ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੂੰ ਉਸਦੀ ਸ਼ਾਨਦਾਰ ਬੱਲੇਬਾਜ਼ੀ ਤਕਨੀਕ ਲਈ ਦੁਨੀਆ 'ਚ ਹਰ ਕੋਈ ਜਾਣਦਾ ਹੈ। ਮੌਜੂਦਾ ਸਮੇਂ ਕੋਹਲੀ ਨੂੰ ਦੁਨੀਆ ਦਾ ਨੰਬਰ ਇਕ ਬੱਲੇਬਾਜ਼ ਮੰਨਿਆ ਜਾਂਦਾ ਹੈ। ਕ੍ਰਿਕਟ ਪ੍ਰਸ਼ੰਸਕ ਕੋਹਲੀ ਦੀ ਬੱਲੇਬਾਜ਼ੀ ਦੇਖਣ ਲਈ ਹਜ਼ਾਰਾਂ ਮੀਲ ਦਾ ਸਫਰ ਕਰ ਕੇ ਪਹੁੰਚਦੇ ਹਨ। ਹੁਣ ਉੱਥੇ ਹੀ ਕੋਹਲੀ ਦੇ ਇਕ ਪ੍ਰਸ਼ੰਸਕ ਨੇ ਉਸ ਨੂੰ ਆਪਣੇ ਦੇਸ਼ ਵਿਚ ਖੇਡਣ ਦੀ ਬਨੇਤੀ ਕੀਤੀ ਹੈ। ਇਹ ਫੈਨ ਪਾਕਿਸਤਾਨ ਦੇਸ਼ ਦਾ ਹੈ ਜਿਸ ਨੇ ਭਾਰਤੀ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੂੰ ਪਾਕਿਸਤਾਨ 'ਚ ਆ ਕੇ ਖੇਡਣ ਦੀ ਬੇਨਤੀ ਕੀਤੀ ਹੈ। ਇਸ ਸਮੇਂ ਸ਼੍ਰੀਲੰਕਾ ਟੀਮ ਪਾਕਿਸਤਾਨ ਦੌਰੇ 'ਤੇ ਹੈ। ਦੋਵਾਂ ਟੀਮਾਂ ਵਿਚਾਲੇ ਬੁੱਧਵਾਰ ਨੂੰ ਗੱਦਾਫੀ ਸਟੇਡੀਅਮ ਵਿਚ ਟੀ-20 ਸੀਰੀਜ਼ ਦਾ ਆਖਰੀ ਮੁਕਾਬਲਾ ਖੇਡਿਆ ਗਿਆ ਜਿਸ ਵਿਚ ਸ਼੍ਰੀਲੰਕਾ ਨੇ ਪਾਕਿਸਤਾਨ ਨੂੰ 13 ਦੌੜਾਂ ਨਾਲ ਹਰਾ ਕੇ 3-0 ਨਾਲ ਸੀਰੀਜ਼ ਕਲੀਨ ਸਵੀਪ ਕੀਤੀ। ਇਸ ਦੌਰਾਨ ਇਕ ਪਾਕਿ ਪ੍ਰਸ਼ੰਸਕ ਦੇ ਹੱਥਾਂ ਵਿਚ ਪਲੇਕਾਰਡ ਦੇਖਿਆ ਗਿਆ ਜਿਸ 'ਤੇ ਵਿਰਾਟ ਨੂੰ ਪਾਕਿਸਤਾਨ 'ਚ ਆ ਕੇ ਖੇਡਣ ਲਈ ਕਿਹਾ ਗਿਆ ਸੀ। ਇਸ ਤਸਵੀਰ ਨੂੰ ਸੋਸ਼ਲ ਮੀਡੀਆ ਟਵਿੱਟਰ 'ਤੇ ਪੋਸਟ ਕੀਤਾ ਗਿਆ ਹੈ ਜਿਸ ਤੋਂ ਬਾਅਦ ਦੁਨੀਆ ਦੇ ਕਈ ਪ੍ਰਸ਼ੰਸਕਾਂ ਨੇ ਵਿਰਾਟ ਨੂੰ ਪਾਕਿਸਤਾਨ 'ਚ ਖੇਡਣ ਦਾ ਸੁਝਾਅ ਦਿੱਤਾ।
ਪਲੇਅਕਾਰਡ 'ਤੇ ਲਿਖਿਆ ਸੀ, ''ਵਿਰਾਟ ਕੋਹਲੀ, ਅਸੀਂ ਤੁਹਾਨੂੰ ਪਾਕਿਸਤਾਨ ਵਿਚ ਖੇਡਦੇ ਦੇਖਣਾ ਚਾਹੁੰਦੇ ਹਾਂ।''
ਦੱਸ ਦਈਏ ਕਿ ਸਾਲ 2009 ਵਿਚ ਸ਼੍ਰੀਲੰਕਾ ਟੀਮ 'ਤੇ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਦੁਨੀਆ ਦੀ ਹਰ ਟੀਮ ਨੇ ਪਾਕਿਸਤਾਨ 'ਚ ਜਾਣ ਤੋਂ ਮਨ੍ਹਾ ਕਰ ਦਿੱਤਾ ਸੀ। ਕਾਫੀ ਕੋਸ਼ਿਸ਼ ਕਰਨ ਤੋਂ ਬਾਅਦ ਸ਼੍ਰੀਲੰਕਾ ਟੀਮ ਨੇ ਪਾਕਿਸਤਾਨ ਦਾ ਦੌਰਾ ਕੀਤਾ ਹੈ। ਹਾਲਾਂਕਿ ਇਸ ਦੌਰੇ 'ਤੇ ਸ਼੍ਰੀਲੰਕਾ ਦੇ ਕਈ ਖਿਡਾਰੀ ਨਹੀਂ ਆਏ। ਇਨ੍ਹਾਂ ਖਿਡਾਰੀਆਂ ਨੇ ਸੁਰੱਖਿਆ ਦਾ ਹਵਾਲਾ ਦਿੰਦਿਆਂ ਪਾਕਿਸਤਾਨ ਜਾਣ ਤੋਂ ਮਨ੍ਹਾਂ ਕਰ ਦਿੱਤਾ ਸੀ।
ਬੁਮਰਾਹ ਨੂੰ ਲੈ ਕੇ ਡਰੇ ਕੋਚ ਰਵੀ ਸ਼ਾਸਤਰੀ, ਕਿਹਾ ਇਸ ਚੀਜ਼ ਨੂੰ ਲੈ ਕੇ ਰਹਿਣਾ ਹੋਵੇਗਾ ਸਾਵਧਾਨ
NEXT STORY