ਕੈਨਬਰਾ— ਕਪਤਾਨ ਹੀਥਰ ਨਾਈਟ ਦੇ ਅਰਧ ਸੈਂਕੜੇ ਦੀ ਪਾਰੀ ਤੇ ਸਪਿਨਰਾਂ ਸਾਰਾਹ ਗਲੇਨ (3/15) ਤੇ ਸੋਫੀ ਅਕਲੇਸਟੋਨ (2/12) ਦੀ ਸ਼ਾਨਦਾਰ ਗੇਂਦਬਾਜ਼ੀ ਨਾਲ ਇੰਗਲੈਂਡ ਨੇ ਆਈ. ਸੀ. ਸੀ. ਮਹਿਲਾ ਟੀ-20 ਵਿਸ਼ਵ ਕੱਪ ਮੈਚ 'ਚ ਸ਼ੁੱਕਰਵਾਰ ਨੂੰ ਪਾਕਿਸਤਾਨ ਨੂੰ 42 ਦੌੜਾਂ ਨਾਲ ਹਰਾ ਕੇ ਲਗਾਤਾਰ ਦੂਜੀ ਜਿੱਤ ਦਰਜ ਕੀਤੀ। ਗਰੁੱਪ ਬੀ ਦੇ ਇਸ ਮੁਕਾਬਲੇ 'ਚ ਪਹਿਲਾਂ ਬੱਲੇਬਾਜ਼ੀ ਦਾ ਸੱਦਾ ਮਿਲਣ 'ਤੇ ਨਾਈਟ ਦੀ 62 ਦੌੜਾਂ ਦੀ ਨਤਾਲੀ ਸਾਈਵਰ ਦੀ 36 ਦੌੜਾਂ ਦੀ ਸ਼ਾਨਦਾਰ ਪਾਰੀਆਂ ਨਾਲ ਇੰਗਲੈਂਡ ਨੇ 7 ਵਿਕਟਾਂ 'ਤੇ 158 ਦੌੜਾਂ ਬਣਾਉਣ ਦੇ ਬਾਅਦ ਪਾਕਿਸਤਾਨ ਨੂੰ 19.4 ਓਵਰ 'ਚ 116 ਦੌੜਾਂ 'ਤੇ ਢੇਰ ਕਰ ਦਿੱਤਾ।
ਵੱਡੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਪਾਕਿਸਤਾਨ ਦੀ ਅੱਧੀ ਟੀਮ 50 ਦੌੜਾਂ 'ਤੇ ਪਵੇਲੀਅਨ ਚੱਲ ਗਈ ਸੀ। ਆਲੀਆ ਰਿਆਜ਼ ਨੇ ਇਸ ਦੇ ਬਾਅਦ 41 ਦੌੜਾਂ ਦੀ ਪਾਰੀ ਖੇਡ ਟੀਮ ਦੇ ਸਕੋਰ ਨੂੰ 100 ਦੇ ਪਾਰ ਪਹੁੰਚਾਇਆ। ਸਾਰਾਹ ਤੇ ਸੋਫੀ ਨੂੰ ਤੇਜ਼ ਗੇਂਦਬਾਜ਼ਾਂ ਅਨਿਆ (25 ਦੌੜਾਂ 'ਤੇ ਤਿੰਨ ਵਿਕਟਾਂ) ਤੇ ਕੈਥਰੀਨ ਬ੍ਰੰਟ (32 ਦੌੜਾਂ 'ਤੇ 2 ਵਿਕਟਾਂ) ਦਾ ਵਧੀਆ ਸਾਥ ਮਿਲਿਆ।
ਪੁਰੇਵਾਲ ਖੇਡ ਮੇਲੇ 'ਚ ਭਲਕੇ ਹੋਣਗੇ ਸਾਨ੍ਹਾਂ ਦੇ ਭੇੜ
NEXT STORY 
