ਸਪੋਰਟਸ ਡੈਸਕ- ਸਾਲ 2023 ਦੇ ਵਨਡੇ ਵਿਸ਼ਵ ਕੱਪ ਦੇ ਫਾਇਨਲ 'ਚ ਆਸਟ੍ਰੇਲੀਆ ਹੱਥੋਂ ਮਿਲੀ ਹਾਰ ਦਾ ਦਰਦ ਹਾਲੇ ਵੀ ਭਾਰਤੀ ਕ੍ਰਿਕਟ ਪ੍ਰੇਮੀਆਂ ਨੂੰ ਮਹਿਸੂਸ ਹੁੰਦਾ ਹੈ। ਇਸ ਪੂਰੇ ਟੂਰਨਾਮੈਂਟ 'ਚ ਟੀਮ ਇੰਡੀਆ ਅਜੇਤੂ ਰਹੀ ਸੀ, ਪਰ ਫਾਈਨਲ 'ਚ ਕਮਿੰਸ ਐਂਡ ਕੰਪਨੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਭਾਰਤ ਨੂੰ ਖ਼ਿਤਾਬ ਦੇ ਬੇਹੱਦ ਕਰੀਬ ਹੋ ਕੇ ਵੀ ਬਹੁਤ ਦੂਰ ਕਰ ਦਿੱਤਾ। ਹੁਣ ਅਗਲਾ ਵਿਸ਼ਵ ਕੱਪ, ਜੋ ਕਿ 2027 'ਚ ਹੋਣਾ ਹੈ, 'ਚ ਰੋਹਿਤ ਸ਼ਰਮਾ ਤੇ ਵਿਰਾਟ ਕੋਹਲੀ ਦੇ ਖੇਡਣ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਚਰਚਾਵਾਂ ਛਿੜੀਆਂ ਹੋਈਆਂ ਹਨ।
ਇਸੇ ਦੌਰਾਨ 27 ਸਤੰਬਰ ਤੋਂ ਭਾਰਤ ਤੇ ਵੈਸਟਇੰਡੀਜ਼ ਵਿਚਾਲੇ ਸ਼ੁਰੂ ਹੋ ਰਹੀ 3 ਮੈਚਾਂ ਦੀ ਵਨਡੇ ਸੀਰੀਜ਼ ਤੋਂ ਐਨ ਪਹਿਲਾਂ ਭਾਰਤ ਦੇ ਮਹਾਨ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਪੁਸ਼ਟੀ ਕੀਤੀ ਹੈ ਕਿ ਦੱਖਣੀ ਅਫ਼ਰੀਕਾ, ਨਾਮੀਬੀਆ ਅਤੇ ਜ਼ਿੰਬਾਬਵੇ ਵਿੱਚ ਹੋਣ ਵਾਲਾ 'ਆਈ.ਸੀ.ਸੀ. ਕ੍ਰਿਕਟ ਵਿਸ਼ਵ ਕੱਪ 2027' ਉਨ੍ਹਾਂ ਦੇ ਕਰੀਅਰ ਦਾ ਆਖ਼ਰੀ ਵਨਡੇ ਵਿਸ਼ਵ ਕੱਪ ਹੋਵੇਗਾ।
ਇੱਕ ਇੰਟਰਵਿਊ 'ਚ ਕੋਹਲੀ ਨੇ ਕਿਹਾ, "ਮੇਰੇ ਲਈ, ਇਹ ਭਾਰਤ ਲਈ ਖੇਡਿਆ ਜਾਣ ਵਾਲਾ ਮੇਰਾ ਆਖ਼ਰੀ ਵਿਸ਼ਵ ਕੱਪ ਹੋਵੇਗਾ। ਇਹੀ ਮੇਰੀ ਸਭ ਤੋਂ ਵੱਡੀ Motivation ਹੈ। ਜ਼ਾਹਿਰ ਹੈ ਕਿ ਸਾਡਾ ਗੋਲ ਵਿਸ਼ਵ ਕੱਪ ਜਿੱਤਣਾ ਹੈ ਅਤੇ ਇਸ ਲਈ ਜੋ ਵੀ ਕਰਨਾ ਪਵੇ, ਮੈਂ ਪੂਰੀ ਤਰ੍ਹਾਂ ਤਿਆਰ ਹਾਂ।" ਉਨ੍ਹਾਂ ਕਿਹਾ ਕਿ ਟੈਸਟ ਅਤੇ ਟੀ-20 ਕ੍ਰਿਕਟ ਤੋਂ ਪਹਿਲਾਂ ਹੀ ਸੰਨਿਆਸ ਲੈਣ ਮਗਰੋਂ ਮੇਰਾ ਪੂਰਾ ਧਿਆਨ ਹੁਣ 50-ਓਵਰਾਂ ਦੇ ਵਿਸ਼ਵ ਕੱਪ 'ਤੇ ਹੈ।
ਇਹ ਵੀ ਪੜ੍ਹੋ- ਏਸ਼ੀਅਨ ਗੇਮਜ਼ 'ਚ ਭਾਰਤ ਦੀਆਂ ਧੀਆਂ ਨੇ ਪਾਈ ਧੱਕ ! ਕਬੱਡੀ 'ਚ ਜਿੱਤਿਆ Gold
50-ਓਵਰ ਵਿਸ਼ਵ ਕੱਪ ਦੀ ਮੁਸ਼ਕਲ ਬਾਰੇ ਗੱਲ ਕਰਦਿਆਂ ਕੋਹਲੀ ਨੇ ਕਿਹਾ, "50-ਓਵਰਾਂ ਦੇ ਵਿਸ਼ਵ ਕੱਪ ਦੀ ਐਕਸਾਈਟਮੈਂਟ ਕਿਸੇ ਵੀ ਹੋਰ ਟੂਰਨਾਮੈਂਟ ਤੋਂ ਜ਼ਿਆਦਾ ਹੁੰਦੀ ਹੈ। ਇਹ ਟੀ-20 ਦੀ ਇੰਟੈਂਸਿਟੀ ਨਾਲ 10 ਮੈਚ ਖੇਡਣ ਦੇ ਬਰਾਬਰ ਹੈ, ਪਰ ਤੁਸੀਂ ਇੱਕ ਹੀ ਦਿਨ 'ਚ 2.5 ਟੀ-20 ਮੈਚਾਂ ਦੇ ਬਰਾਬਰ ਖੇਡਦੇ ਹੋ। ਵਿਦੇਸ਼ੀ ਕੰਡੀਸ਼ਨਜ਼ 'ਚ ਇਸ ਇੰਟੈਂਸਿਟੀ ਨੂੰ ਬਰਕਰਾਰ ਰੱਖਣਾ ਕਾਫ਼ੀ ਚੈਲੇਂਜਿੰਗ ਹੁੰਦਾ ਹੈ।"
ਜ਼ਿਕਰਯੋਗ ਹੈ ਕਿ ਕੋਹਲੀ ਨੇ ਹੁਣ ਤੱਕ ਭਾਰਤ ਲਈ 4 ਵਨਡੇ ਵਿਸ਼ਵ ਕੱਪ ਖੇਡੇ ਹਨ ਅਤੇ ਉਹ 2011 ਦੀ ਵਿਸ਼ਵ ਕੱਪ ਜੇਤੂ ਭਾਰਤੀ ਟੀਮ ਦਾ ਹਿੱਸਾ ਵੀ ਰਹੇ ਹਨ। ਵਿਸ਼ਵ ਕੱਪ ਦੇ 37 ਮੈਚਾਂ ਵਿੱਚ ਕੋਹਲੀ ਨੇ 59.83 ਦੀ ਔਸਤ ਨਾਲ 1,795 ਦੌੜਾਂ ਬਣਾਈਆਂ ਹਨ, ਜਿਸ 'ਚ 5 ਸੈਂਕੜੇ ਅਤੇ 12 ਅਰਧ-ਸੈਂਕੜੇ ਸ਼ਾਮਲ ਹਨ। ਇਸ ਦੌਰਾਨ ਉਨ੍ਹਾਂ ਦਾ ਬੈਸਟ ਸਕੋਰ 117 ਰਿਹਾ ਹੈ।
ਆਪਣੇ ਸ਼ਾਨਦਾਰ ਵਨਡੇ ਕਰੀਅਰ 'ਚ ਕੋਹਲੀ 15,000 ਦੌੜਾਂ ਦੇ ਅੰਕੜੇ ਦੇ ਬਹੁਤ ਨਜ਼ਦੀਕ ਹਨ। ਉਨ੍ਹਾਂ ਨੇ 302 ਪਾਰੀਆਂ 'ਚ 58.59 ਦੀ ਔਸਤ ਤੇ 93.95 ਦੇ ਸਟ੍ਰਾਈਕ ਰੇਟ ਨਾਲ 14,941 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਨ੍ਹਾਂ ਦੇ ਨਾਂ 54 ਸੈਂਕੜੇ ਅਤੇ 79 ਅਰਧ-ਸੈਂਕੜੇ ਦਰਜ ਹਨ ਤੇ ਵਨਡੇ 'ਚ ਉਨ੍ਹਾਂ ਦਾ ਬੈਸਟ ਸਕੋਰ 183 ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
Asian Games: ਗੁਲਵੀਰ ਨੇ 10,000 ਮੀਟਰ ਦੌੜ ’ਚ ਜਿੱਤੀ ਚਾਂਦੀ
NEXT STORY 
