ਸਪੋਰਟਸ ਡੈਸਕ- ਯੂਐਸ ਓਪਨ ਟੈਨਿਸ ਟੂਰਨਾਮੈਂਟ ਵਿੱਚ ਬੁੱਧਵਾਰ ਨੂੰ ਦੂਜੇ ਦੌਰ ਦੇ ਇੱਕ ਮੁਕਾਬਲੇ ਦੌਰਾਨ ਬਹੁਤ ਹੀ ਅਜੀਬ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਦੋਂ ਨੈੱਟ 'ਤੇ ਬੈਠੀ ਇੱਕ ਚਿੜੀ ਦੇ ਉੱਡ ਜਾਣ 'ਤੇ ਚੇਅਰ ਅੰਪਾਇਰ ਨੇ ਖੇਡ ਨੂੰ ਵਿਚਾਲੇ ਹੀ ਰੋਕ ਦਿੱਤਾ। ਸਟਾਰ ਖਿਡਾਰੀ ਦਾਨਿਲ ਮੇਦਵੇਦੇਵ ਨੇ ਇਸ ਫੈਸਲੇ ਦਾ ਸਖ਼ਤ ਵਿਰੋਧ ਕੀਤਾ ਅਤੇ ਇਸ ਨੂੰ ਆਪਣੇ ਕਰੀਅਰ ਦਾ ਸਭ ਤੋਂ ਹਾਸੋਹੀਣਾ ਫੈਸਲਾ ਕਰਾਰ ਦਿੱਤਾ।
ਕੀ ਹੈ ਪੂਰਾ ਮਾਮਲਾ?
ਇਹ ਘਟਨਾ ਲੁਈ ਆਰਮਸਟ੍ਰਾਂਗ ਸਟੇਡੀਅਮ ਵਿੱਚ ਖੇਡੇ ਜਾ ਰਹੇ ਮੈਚ ਦੇ ਦੂਜੇ ਸੈੱਟ ਦੌਰਾਨ ਵਾਪਰੀ, ਜਦੋਂ ਮੇਦਵੇਦੇਵ ਆਪਣੇ ਵਿਰੋਧੀ ਸੇਬੇਸਟਿਅਨ ਗੋਰਜ਼ਨੀ ਦੀ ਸਰਵਿਸ 'ਤੇ 4-1 ਨਾਲ ਅੱਗੇ ਚੱਲ ਰਹੇ ਸਨ। ਇੱਕ ਪੁਆਇੰਟ ਲਈ ਚੱਲ ਰਹੀ ਲੰਬੀ ਰੈਲੀ ਦੌਰਾਨ ਦੋ ਛੋਟੀਆਂ ਚਿੜੀਆਂ ਨੈੱਟ ਦੇ ਉੱਪਰ ਆ ਕੇ ਬੈਠ ਗਈਆਂ, ਪਰ ਖੇਡ ਨੂੰ ਜਾਰੀ ਰੱਖਿਆ ਗਿਆ। ਦੋਵਾਂ ਖਿਡਾਰੀਆਂ ਨੇ ਕਈ ਸ਼ਾਟ ਖੇਡੇ, ਪਰ ਜਿਵੇਂ ਹੀ ਮੇਦਵੇਦੇਵ ਨੇ ਇੱਕ ਜ਼ੋਰਦਾਰ ਫੋਰਹੈਂਡ ਸ਼ਾਟ ਮਾਰਿਆ ਅਤੇ ਉਸੇ ਸਮੇਂ ਇੱਕ ਚਿੜੀ ਉੱਡ ਗਈ, ਤਾਂ ਚੇਅਰ ਅੰਪਾਇਰ ਟਿਮੋ ਯਾਨਜੇਨ ਨੇ ਤੁਰੰਤ ਖੇਡ ਰੋਕਣ ਦਾ ਇਸ਼ਾਰਾ ਕਰ ਦਿੱਤਾ। ਅੰਪਾਇਰ ਨੇ ਉਸ ਪੁਆਇੰਟ ਨੂੰ ਦੁਬਾਰਾ ਖੇਡਣ ਦਾ ਹੁਕਮ ਦਿੱਤਾ, ਜਦਕਿ ਅੰਪਾਇਰ ਦੇ ਇਸ਼ਾਰੇ ਤੱਕ ਮੇਦਵੇਦੇਵ ਉਹ ਪੁਆਇੰਟ ਜਿੱਤ ਚੁੱਕੇ ਸਨ।
ਮੇਦਵੇਦੇਵ ਨੇ ਜਤਾਇਆ ਸਖ਼ਤ ਵਿਰੋਧ
ਅੰਪਾਇਰ ਦੇ ਇਸ ਫੈਸਲੇ ਤੋਂ ਨਾਰਾਜ਼ ਮੇਦਵੇਦੇਵ ਨੇ ਮੈਦਾਨ 'ਤੇ ਹੀ ਆਪਣਾ ਵਿਰੋਧ ਦਰਜ ਕਰਵਾਇਆ। ਮੈਚ ਤੋਂ ਬਾਅਦ ਗੱਲਬਾਤ ਕਰਦਿਆਂ ਮੇਦਵੇਦੇਵ ਨੇ ਕਿਹਾ, "मैंने ਆਪਣੇ ਜੀਵਨ ਵਿੱਚ ਇਸ ਤੋਂ ਵੱਧ ਹਾਸੋਹੀਣਾ ਫੈਸਲਾ ਨਹੀਂ ਦੇਖਿਆ। ਇਹ ਬਹੁਤ ਬੁਰਾ ਫੈਸਲਾ ਹੈ। ਜਦੋਂ ਪੰਛੀ ਨੈੱਟ 'ਤੇ ਬੈਠੇ ਸਨ, ਤਾਂ ਮੈਨੂੰ ਲੱਗਿਆ ਕਿ ਅੰਪਾਇਰ ਖੇਡ ਰੋਕ ਦੇਣਗੇ, ਪਰ ਉਨ੍ਹਾਂ ਨੇ ਖੇਡ ਜਾਰੀ ਰੱਖੀ। ਮੈਂ ਸੋਚਿਆ ਚਲੋ ਖੇਡਦੇ ਹਾਂ, ਪਰ ਜਿਵੇਂ ਹੀ ਮੈਂ ਆਪਣਾ ਜੇਤੂ ਸ਼ਾਟ ਮਾਰਿਆ, ਉਹ ਚੀਕ ਪਏ, 'ਰੁਕੋ, ਰੁਕੋ, ਰੁਕੋ।'"
ਅਲਕਾਰਾਜ਼ ਪਹਿਲਾ ਸੈੱਟ ਹਾਰਨ ਤੋਂ ਬਾਅਦ ਯੂਐਸ ਓਪਨ ਦੇ ਤੀਜੇ ਦੌਰ 'ਚ ਪੁੱਜਾ
NEXT STORY 
