ਅਫ਼ਗਾਨਿਸਤਾਨ ਵਿੱਚ ਸ਼ੁੱਕਰਵਾਰ ਨੂੰ ਜੁੰਮੇ ਦੀ ਨਮਾਜ਼ ਦੌਰਾਨ ਇੱਕ ਮਸਜਿਦ ਵਿੱਚ ਹੋਏ ਬੰਬ ਧਮਾਕੇ ਵਿੱਚ ਘੱਟੋ-ਘੱਟ 62 ਲੋਕਾਂ ਦੀ ਮੌਤ ਦੀ ਖ਼ਬਰ ਹੈ।
ਅਧਿਕਾਰੀਆਂ ਅਨੁਸਾਰ ਪੂਰਬੀ ਨਾਨਗਹਿਰ ਸੂਬੇ ਦੀ ਇੱਕ ਮਸਜਿਦ ਵਿੱਚ ਸ਼ੁੱਕਰਵਾਰ ਦੀ ਨਮਾਜ਼ ਦੌਰਾਨ ਧਮਾਕਾ ਹੋ ਗਿਆ।
ਧਮਾਕੇ ਵਿੱਚ ਦਰਜਨਾਂ ਲੋਕ ਜ਼ਖ਼ਮੀ ਹੋਏ ਹਨ। ਧਮਾਕੇ ਤੋਂ ਬਾਅਦ ਮਸਜਿਦ ਦੀ ਛੱਤ ਢਹਿ ਗਈ।
ਇਸ ਇਲਾਕੇ ਵਿੱਚ ਇਸਲਾਮਿਕ ਸਟੇਟ ਅਤੇ ਤਾਲਿਬਾਨ ਦੋਵੇਂ ਐਕਟਿਵ ਹਨ ਪਰ ਹੁਣ ਤੱਕ ਇਸ ਧਮਾਕੇ ਦੀ ਜ਼ਿੰਮੇਵਾਰੀ ਕਿਸੇ ਨੇ ਨਹੀਂ ਲਈ ਹੈ।
ਇਹ ਧਮਾਕਾ ਯੂਐੱਨ ਵੱਲੋਂ ਜਾਰੀ ਉਸ ਬਿਆਨ ਦੇ ਫੌਰਨ ਬਾਅਦ ਹੋਇਆ ਹੈ ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਅਫ਼ਗਾਨਿਸਤਾਨ ਵਿੱਚ ਆਮ ਲੋਕਾਂ ਦੀ ਮੌਤ ਗਿਣਤੀ ਇਸ ਸਾਲ ਗਰਮੀਆਂ ਵਿੱਚ ਕਾਫੀ ਵਧ ਗਈ ਹੈ।
ਸੰਯੁਕਤ ਰਾਸ਼ਟਰ ਅਨੁਸਾਰ ਜੁਲਾਈ ਤੋਂ ਸਤੰਬਰ ਵਿਚਾਲੇ ਘੱਟੋ-ਘੱਟ 1147 ਨਾਗਰਿਕਾਂ ਦੀ ਮੌਤ ਹੋਈ ਹੈ। ਜੁਲਾਈ ਮਹੀਨਾ 2019 ਦਾ ਸਭ ਤੋਂ ਖੂਨੀ ਮਹੀਨਾ ਸਾਬਿਤ ਹੋਇਆ ਹੈ।
ਬੀਬੀਸੀ ਨੇ ਵੀ ਅਗਸਤ ਵਿੱਚ ਦੇਸ ਵਿੱਚ ਹੋਣ ਵਾਲੀ ਹਿੰਸਾ ਨਾਲ ਪ੍ਰਭਾਵਿਤ ਲੋਕਾਂ 'ਤੇ ਸਰਵੇ ਕੀਤਾ ਜਿਸ ਦੇ ਅਨੁਸਾਰ ਹਿੰਸਾ ਵਿੱਚ ਮਰਨ ਵਾਲਾ ਹਰ ਪੰਜਵਾ ਵਿਅਕਤੀ ਆਮ ਨਾਗਰਿਕ ਸੀ।
ਇਹ ਵੀਡੀਓ ਜ਼ਰੂਰ ਦੇਖੋ
https://www.youtube.com/watch?v=xQkMKxiwyh0
https://www.youtube.com/watch?v=o_jvWSaWDdE
(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ)
ਹਰਿਆਣਾ ਚੋਣਾਂ ’ਚ ਇੱਕ ਉਮੀਦਵਾਰ, ਜਿਸ ਦਾ ਟਰੈਕਟਰ ਹੀ ਹੈ ਉਸ ਦੀ ਸਟੇਜ- ਹਰਿਆਣਾ ਡਾਇਰੀ
NEXT STORY