ਸਪੋਰਟਸ ਡੈਸਕ- ਕ੍ਰਿਕਟ ਦੀ ਖੇਡ 'ਚ ਜਿੰਨਾ ਰੋਲ ਕਿਸੇ ਬੱਲੇਬਾਜ਼ ਦਾ ਹੁੰਦਾ ਹੈ ਓਨਾ ਹੀ ਇਕ ਗੇਂਦਬਾਜ਼ ਦਾ ਵੀ ਹੁੰਦਾ ਹੈ। ਜਿੱਥੇ ਇਕ ਬੱਲੇਬਾਜ਼ ਦਾ ਕੰਮ ਇਸ ਖੇਡ 'ਚ ਦੌੜਾਂ ਬਣਾਉਣਾ ਹੁੰਦਾ ਹੈ ਉੱਥੇ ਹੀ ਇਕ ਗੇਂਦਬਾਜ਼ ਦੌੜਾਂ 'ਤੇ ਲਗਾਮ ਲਾ ਕੇ ਬੱਲੇਬਾਜ਼ ਨੂੰ ਆਊਟ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ। ਪਰ ਇਸ ਦੌਰਾਨ ਕਈ ਵਾਰ ਗੇਂਦਬਾਜ਼ ਤੋਂ ਗ਼ਲਤੀਆਂ ਹੋ ਜਾਂਦੀਆਂ ਹਨ ਜਿਵੇਂ ਕਿ ਉਹ ਨੋ ਬਾਲ ਜਾਂ ਵਾਈਡ ਗੇਂਦ ਕਰ ਕੇ ਬੱਲੇਬਾਜ਼ੀ ਟੀਮ ਨੂੰ ਦੌੜਾਂ ਲੁਟਾ ਦਿੰਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਦੁਨੀਆ 'ਚ ਕਈ ਅਜਿਹੇ ਗੇਂਦਬਾਜ਼ ਰਹੇ ਹਨ ਜਿਨ੍ਹਾਂ ਨੇ ਆਪਣੇ ਕਰੀਅਰ 'ਚ ਇਕ ਵੀ ਨੋ ਬਾਲ ਨਹੀਂ ਸੁੱਟੀ ਤੇ ਇਹ ਕਮਾਲ ਇਕ ਭਾਰਤੀ ਗੇਂਦਬਾਜ਼ ਵੀ ਕਰ ਚੁੱਕਾ ਹੈ।
ਇਹ ਵੀ ਪੜ੍ਹੋ : 'ਹਾਕੀ ਪੰਜਾਬ' ਨੂੰ ਵੱਡਾ ਝਟਕਾ, ਘਪਲੇਬਾਜ਼ੀ ਦੇ ਇਲਜ਼ਾਮ ਦਾ ਨੋਟਿਸ ਲੈਂਦਿਆਂ ਕੀਤਾ ਮੁਅੱਤਲ
ਕੀ ਹੁੰਦੀ ਹੈ ਨੋ ਬਾਲ
ਕ੍ਰਿਕਟ 'ਚ ਜਦੋਂ ਕੋਈ ਗੇਂਦਬਾਜ਼ ਨਿਯਮਾਂ ਦੇ ਮੁਤਾਬਕ ਗੇਂਦ ਨਹੀਂ ਸੁੱਟਦਾ ਤਾਂ ਉਸ ਗੇਂਦ ਨੂੰ 'ਨੋ ਬਾਲ' ਕਿਹਾ ਜਾਂਦਾ ਹੈ ਜਿਸ ਨੂੰ ਇਕ ਓਵਰ ਦੀਆਂ 6 ਗੇਂਦਾਂ 'ਚ ਨਹੀਂ ਗਿਣਿਆ ਜਾਂਦਾ। ਗੇਂਦਬਾਜ਼ ਵਲੋਂ ਨੋ ਬਾਲ ਸੁੱਟਣ ਦੀ ਸਜ਼ਾ ਦੇ ਰੂਪ 'ਚ ਬੱਲੇਬਾਜ਼ੀ ਕਰ ਰਹੀ ਟੀਮ ਨੂੰ ਇਕ ਵਾਧੂ ਦੌੜ ਦੇ ਦਿੱਤੀ ਜਾਂਦੀ ਹੈ। ਨਾਲ ਹੀ ਨੋ ਬਾਲ ਤੋਂ ਅਗਲੀ ਗੇਂਦ ਨੂੰ ਫ੍ਰੀ ਹਿੱਟ ਰੱਖਿਆ ਜਾਂਦਾ ਹੈ। ਫ੍ਰੀ ਹਿੱਟ ਗੇਂਦ 'ਚ ਬੱਲੇਬਾਜ਼ ਸਿਰਫ ਇਕ ਰਨ ਆਊਟ ਹੋ ਸਕਦਾ ਹੈ ਕਿਸੇ ਹੋਰ ਤਰੀਕੇ ਨਾਲ ਆਊਟ ਹੋਣ 'ਤੇ ਉਸ ਨੂੰ ਆਊਟ ਨਹੀਂ ਮੰਨਿਆ ਜਾਂਦਾ ਹੈ। ਨੋ ਬਾਲ ਦਾ ਇਸ਼ਾਰਾ ਅੰਪਾਇਰ ਵਲੋਂ ਆਪਣਾ ਇਕ ਹੱਥ ਮੋਢੇ ਦੀ ਉੱਚਾਈ ਤਕ ਚੁੱਕ ਕੇ ਦਿੱਤਾ ਜਾਂਦਾ ਹੈ।
ਇਸ ਭਾਰਤੀ ਧਾਕੜ ਨੇ ਨਹੀਂ ਸੁੱਟੀ ਇਕ ਵੀ ਨੋ ਬਾਲ
ਜੀ ਹਾਂ, ਅਸੀਂ ਗੱਲ ਕਰ ਰਹੇ ਹਾਂ ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਤੇ 1983 ਵਰਲਡ ਕੱਪ ਜਿੱਤਣ ਵਾਲੀ ਟੀਮ ਦੇ ਮੈਂਬਰ ਕਪਿਲ ਦੇਵ ਦੇ ਬਾਰੇ 'ਚ । ਕਪਿਲ ਦੇਵ ਨੇ 1978 ਤੋਂ ਲੈ ਕੇ 1994 ਤਕ ਆਪਣੇ 16 ਸਾਲਾਂ ਦੇ ਕਰੀਅਰ 'ਚ ਇਕ ਵੀ ਨੋ ਬਾਲ ਨਹੀਂ ਸੁੱਟੀ। ਇੱਥੋਂ ਤਕ ਕਿ ਕਪਿਲ ਦੇਵ ਇਕ ਤੇਜ਼ ਗੇਂਦਬਾਜ਼ ਸਨ ਪਰ ਫਿਰ ਵੀ ਨਾ ਤਾਂ ਉਨ੍ਹਾਂ ਦੇ ਹੱਥੋਂ ਕਦੀ ਗੇਂਦ ਫਿਸਲੀ ਤੇ ਨਾ ਹੀ ਉਨ੍ਹਾ ਦਾ ਪੈਰ ਅੱਗੇ ਨਿਕਲਿਆ। ਇਹ ਰਿਕਾਰਡ ਹਾਸਲ ਕਰਨ ਵਾਲੇ ਕਪਿਲ ਭਾਰਤ ਦੇ ਇਕਲੌਤੇ ਗੇਂਦਬਾਜ਼ ਹਨ।
ਭਾਰਤ ਨੂੰ ਜਿਤਾਇਆ ਵਰਲਡ ਕੱਪ
ਭਾਰਤ ਨੂੰ 1983 'ਚ ਪਹਿਲਾ ਵਰਲਡ ਕੱਪ ਜਿਤਾਉਣ ਵਾਲੇ ਕਪਤਾਨ ਕਪਿਲ ਦੇਵ ਨੇ ਵੀ ਆਪਣੇ ਕਰੀਅਰ 'ਚ ਕਦੀ ਇਕ ਵੀ ਨੋ ਬਾਲ ਨਹੀਂ ਸੁੱਟੀ। ਕਪਿਲ ਨੇ ਭਾਰਤ ਲਈ 131 ਟੈਸਟ ਤੇ 225 ਵਨ-ਡੇ ਮੁਕਾਬਲੇ ਖੇਡੇ। ਉਨ੍ਹਾਂ ਨੇ ਇੰਨੇ ਹੀ ਮੈਚਾਂ 'ਚ ਬੱਲੇ ਨਾਲ ਕ੍ਰਮਵਾਰ 5248 ਤੇ 3783 ਦੌੜਾਂ ਬਣਾਈਆਂ। ਜਦਕਿ ਉਨ੍ਹਾਂ ਦੇ ਨਾਂ 434 ਟੈਸਟ ਤੇ 253 ਵਨ-ਡੇ ਵਿਕਟ ਦਰਜ ਹਨ। ਕਪਿਲ ਜਿਹਾ ਆਲਰਾਊਂਡਰ ਅੱਜ ਤਕ ਭਾਰਤ 'ਚ ਪੈਦਾ ਨਹੀਂ ਹੋਇਆ। ਹਾਲ ਹੀ 'ਚ ਕਪਿਲ 'ਤੇ 83 ਨਾਂ ਦੀ ਇਕ ਫਿਲਮ ਵੀ ਬਣੀ ਸੀ।
ਇਹ ਵੀ ਪੜ੍ਹੋ : PM ਮੋਦੀ ਵੱਲੋਂ ਲਿਖੀ ਚਿੱਠੀ ਦਾ ਕੇਵਿਨ ਪੀਟਰਸਨ ਨੇ ਦਿੱਤਾ ਜਵਾਬ, ਜ਼ਾਹਿਰ ਕੀਤੀ ਇਹ ਇੱਛਾ
ਇਨ੍ਹਾਂ ਗੇਂਦਬਾਜ਼ਾਂ ਦੇ ਨਾਂ ਵੀ ਹੈ ਇਹ ਰਿਕਾਰਡ
ਕਪਿਲ ਦੇਵ ਤੋਂ ਇਲਾਵਾ ਦੁਨੀਆ ਦੇ 4 ਹੋਰ ਗੇਂਦਬਾਜ਼ ਅਜਿਹੇ ਹਨ ਜਿਨ੍ਹਾਂ ਨੇ ਇਕ ਵੀ ਨੋ ਬਾਲ ਨਹੀਂ ਸੁੱਟੀ। ਇਸ ਸੂਚੀ 'ਚ ਵੈਸਟਇੰਡੀਜ਼ ਦੇ ਸਾਬਕਾ ਕ੍ਰਿਕਟਰ ਲਾਂਸ ਗਿਬਸ, ਆਸਟਰੇਲੀਆ ਦੇ ਡੇਨਿਸ ਲਿਲੀ, ਇੰਗਲੈਂਡ ਦੇ ਧਾਕੜ ਆਲਰਾਊਂਡਰ ਈਆਨ ਬਾਥਮ, ਪਾਕਿਸਤਾਨ ਦੇ ਸਭ ਤੋਂ ਸਭ ਤੋਂ ਸਫਲ ਕਪਤਾਨ ਇਮਰਾਨ ਖ਼ਾਨ ਦਾ ਵੀ ਨਾਂ ਆਉਂਦਾ ਹੈ। ਅੱਜ ਦੇ ਸਮੇਂ 'ਚ ਤਾਂ ਸ਼ਾਇਦ ਕੋਈ ਗੇਂਦਬਾਜ਼ ਅਜਿਹਾ ਨਹੀਂ ਹੋਵੇਗਾ ਜਿਸ ਨੇ ਨੋ ਬਾਲ ਨਾ ਸੁੱਟੀ ਹੋਵੇ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਮੈਲਬੌਰਨ 'ਚ ਖੇਡ ਮੇਲਾ ਸਫ਼ਲਤਾ ਪੂਰਵਕ ਹੋਇਆ ਸਮਾਪਤ
NEXT STORY 
