ਸੈਂਚੂਰੀਅਨ : ਇੰਗਲੈਂਡ ਦੇ ਆਲਰਾਊਂਡਰ ਖਿਡਾਰੀ ਬੈਨ ਸਟੋਕਸ ਪਿਤਾ ਦੀ ਸਿਹਤ ਵਿਚ ਸੁਧਾਰ ਹੋਣ ਤੋਂ ਬਾਅਦ ਬੁੱਧਵਾਰ ਨੂੰ ਟੀਮ ਦੇ ਨਾਲ ਜੁੜ ਗਏ ਅਤੇ ਅਭਿਆਸ ਸੈਸ਼ਨ ਵਿਚ ਹਿੱਸਾ ਲਿਆ। ਇੰਗਲੈਂਡ ਦੀ ਟੀਮ ਇੱਥੇ ਸੁਪਰ ਸਪੋਰਟਸ ਪਾਰਕ ਵਿਚ ਦੱਖਣੀ ਅਫਰੀਕਾ ਨਾਲ ਵੀਰਵਾਰ ਤੋਂ ਸ਼ੁਰੂ ਹੋ ਰਹੇ ਟੈਸਟ ਵਿਚ ਭਿੜੇਗੀ। ਇੰਗਲੈਂਡ ਐਂਡ ਵੇਲਸ ਕ੍ਰਿਕਟ ਬੋਰਡ ਨੇ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਸਟੋਕਸ ਦੇ ਪਿਤਾ ਗੇਡ ਹੁਣ ਵੀ ਜੋਹਾਨਸਬਰਗ ਦੇ ਹਸਪਤਾਲ ਵਿਚ ਆਈ. ਸੀ. ਯੂ. ਵਿਚ ਹਨ ਪਰ ਇਲਾਜ ਦਾ ਹਾਂ ਪੱਖੀ ਅਸਰ ਹੋਇਆ ਹੈ ਅਤੇ ਉਸ ਦੀ ਸਥਿਤੀ ਸਥਿਰ ਹੈ।
ਗੇਡ ਟੈਸਟ ਮੈਚ ਦੇਖਣ ਲਈ ਦੱਖਣੀ ਅਫਰੀਕਾ ਪਹੁੰਚੇ ਸੀ ਪਰ ਉਸ ਨੂੰ ਸੋਮਵਾਰ ਨੂੰ ਗੰਭੀਰ ਬੀਮਾਰੀ ਤੋਂ ਬਾਅਦ ਜੋਹਾਨਸਬਰਗ ਦੇ ਹਸਪਤਾਲ ਵਿਚ ਦਾਖਲ ਕਰਾਇਆ ਗਿਆ ਸੀ। ਪਿਤਾ ਦੇ ਨਾਲ ਮੌਜੂਦ ਰਹਿਣ ਕਾਰਨ ਸਟੋਕਸ ਨੇ ਮੰਗਲਵਾਰ ਨੂੰ ਅਭਿਆਸ ਸੈਸ਼ਨ ਵਿਚ ਹਿੱਸਾ ਨਹੀਂ ਲਿਆ ਸੀ। ਬੀਮਾਰੀ ਕਾਰਨ ਅਭਿਆਸ ਮੈਚ ਤੋਂ ਦੂਰ ਰਹਿਣ ਵਾਲੇ ਤੇਜ਼ ਗੇਂਦਬਾਜ਼ ਸਟੁਅਰਟ ਬ੍ਰਾਡ ਅਤੇ ਜ਼ੋਫਰਾ ਆਰਚਰ ਵੀ ਠੀਕ ਹੋ ਗਏ ਹਨ।
ਭਾਰਤੀ ਗੇਂਦਬਾਜ਼ ਨੇ ਕੋਚ ਨੂੰ ਕੱਢੀਆਂ ਗਾਲ੍ਹਾ, ਮੁਆਫੀ ਨਾ ਮੰਗਣ 'ਤੇ ਬੋਰਡ ਨੇ ਲਿਆ ਸਖ਼ਤ ਫੈਸਲਾ
NEXT STORY 
