ਸਪੋਰਟਸ ਡੈਸਕ : ਇੰਡੀਅਨ ਪ੍ਰੀਮੀਅਰ ਲੀਗ (IPL 2026) ਦੇ 19ਵੇਂ ਸੀਜ਼ਨ ਦਾ ਆਗਾਜ਼ 28 ਮਾਰਚ ਤੋਂ ਹੋਣ ਜਾ ਰਿਹਾ ਹੈ। ਜਿੱਥੇ ਇੱਕ ਪਾਸੇ ਸਾਰੀਆਂ ਟੀਮਾਂ ਤਿਆਰੀਆਂ ਵਿੱਚ ਜੁਟੀਆਂ ਹੋਈਆਂ ਹਨ, ਉੱਥੇ ਹੀ ਇੱਕ ਅਜਿਹਾ ਖਿਡਾਰੀ ਸੁਰਖੀਆਂ ਵਿੱਚ ਆ ਗਿਆ ਹੈ ਜਿਸ ਨੂੰ ਇਸ ਵਾਰ ਨਿਲਾਮੀ ਵਿੱਚ ਕਿਸੇ ਨੇ ਨਹੀਂ ਖਰੀਦਿਆ। ਪਿਛਲੇ ਸੀਜ਼ਨ ਵਿੱਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਦਾ ਹਿੱਸਾ ਰਹੇ 20 ਸਾਲਾ ਸਵਾਸਤਿਕ ਚਿਕਾਰਾ ਨੇ ਬੱਲੇ ਨਾਲ ਅਜਿਹਾ ਤੂਫ਼ਾਨ ਲਿਆਂਦਾ ਕਿ ਕ੍ਰਿਕਟ ਜਗਤ ਦੇ ਹੋਸ਼ ਉੱਡ ਗਏ ਹਨ।
ਦੋਹਰੇ ਸੈਂਕੜੇ ਤੋਂ ਖੁੰਝੇ, ਪਰ ਬਣਾਇਆ ਵੱਡਾ ਰਿਕਾਰਡ
ਅਯੁੱਧਿਆ ਪ੍ਰੀਮੀਅਰ ਲੀਗ 2026 ਵਿੱਚ ਗੋਮਤੀ ਥੰਡਰ ਵੱਲੋਂ ਖੇਡਦਿਆਂ ਸਵਾਸਤਿਕ ਚਿਕਾਰਾ ਨੇ ਹਿੰਡਨ ਟਾਈਟਨਸ ਦੇ ਗੇਂਦਬਾਜ਼ਾਂ ਦੀ ਰੱਜ ਕੇ ਪੁਣਤੀ ਕੀਤੀ। 22 ਮਾਰਚ ਨੂੰ ਖੇਡੇ ਗਏ ਇਸ ਮੁਕਾਬਲੇ ਵਿੱਚ ਸਵਾਸਤਿਕ ਨੇ ਸਿਰਫ਼ 69 ਗੇਂਦਾਂ ਦਾ ਸਾਹਮਣਾ ਕਰਦਿਆਂ ਨਾਬਾਦ 195 ਦੌੜਾਂ ਦੀ ਪਾਰੀ ਖੇਡੀ। ਹਾਲਾਂਕਿ ਉਹ ਆਪਣੇ ਦੋਹਰੇ ਸੈਂਕੜੇ ਤੋਂ ਮਹਿਜ਼ 5 ਦੌੜਾਂ ਦੂਰ ਰਹਿ ਗਏ, ਪਰ ਉਨ੍ਹਾਂ ਦੀ ਇਸ ਪਾਰੀ ਨੇ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਹੈ।
ਪਾਰੀ ਦੀਆਂ ਖ਼ਾਸ ਗੱਲਾਂ
ਛੱਕੇ-ਚੌਕੇ: ਸਵਾਸਤਿਕ ਨੇ ਆਪਣੀ ਪਾਰੀ ਵਿੱਚ 21 ਗਗਨਚੁੰਬੀ ਛੱਕੇ ਅਤੇ 11 ਚੌਕੇ ਜੜੇ।
ਸਟ੍ਰਾਈਕ ਰੇਟ: ਉਨ੍ਹਾਂ ਦਾ ਸਟ੍ਰਾਈਕ ਰੇਟ 282.61 ਦਾ ਰਿਹਾ।
ਟੀਮ ਦਾ ਸਕੋਰ : ਸਵਾਸਤਿਕ ਦੀ ਬਦੌਲਤ ਗੋਮਤੀ ਥੰਡਰ ਨੇ 20 ਓਵਰਾਂ ਵਿੱਚ ਬਿਨਾਂ ਕੋਈ ਵਿਕਟ ਗੁਆਏ 307 ਦੌੜਾਂ ਦਾ ਵਿਸ਼ਾਲ ਸਕੋਰ ਖੜ੍ਹਾ ਕੀਤਾ।
"ਆਈਪੀਐਲ ਨਿਲਾਮੀ ਵਿੱਚ ਅਣਵਿਕਿਆ ਰਹਿਣ ਦਾ ਗੁੱਸਾ ਸਵਾਸਤਿਕ ਨੇ ਮੈਦਾਨ 'ਤੇ ਕੱਢਿਆ। 21 ਛੱਕੇ ਮਾਰ ਕੇ ਦਿੱਤਾ ਫ੍ਰੈਂਚਾਈਜ਼ੀ ਟੀਮਾਂ ਨੂੰ ਕਰਾਰਾ ਜਵਾਬ।"
IPL ਡੈਬਿਊ ਦਾ ਅਜੇ ਵੀ ਇੰਤਜ਼ਾਰ
ਉੱਤਰ ਪ੍ਰਦੇਸ਼ ਦੇ ਗਾਜ਼ਿਆਬਾਦ ਦੇ ਰਹਿਣ ਵਾਲੇ ਸਵਾਸਤਿਕ ਚਿਕਾਰਾ ਨੂੰ ਕਿਸਮਤ ਦਾ ਸਾਥ ਨਹੀਂ ਮਿਲ ਰਿਹਾ। ਸਾਲ 2024 ਵਿੱਚ ਉਹ ਦਿੱਲੀ ਕੈਪੀਟਲਸ ਅਤੇ 2025 ਵਿੱਚ ਆਰਸੀਬੀ (RCB) ਦਾ ਹਿੱਸਾ ਸਨ, ਪਰ ਦੋਵਾਂ ਸੀਜ਼ਨਾਂ ਵਿੱਚ ਉਨ੍ਹਾਂ ਨੂੰ ਇੱਕ ਵੀ ਮੈਚ ਖੇਡਣ ਦਾ ਮੌਕਾ ਨਹੀਂ ਮਿਲਿਆ। IPL 2026 ਦੀ ਮਿੰਨੀ ਨਿਲਾਮੀ ਵਿੱਚ ਉਨ੍ਹਾਂ ਨੇ ਆਪਣਾ ਬੇਸ ਪ੍ਰਾਈਸ 30 ਲੱਖ ਰੁਪਏ ਰੱਖਿਆ ਸੀ, ਪਰ ਕਿਸੇ ਵੀ ਟੀਮ ਨੇ ਉਨ੍ਹਾਂ 'ਤੇ ਭਰੋਸਾ ਨਹੀਂ ਜਤਾਇਆ। ਹੁਣ ਇਸ ਧਮਾਕੇਦਾਰ ਪਾਰੀ ਤੋਂ ਬਾਅਦ ਚਰਚਾ ਛਿੜ ਗਈ ਹੈ ਕਿ ਕੀ ਟੀਮਾਂ ਨੇ ਇੱਕ ਵੱਡੇ ਟੈਲੇਂਟ ਨੂੰ ਗੁਆ ਦਿੱਤਾ ਹੈ।
ਮਿਆਮੀ ਓਪਨ : ਸਬਾਲੇਂਕਾ ਅਤੇ ਰਾਇਬਾਕੀਨਾ ਦੀ ਜੇਤੂ ਸ਼ੁਰੂਆਤ
NEXT STORY 
