ਹੈਦਰਾਬਾਦ :ਏਸ਼ੀਆਈ ਖੇਡਾਂ ਵਿੱਚ ਇਤਿਹਾਸਕ ਪ੍ਰਦਰਸ਼ਨ ਤੋਂ ਬਾਅਦ ਭਾਰਤ ਦੇ ਨੌਜਵਾਨ ਤੀਰੰਦਾਜ਼ ਹੁਣ 8 ਅਕਤੂਬਰ ਤੋਂ ਹੈਦਰਾਬਾਦ ਵਿਖੇ ਸ਼ੁਰੂ ਹੋ ਰਹੀ ਆਰਚਰੀ ਪ੍ਰੀਮੀਅਰ ਲੀਗ (APL) ਦੇ ਦੂਜੇ ਸੀਜ਼ਨ ਵਿੱਚ ਆਪਣਾ ਜੌਹਰ ਦਿਖਾਉਣ ਲਈ ਤਿਆਰ ਹਨ। ਇਸ ਲੀਗ ਵਿੱਚ ਭਾਰਤ ਦੀਆਂ ਉੱਭਰਦੀਆਂ ਪ੍ਰਤਿਭਾਵਾਂ ਅਤੇ ਅੰਤਰਰਾਸ਼ਟਰੀ ਖਿਡਾਰੀ 15-ਸੈਕੰਡ ਦੇ ਤੇਜ਼ ਅਤੇ ਚੁਣੌਤੀਪੂਰਨ ਸ਼ੂਟਿੰਗ ਫਾਰਮੈਟ ਵਿੱਚ ਇੱਕ-ਦੂਜੇ ਦਾ ਸਾਹਮਣਾ ਕਰਨਗੇ। ਇਨ੍ਹਾਂ ਵਿੱਚ 17 ਸਾਲਾ ਕੁਮਕੁਮ ਮੋਹੋਦ (ਔਰਤਾਂ ਦੀ ਵਿਅਕਤੀਗਤ ਰਿਕਰਵ ਵਿੱਚ ਸੋਨ ਤਗਮਾ ਜੇਤੂ) ਅਤੇ 20 ਸਾਲਾ ਕੀਰਤੀ ਸ਼ਰਮਾ ਸ਼ਾਮਲ ਹਨ, ਜਿਨ੍ਹਾਂ ਨੇ ਅੰਕਿਤਾ ਭਗਤ ਨਾਲ ਮਿਲ ਕੇ ਮਹਿਲਾ ਰਿਕਰਵ ਟੀਮ ਈਵੈਂਟ ਵਿੱਚ ਦੱਖਣੀ ਕੋਰੀਆ ਦੇ 28 ਸਾਲ ਪੁਰਾਣੇ ਦਬਦਬੇ ਨੂੰ ਖ਼ਤਮ ਕਰਦਿਆਂ ਸੋਨ ਤਗਮਾ ਜਿੱਤਿਆ ਸੀ। ਕੁਮਕੁਮ ਇਸ ਲੀਗ ਵਿੱਚ 'ਚੇਰੋ ਆਰਚਰਜ਼' ਵੱਲੋਂ ਖੇਡੇਗੀ, ਜਦਕਿ ਕਿਸਾਨ ਪਰਿਵਾਰ ਨਾਲ ਸਬੰਧਤ ਕੀਰਤੀ 'ਪ੍ਰਿਥਵੀਰਾਜ ਯੋਧਾਜ਼' ਨਾਲ ਆਪਣਾ ਡੈਬਿਊ ਕਰੇਗੀ।
ਇਨ੍ਹਾਂ ਤੋਂ ਇਲਾਵਾ, 18 ਸਾਲਾ ਪ੍ਰਿਥਿਕਾ ਪ੍ਰਦੀਪ (ਚੇਰੋ ਆਰਚਰਜ਼) ਅਤੇ 21 ਸਾਲਾ ਚਿਕਿਤਾ ਤਨਿਪਾਰਥੀ (ਚੋਲਾ ਚੀਫ਼ਸ) ਵੀ ਇਸ ਲੀਗ ਵਿੱਚ ਵਾਪਸੀ ਕਰ ਰਹੀਆਂ ਹਨ; ਚਿਕਿਤਾ ਨੇ ਏਸ਼ੀਆਈ ਖੇਡਾਂ ਵਿੱਚ ਮਹਿਲਾ ਕੰਪਾਊਂਡ ਟੀਮ ਅਤੇ ਮਿਕਸਡ ਟੀਮ ਈਵੈਂਟ ਵਿੱਚ ਦੋ ਸੋਨ ਤਗਮੇ ਜਿੱਤ ਕੇ LA28 ਓਲੰਪਿਕ ਕੋਟਾ ਹਾਸਲ ਕੀਤਾ ਹੈ। ਉੱਥੇ ਹੀ, ਪੁਰਸ਼ਾਂ ਦੇ ਕੰਪਾਊਂਡ ਟੀਮ ਈਵੈਂਟ ਵਿੱਚ ਸੋਨ ਅਤੇ ਵਿਅਕਤੀਗਤ ਈਵੈਂਟ ਵਿੱਚ ਕਾਂਸੀ ਦਾ ਤਗਮਾ ਜਿੱਤਣ ਵਾਲੇ 20 ਸਾਲਾ ਗਣੇਸ਼ ਮਣੀ ਰਤਨਮ ਥਿਰੂਮੁਰੂ ਵੀ ਪ੍ਰਿਥਵੀਰਾਜ ਯੋਧਾਜ਼ ਨਾਲ ਆਪਣਾ ਲੀਗ ਡੈਬਿਊ ਕਰਨਗੇ। ਏਸ਼ੀਆਈ ਖੇਡਾਂ ਵਿੱਚ ਸ਼ਾਨਦਾਰ ਸਫ਼ਲਤਾ ਹਾਸਲ ਕਰਨ ਵਾਲੇ ਇਹ ਪੰਜੇ ਯੂਥ ਖਿਡਾਰੀ ਹੁਣ ਏ.ਪੀ.ਐੱਲ. ਦੇ ਇਸ ਹਾਈ-ਪ੍ਰੈਸ਼ਰ ਫਾਰਮੈਟ ਵਿੱਚ ਆਪਣਾ ਬਿਹਤਰੀਨ ਪ੍ਰਦਰਸ਼ਨ ਕਰਨ ਲਈ ਉਤਸ਼ਾਹਿਤ ਹਨ।
ਅਭਿਸ਼ੇਕ, ਸ਼ੁਭਮਨ, ਸ਼ੇਫਾਲੀ ਅਤੇ ਚਰਨੀ ICC ਪਲੇਅਰ ਆਫ ਦਿ ਮੰਥ ਪੁਰਸਕਾਰ ਲਈ ਨਾਮਜ਼ਦ
NEXT STORY 
