ਨਵੀਂ ਦਿੱਲੀ- ਭਾਰਤ ਦੀ ਮੇਜ਼ਬਾਨੀ ਵਿੱਚ ਅਗਲੇ ਮਹੀਨੇ ਹੋਣ ਵਾਲੇ ਪਹਿਲੇ ਖੋ-ਖੋ ਵਿਸ਼ਵ ਕੱਪ ਦੇ ਮੈਚਾਂ ਦੌਰਾਨ ਦਰਸ਼ਕਾਂ ਨੂੰ ਸਟੇਡੀਅਮ ਵਿੱਚ ਮੁਫ਼ਤ ਐਂਟਰੀ ਮਿਲੇਗੀ। ਖੋ-ਖੋ ਫੈਡਰੇਸ਼ਨ ਆਫ ਇੰਡੀਆ (ਕੇ.ਕੇ.ਐੱਫ.ਆਈ.) ਦੇ ਪ੍ਰਧਾਨ ਅਤੇ ਵਿਸ਼ਵ ਕੱਪ ਆਯੋਜਨ ਕਮੇਟੀ ਦੇ ਮੁਖੀ ਸੁਧਾਂਸ਼ੂ ਮਿੱਤਲ ਨੇ ਐਤਵਾਰ ਨੂੰ ਇੱਥੇ ਜਾਰੀ ਇਕ ਬਿਆਨ 'ਚ ਕਿਹਾ ਕਿ ਨਵੀਂ ਪੀੜ੍ਹੀ ਦੇ ਖਿਡਾਰੀਆਂ ਅਤੇ ਪ੍ਰਸ਼ੰਸਕਾਂ, ਔਰਤਾਂ ਅਤੇ ਪੁਰਸ਼ਾਂ ਨੂੰ ਖੋ-ਖੋ ਦੌਰਾਨ ਪ੍ਰੇਰਿਤ ਕਰਨ ਲਈ ਖੋ ਵਿਸ਼ਵ ਕੱਪ 2025 ਦਰਸ਼ਕਾਂ ਨੂੰ ਦੋਵੇਂ ਮੈਚਾਂ ਵਿੱਚ ਸਟੇਡੀਅਮ ਵਿੱਚ ਮੁਫ਼ਤ ਦਾਖਲਾ ਮਿਲੇਗਾ।
ਮਿੱਤਲ ਨੇ ਕਿਹਾ, “ਇਸ ਵਿਸ਼ਵ ਕੱਪ ਦੇ ਮੈਚ ਦੇਖਣ ਲਈ ਸਟੇਡੀਅਮ ਵਿੱਚ ਆਉਣ ਵਾਲੇ ਸਕੂਲੀ ਬੱਚਿਆਂ ਨੂੰ ਸਨੈਕਸ ਵੀ ਦਿੱਤਾ ਜਾਵੇਗਾ। ਖੋ-ਖੋ ਵਿਸ਼ਵ ਕੱਪ 13 ਜਨਵਰੀ ਤੋਂ 25 ਜਨਵਰੀ, 2025 ਤੱਕ ਨਵੀਂ ਦਿੱਲੀ (ਇੰਦਰਾ ਗਾਂਧੀ ਇਨਡੋਰ ਸਟੇਡੀਅਮ) ਅਤੇ ਨੋਇਡਾ (ਨੋਇਡਾ ਇਨਡੋਰ ਸਟੇਡੀਅਮ) ਵਿੱਚ ਹੋਵੇਗਾ। ਇਸ ਮੁਕਾਬਲੇ ਵਿੱਚ ਪੁਰਸ਼ ਵਰਗ ਵਿੱਚ 21 ਅਤੇ ਮਹਿਲਾ ਵਰਗ ਵਿੱਚ 20 ਟੀਮਾਂ ਭਾਗ ਲੈਣਗੀਆਂ। ਪੁਰਸ਼ ਵਰਗ ਦਾ ਪਹਿਲਾ ਮੈਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਹੋਵੇਗਾ।
ਬ੍ਰਿਸਬੇਨ ਟੈਸਟ 'ਚ ਫਾਲੋਆਨ ਬਚਾਉਣਾ ਨਹੀਂ ਸੀ ਉਦੇਸ਼ : ਆਕਾਸ਼ਦੀਪ
NEXT STORY 
