕ ਸੀਮਤ ਰਹਿਣਾ ਚਾਹੀਦਾ ਹੈ। ਦਾਵਨਗੇਰੇ ਤੋਂ ਉਮੀਦਵਾਰ ਗਾਇਤਰੀ ਸਿੱਧੇਸ਼ਵਰ 'ਤੇ ਕੀਤੀ ਗਈ ਇਸ ਲੈਂਗਿਕ ਟਿੱਪਣੀ ਦੀ ਘੱਟੋ-ਘੱਟ ਉਸ ਪਾਰਟੀ ਤੋਂ ਉਮੀਦ ਨਹੀਂ ਕੀਤੀ ਜਾ ਸਕਦੀ ਜੋ ਕਹਿੰਦੀ ਹੈ ਕਿ ਮੈਂ ਲੜਕੀ ਹਾਂ, ਮੈਂ ਲੜ ਸਕਦੀ ਹਾਂ।
ਲੰਡਨ ਓਲੰਪਿਕ 2012 'ਚ ਕਾਂਸੀ ਦਾ ਤਗਮਾ ਜਿੱਤਣ ਵਾਲੀ 34 ਸਾਲਾ ਨੇਹਵਾਲ ਨੇ ਕਿਹਾ ਕਿ ਜਦੋਂ ਦੇਸ਼ ਦੀਆਂ ਔਰਤਾਂ ਹਰ ਖੇਤਰ 'ਚ ਆਪਣੀ ਛਾਪ ਛੱਡਣ ਦੀ ਇੱਛਾ ਰੱਖਦੀਆਂ ਹਨ ਤਾਂ ਔਰਤਾਂ ਖਿਲਾਫ ਅਜਿਹੀਆਂ ਨਫਰਤ ਭਰੀਆਂ ਟਿੱਪਣੀਆਂ ਪਰੇਸ਼ਾਨ ਕਰਨ ਵਾਲੀਆਂ ਹਨ। ਉਨ੍ਹਾਂ ਲਿਖਿਆ, 'ਜਦੋਂ ਮੈਂ ਖੇਡਾਂ ਦੇ ਖੇਤਰ 'ਚ ਭਾਰਤ ਲਈ ਮੈਡਲ ਜਿੱਤੇ ਤਾਂ ਕਾਂਗਰਸ ਪਾਰਟੀ ਮੇਰੇ ਤੋਂ ਕੀ ਚਾਹੁੰਦੀ ਸੀ, ਮੈਨੂੰ ਕੀ ਕਰਨਾ ਚਾਹੀਦਾ ਸੀ? ਅਜਿਹਾ ਕਿਉਂ ਕਿਹਾ ਜਾ ਰਿਹਾ ਹੈ, ਜਦੋਂ ਸਾਰੀਆਂ ਲੜਕੀਆਂ ਅਤੇ ਔਰਤਾਂ ਕਿਸੇ ਵੀ ਖੇਤਰ ਵਿੱਚ ਵੱਡੀਆਂ ਪ੍ਰਾਪਤੀਆਂ ਕਰਨ ਦਾ ਸੁਫ਼ਨਾ ਦੇਖਦੀਆਂ ਹਨ।
ਨੇਹਵਾਲ ਨੇ ਲਿਖਿਆ, 'ਇਕ ਪਾਸੇ ਅਸੀਂ ਨਾਰੀ ਸ਼ਕਤੀ ਨੂੰ ਸਲਾਮ ਕਰ ਰਹੇ ਹਾਂ। ਸਾਡੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਾਹਿਬ ਦੀ ਅਗਵਾਈ ਵਿੱਚ ਇੱਕ ਪਾਸੇ ਮਹਿਲਾ ਰਿਜ਼ਰਵੇਸ਼ਨ ਬਿੱਲ ਪਾਸ ਹੋਇਆ ਹੈ ਅਤੇ ਦੂਜੇ ਪਾਸੇ ਨਾਰੀ ਸ਼ਕਤੀ ਦਾ ਅਪਮਾਨ ਅਤੇ ਔਰਤ ਵਿਰੋਧੀ ਲੋਕ। ਇਹ ਬਹੁਤ ਪ੍ਰੇਸ਼ਾਨ ਕਰਨ ਵਾਲਾ ਹੈ। ਸ਼ਿਵਸ਼ੰਕਰੱਪਾ ਨੇ ਹਾਲ ਹੀ 'ਚ ਕਿਹਾ, 'ਉਹ (ਗਾਇਤਰੀ) ਠੀਕ ਤਰ੍ਹਾਂ ਬੋਲਣਾ ਵੀ ਨਹੀਂ ਜਾਣਦੀ ਉਹ ਘਰ ਵਿੱਚ ਖਾਣਾ ਬਣਾਉਣ ਲਈ ਫਿੱਟ ਹੈ।
ਆਈ ਲੀਗ: ਰੀਅਲ ਕਸ਼ਮੀਰ ਐੱਫਸੀ ਨੇ ਨੇਰੋਕਾ ਐੱਫਸੀ ਨੂੰ ਹਰਾਇਆ
NEXT STORY 
