ਜਲੰਧਰ : ਪੈਟਰੋਲ ਦੀਆਂ ਵਧਦੀਆਂ ਕੀਮਤਾਂ ਨੂੰ ਦੇਖਦੇ ਹੋਏ ਈ-ਬਾਈਕ ਨਿਰਮਾਤਾ ਕੰਪਨੀਆਂ ਦਾ ਧਿਆਨ ਹੁਣ ਇਲੈਕਟ੍ਰਿਕ ਮੋਟਰ ਬਾਈਕ ਵੱਲ ਵਧਦਾ ਜਾ ਰਿਹਾ ਹੈ। ਯੂਰਪ ਦੀ ਯੂਕ੍ਰੇਨੀਅਨ ਕੰਪਨੀ ਡੈੱਲਫਾਸਟ ਨੇ ਬੈਟਰੀ ਨਾਲ ਚੱਲਣ ਵਾਲੀ ਇਲੈਕਟ੍ਰਿਕ ਮੋਟਰ ਬਾਈਕ ਬਣਾਈ ਹੈ, ਜਿਸਦੇ ਟੌਪ ਮਾਡਲ ਨੂੰ ਇਕ ਵਾਰ ਚਾਰਜ ਕਰ ਕੇ 380 ਕਿਲੋਮੀਟਰ ਤੱਕ ਚਲਾਇਆ ਜਾ ਸਕਦਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਡੈਲਫਾਸਟ ਬਾਈਕ ਨਾਂ ਦੀ ਇਸ ਈ-ਮੋਟਰ ਬਾਈਕ ਵਿਚ ਲੱਗੀ 64-1h ਸਮਾਰਟ ਬੈਟਰੀ ਨੂੰ ਅਮਰੀਕਾ ਵਲੋਂ ਬਣਾਇਆ ਗਿਆ ਹੈ, ਜੋ ਲੰਮੀ ਦੂਰੀ ਦੀ ਯਾਤਰਾ ਨੂੰ ਤੈਅ ਕਰਨ ਵਿਚ ਮਦਦ ਕਰੇਗੀ। ਇਹ ਈ-ਮੋਟਰ ਬਾਈਕ ਰੋਜ਼ਾਨਾ ਜ਼ਿਆਦਾ ਦੂਰੀ ਦਾ ਰਸਤਾ ਤੈਅ ਕਰਨ ਵਾਲੇ ਲੋਕਾਂ ਲਈ ਕਾਫੀ ਫਾਇਦੇਮੰਦ ਰਹੇਗੀ, ਕਿਉਂਕਿ ਇਸ ਨੂੰ ਚਲਾਉਣ ਲਈ ਸਿਰਫ ਬਿਜਲੀ ਨਾਲ ਚਾਰਜ ਕਰਨ ਦੀ ਲੋੜ ਨਹੀਂ ਹੋਵੇਗੀ ਅਤੇ ਇਹ ਪੈਟਰੋਲ ਨਾਲ ਚੱਲਣ ਵਾਲੇ ਮੋਟਰਸਾਈਕਲ ਤੋਂ ਕਾਫੀ ਸਸਤੀ ਪਵੇਗੀ। ਇਸ ਈ-ਮੋਟਰ ਬਾਈਕ ਨੂੰ ਤਿੰਨ ਬੈਟਰੀਆਂ ਦੇ ਬਦਲ ਵਿਚ 5190 ਡਾਲਰ (ਲਗਭਗ 3 ਲੱਖ 40 ਹਜ਼ਾਰ ਰੁਪਏ) ਕੀਮਤ ਨਾਲ ਸ਼ੁਰੂ ਕੀਤਾ ਜਾਵੇਗਾ।
ਟੌਪ ਮਾਡਲ ਫੜੇਗਾ 80Km/h ਦੀ ਟੌਪ ਸਪੀਡ
ਇਸ ਈ-ਮੋਟਰ ਬਾਈਕ ਦੇ ਟੌਪ ਮਾਡਲ ਵਿਚ 5000 W ਦੀ ਮੋਟਰ ਲੱਗੀ ਹੈ, ਜੋ ਇਸ ਵਿਚ 80 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਟੌਪ ਸਪੀਡ ਤੱਕ ਪਹੁੰਚਣ ਵਿਚ ਮਦਦ ਕਰੇਗੀ। ਇਸਦੇ ਪ੍ਰਾਈਮ ਮਾਡਲ ਵਿਚ 1000-W ਦੀ ਮੋਟਰ ਦਿੱਤੀ ਗਈ ਹੈ, ਜੋ 55 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਟੌਪ ਸਪੀਡ ਤੱਕ ਜਾਵੇਗੀ। ਉਥੇ ਹੀ ਇਸਦੇ ਲਾਈਟ ਮਾਡਲ ਵਿਚ 750-W ਦੀ ਮੋਟਰ ਲੱਗੀ ਹੈ, ਜੋ 42 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਟੌਪ ਸਪੀਡ ਫੜਨ ਵਿਚ ਮਦਦ ਕਰੇਗੀ।
ਭਾਰ 'ਚ ਹਲਕੀ ਹੈ ਈ-ਮੋਟਰ ਬਾਈਕ
ਇਸਦੇ ਬੇਸ ਮਾਡਲ ਦਾ ਭਾਰ 27 ਕਿਲੋਗ੍ਰਾਮ ਹੈ, ਉਥੇ ਹੀ ਇਸਦਾ ਪ੍ਰਾਈਮ ਮਾਡਲ 43 ਕਿਲੋਗ੍ਰਾਮ ਤੇ ਟੌਪ ਮਾਡਲ ਦਾ ਭਾਰ 62 ਕਿਲੋਗ੍ਰਾਮ ਦੱਸਿਆ ਗਿਆ ਹੈ। ਇਸਦੇ ਫਰੰਟ ਅਤੇ ਰੀਅਰ ਵਿਚ ਇੰਡੀਕੇਟਰਸ ਅਤੇ ਬ੍ਰਾਈਟ ਲਾਈਟਸ ਦਿੱਤੀਆਂ ਗਈਆਂ ਹਨ, ਜੋ ਰਾਤ ਦੇ ਸਮੇਂ ਇਸ ਨੂੰ ਚਲਾਉਣ ਵਿਚ ਮਦਦ ਕਰਨਗੀਆਂ। ਇਸ ਤੋਂ ਇਲਾਵਾ ਇਸ ਵਿਚ ਡਿਜੀਟਲ ਡਿਸਪਲੇ ਵੀ ਲੱਗੀ ਹੈ, ਜੋ ਵੱਖ-ਵੱਖ ਪਾਵਰ ਮੋਡਸ ਨੂੰ ਸਿਲੈਕਟ ਕਰਨ ਵਿਚ ਮਦਦ ਕਰੇਗੀ।
ਸਮਾਰਟਫੋਨ ਨਾਲ ਕੁਨੈਕਟ ਹੋਵੇਗੀ ਈ-ਮੋਟਰ ਬਾਈਕ
ਇਸ ਈ-ਮੋਟਰ ਬਾਈਕ ਵਿਚ ਬਲੂਟੁਥ ਕੁਨੈਕਟਿਡ ਸਿਸਟਮ ਲੱਗਾ ਹੈ, ਜੋ ਸਮਾਰਟਫੋਨ ਦੇ ਨਾਲ ਕੁਨੈਕਟ ਹੋ ਕੇ ਕੰਮ ਕਰੇਗਾ। ਇਹ ਸਿਸਟਮ ਫੋਨ ਵਿਚ ਚੱਲ ਰਹੇ ਇੰਟਰਨੈੱਟ ਤੇ ਜੀ. ਪੀ. ਐੱਸ. ਨਾਲ ਡਿਸਪਲੇ 'ਤੇ ਰਸਤੇ ਨੂੰ ਸ਼ੋਅ ਕਰੇਗਾ। ਇਸ ਤੋਂ ਇਲਾਵਾ ਇਸ ਨੂੰ ਰਿਮੋਟ ਅਤੇ ਸਮਾਰਟਫੋਨ ਨਾਲ ਹੀ ਸਟਾਰਟ ਅਤੇ ਆਫ ਵੀ ਕੀਤਾ ਜਾ ਸਕਦਾ ਹੈ। ਆਸ ਕੀਤੀ ਜਾ ਰਹੀ ਹੈ ਕਿ ਇਸ ਨੂੰ ਮਈ 2018 ਤੱਕ ਵਿਕਰੀ ਲਈ ਮੁਹੱਈਆ ਕੀਤਾ ਜਾਵੇਗਾ।
Interceptor 750 : Royal enfield ਛੇਤੀ ਲਾਂਚ ਕਰ ਸਕਦੀ ਹੈ ਦਮਦਾਰ ਅਤੇ ਸਭ ਤੋਂ ਤੇਜ਼ ਮੋਟਰਸਾਈਕਲ
NEXT STORY 
