ਨਵੀਂ ਦਿੱਲੀ— ਕੇਂਦਰ ਨੇ ਪ੍ਰਧਾਨ ਮੰਤਰੀ ਯੋਜਨਾ ਦੇ ਲਾਭਪਾਤਰਾਂ ਨੂੰ ਹੁਣ ਤਕ 12,305 ਕਰੋੜ ਰੁਪਏ ਦਾ ਭੂਗਤਾਨ ਕਰ ਦਿੱਤਾ ਹੈ। ਇਸ ਯੋਜਨਾ ਦਾ ਟੀਚਾ ਕਿਸਾਨਾਂ ਨੂੰ ਤਿੰਨ ਬਰਾਬਰ ਕਿਸ਼ਤਾਂ 'ਚ 6,000 ਰੁਪਏ ਪ੍ਰਤੀ ਸਾਲ ਦੇਣਾ ਹੈ। ਤਾਂਕਿ ਉਨ੍ਹਾਂ ਦੀ ਆਮਦਨ ਵਧ ਸਕੇ।
ਸ਼ੁੱਕਰਵਾਰ ਨੂੰ ਖੇਤੀਬਾੜੀ ਮੰਤਰੀ ਨਰਿੰਦਰ ਸਿੰਘ ਤੋਮਰ ਨੇ ਸੂਬਾ ਸਭਾ 'ਚ ਲਿਖਿਤ ਜਵਾਬ 'ਚ ਕਿਹਾ, 'ਹਾਲ ਹੀ 'ਚ ਸਰਕਾਰ ਨੇ 1 ਫਰਵਰੀ ਤੋਂ ਪ੍ਰਧਾਨ ਮੰਤਰੀ ਕਿਸਾਨ ਨਿਧੀ ਯੋਜਨਾ ਸ਼ੁਰੂ ਕੀਤੀ ਹੈ, ਜਿਸ 'ਚ ਕਿਸਾਨਾਂ ਨੂੰ ਖੇਤੀਬਾੜੀ ਤੇ ਸਬੰਧਿਤ ਸਰਗਰਮੀਆਂ ਤੇ ਘਰੇਲੂ ਜ਼ਰੂਰਤਾਂ ਨਾਲ ਜੁੜੇ ਖਰਚਿਆਂ ਦੀ ਦੇਖਭਾਲ ਕਰਨ 'ਚ ਸਮਰੱਥ ਬਣਾਇਆ ਜਾ ਸਕੇ।
ਇਸ ਯੋਜਨਾ ਦੇ ਤਹਿਤ ਲਾਭਪਾਤਰਾਂ ਨੂੰ 6,000 ਰੁਪਏ ਪ੍ਰਤੀ ਸਾਲ ਦਾ ਭੁਗਤਾਨ ਕੀਤਾ ਜਾਵੇਗਾ, ਜਿਸ ਨੂੰ 2,000 ਰੁਪਏ ਦੀ ਤਿੰਨ ਬਰਾਬਰ ਕਿਸ਼ਤਾਂ 'ਚ ਦਿੱਤਾ ਜਾਵੇਗਾ। ਹਾਲ ਹੀ 'ਚ ਕੇਂਦਰ ਨੇ ਸਾਰੇ 14.5 ਕਰੋੜ ਕਿਸਾਨਾਂ ਨੂੰ ਇਸ ਯੋਜਨਾ ਦਾ ਲਾਭ ਦੇਣ ਦਾ ਫੈਸਲਾ ਕੀਤਾ।
ਇਕ ਸਵਾਲ ਦੇ ਜਵਬ 'ਚ ਭੁਗਤਾਨ 'ਤੇ ਅਪਡੇਟ ਦਿੰਦੇ ਹੋਏ ਤੋਮਰ ਨੇ ਕਿਹਾ, 'ਹੁਣ ਤਕ 3,29,52,568 ਲਾਭਪਾਤਰਾਂ ਦੀ ਪਹਿਲੀ ਕਿਸ਼ਤ ਤੇ 2,85,73,889 ਲਾਭਪਾਤਰਾਂ ਨੂੰ ਦੂਜੀ ਕਿਸ਼ਤ ਸਿੱਧੇ ਬੈਂਕ 'ਚ ਜਮਾ ਕੀਤੀ ਗਈ ਹੈ। ਇਹ ਰਕਮ ਪੀ.ਐੱਮ. ਕਿਸਾਨ ਯੋਜਨਾ ਦੇ ਤਹਿਤ ਸਿੱਧੇ ਕਿਸਾਨਾਂ ਦੇ ਪਰਿਵਾਰਾਂ ਦੇ ਖਾਤਿਆਂ 'ਚ ਪਾਈ ਗਈ ਹੈ।' ਮਿਲੀ ਜਾਣਕਾਰੀ ਮੁਤਾਬਕ ਸਰਕਾਰ ਨੇ ਪਹਿਲੀ ਕਿਸ਼ਤ ਲਈ 6,590.51 ਕਰੋੜ ਰੁਪਏ ਤੇ ਦੂਜੀ ਕਿਸ਼ਤ ਲਈ 5,714.77 ਕਰੋੜ ਰੁਪਏ ਖਰਚ ਕੀਤੇ ਹਨ।
ਤੋਮਰ ਨੇ ਕਿਹਾ, 'ਪੀ.ਐੱਮ ਕਿਸਾਨ ਯੋਜਨਾ ਲਗਾਤਾਰ ਚੱਲਣ ਵਾਲੀ ਯੋਜਨਾ ਹੈ। ਜਿਸ 'ਚ ਵਿੱਤੀ ਲਾਭਪਾਤਰਾਂ ਦੇ ਬੈਂਕ ਖਾਤਿਆਂ 'ਚ ਸਿੱਧੇ ਪੈਸੇ ਭੇਜ ਦਿੱਤੇ ਜਾਂਦੇ ਹਨ। ਹਾਲਾਂਕਿ ਇਸ ਦਾ ਲਾਭ ਲੈਣ ਵਾਲੇ ਕਿਸਾਨਾਂ ਦੇ ਸਹੀ ਤੇ ਤਸਦੀਕਸ਼ੂਦਾ ਡਾਟਾ ਸਬੰਧਿਤ ਸੂਬਿਆਂ/ਸੰਘ ਸੂਬਾ ਖੇਤਰਾਂ ਵੱਲੋਂ ਵੈੱਬ ਪੋਰਟਲ ਪੀ.ਐੱਮ. ਕਿਸਾਨ 'ਤੇ ਅਪਲੋਡ ਹੁੰਦਾ ਹੈ।'
ਮੁਕਤ ਵਪਾਰ ਸਮਝੌਤਾ 'ਮੇਕ ਇਨ ਇੰਡੀਆ' ਦੇ ਅਨੁਰੂਪ ਨਹੀਂ: SIAM
NEXT STORY 
