ਨਵੀਂ ਦਿੱਲੀ : ਜੇਕਰ ਤੁਹਾਡਾ ਬੈਂਕ ਆਫ ਬੜੌਦਾ ਵਿਚ ਖ਼ਾਤਾ ਹੈ ਤਾਂ ਇਹ ਤੁਹਾਡੇ ਲਈ ਜ਼ਰੂਰੀ ਖਬਰ ਹੈ। ਵਿਜੇ ਬੈਂਕ ਜਾਂ ਦੇਨਾ ਬੈਂਕ ਦਾ ਆਈ.ਐਫ.ਐਸ.ਸੀ. ਕੋਡ 1 ਮਾਰਚ 2021 ਤੋਂ ਬਦਲ ਦਿੱਤਾ ਗਿਆ ਹੈ। ਭਾਵ ਵਿਜੇ ਬੈਂਕ ਅਤੇ ਦੇਨਾ ਬੈਂਕ ਦੇ ਪੁਰਾਣੇ ਕੋਡ ਅੱਜ ਤੋਂ ਕੰਮ ਨਹੀਂ ਕਰਨਗੇ। ਜੇ ਤੁਸੀਂ ਆਨਲਾਈਨ ਪੈਸੇ ਦਾ ਲੈਣ-ਦੇਣ ਕਰਨਾ ਹੈ, ਤਾਂ ਤੁਹਾਨੂੰ ਤੁਰੰਤ ਆਪਣਾ ਨਵਾਂ ਆਈ.ਐਫ.ਐਸ.ਸੀ. ਕੋਡ ਬੈਂਕ ਜਾ ਕੇ ਲੈ ਲੈਣਾ ਚਾਹੀਦਾ ਹੈ ਨਹੀਂ ਤਾਂ ਤੁਹਾਨੂੰ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਆਓ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਤੁਸੀਂ ਆਪਣਾ ਨਵਾਂ ਕੋਡ ਕਿਵੇਂ ਹਾਸਲ ਕਰ ਸਕਦੇ ਹੋ।
BoB ਨੇ ਟਵੀਟ ਕਰਕੇ ਦਿੱਤੀ ਹੈ ਜਾਣਕਾਰੀ
ਸਰਕਾਰੀ ਬੈਂਕ ਬੈਂਕ ਆਫ ਬੜੌਦਾ ਨੇ ਟਵੀਟ ਕਰਕੇ ਜਾਣਕਾਰੀ ਦਿੱਤੀ ਹੈ ਕਿ ਪਿਆਰੇ ਗ੍ਰਾਹਕਾਂ ਕਿਰਪਾ ਕਰਕੇ ਨੋਟ ਕਰੋ ਕਿ ਈ-ਵਿਜੇ ਅਤੇ ਈ-ਦੇਨਾ ਆਈ.ਐਫ.ਐਸ.ਸੀ. ਕੋਡ 1 ਮਾਰਚ 2021 ਤੋਂ ਬੰਦ ਹੋਣ ਜਾ ਰਹੇ ਹਨ। ਈ-ਵਿਜੈ ਅਤੇ ਦੇਨਾ ਬੈਂਕ ਸ਼ਾਖਾਵਾਂ ਤੋਂ ਨਵੇਂ ਆਈ.ਐਫ.ਐਸ.ਸੀ. ਕੋਡ ਪ੍ਰਾਪਤ ਕਰੋ। ਬਸ ਕਦਮ ਦੀ ਪਾਲਣਾ ਕਰੋ ਅਤੇ ਸਹੂਲਤ ਦਾ ਅਨੁਭਵ ਕਰੋ।
ਇਹ ਵੀ ਪੜ੍ਹੋ : ਦੁਨੀਆ ’ਚ ਸਭ ਤੋਂ ਜ਼ਿਆਦਾ ਕੰਮ ਦਾ ਬੋਝ ਭਾਰਤੀਆਂ ’ਤੇ, ਤਨਖਾਹ ਵੀ ਮਿਲਦੀ ਹੈ ਸਭ ਤੋਂ ਘੱਟ
ਇਨ੍ਹਾਂ ਨੰਬਰਾਂ 'ਤੇ ਫ਼ੋਨ ਕਾਲ ਕਰਕੇ ਜਾਣਕਾਰੀ ਪ੍ਰਾਪਤ ਕਰੋ
ਜੇ ਤੁਹਾਨੂੰ ਆਈ.ਐਫ.ਐਸ.ਸੀ. ਕੋਡ ਨਾਲ ਸਬੰਧਤ ਕੋਈ ਸਮੱਸਿਆ ਹੈ, ਤਾਂ ਤੁਸੀਂ ਇਸ ਟੋਲ ਫ੍ਰੀ ਨੰਬਰ 1800 258 1700 'ਤੇ ਕਾਲ ਕਰ ਸਕਦੇ ਹੋ ਜਾਂ ਤੁਸੀਂ ਬੈਂਕ ਸ਼ਾਖਾ ਵੀ ਜਾ ਸਕਦੇ ਹੋ।
ਇਹ ਵੀ ਪੜ੍ਹੋ : ਘਰੇਲੂ ਹਵਾਈ ਯਾਤਰਾ ਹੋਵੇਗੀ ਸਸਤੀ, ਟਿਕਟ ਬੁੱਕ ਕਰਨ ਵੇਲੇ ਕਰਨੀ ਹੋਵੇਗੀ ਇਸ ਵਿਕਲਪ ਦੀ ਚੋਣ
ਮੈਸੇਜ ਕਰਕੇ ਪਤਾ ਲਗਾਓ
ਇਸ ਤੋਂ ਇਲਾਵਾ ਤੁਸੀਂ ਮੈਸੇਜ ਵੀ ਕਰ ਸਕਦੇ ਹੋ। ਮੈਸੇਜ ਵਿਚ ਤੁਹਾਨੂੰ 'ਐਮ.ਆਈ.ਜੀ.ਆਰ. <ਸਪੇਸ> ਪੁਰਾਣੇ ਅਕਾਊਂਟ ਨੰਬਰ ਦੇ ਅੰਤਮ 4 ਅੰਕ' ਲਿਖਣੇ ਪੈਣਗੇ। ਹੁਣ ਇਹ ਸੁਨੇਹਾ ਆਪਣੇ ਰਜਿਸਟਰਡ ਮੋਬਾਈਲ ਨੰਬਰ ਤੋਂ 8422009988 'ਤੇ ਭੇਜੋ।
ਆਈ.ਐਫ.ਐਸ.ਸੀ. ਕੋਡ ਵਿਚ ਤਬਦੀਲੀਆਂ ਹੋਣ ਕਾਰਨ ਖ਼ਾਤਾ ਧਾਰਕਾਂ ਨੂੰ ਆਨਲਾਈਨ ਲੈਣ-ਦੇਣ ਲਈ ਬੈਂਕ ਦਾ ਆਈ.ਐੱਫ.ਐੱਸ.ਸੀ. ਅਰਥਾਤ ਭਾਰਤੀ ਵਿੱਤੀ ਸਿਸਟਮ ਕੋਡ ਦੇ ਨਾਲ ਬੈਂਕ ਖਾਤਾ ਨੰਬਰ ਸ਼ਾਮਲ ਕਰਨਾ ਪਏਗਾ। ਇਸ ਲਈ ਤੁਹਾਨੂੰ ਆਪਣੇ ਨਵੇਂ ਆਈ.ਐਫ.ਐਸ.ਸੀ. ਕੋਡ ਨੂੰ ਸ਼ਾਮਲ ਕਰਨਾ ਪਵੇਗਾ ਨਹੀਂ ਤਾਂ ਤੁਸੀਂ 1 ਫਰਵਰੀ ਤੋਂ ਪੈਸਾ ਟ੍ਰਾਂਸਫਰ ਨਹੀਂ ਕਰ ਸਕੋਗੇ।
ਇਹ ਵੀ ਪੜ੍ਹੋ : ਦਿੱਲੀ ਸਰਕਾਰ ਨੇ ਇਲੈਕਟ੍ਰਿਕ ਵਾਹਨਾਂ ਨੂੰ ਉਤਸ਼ਾਹਤ ਕਰਨ ਲਈ 'ਸਵਿਚ ਦਿੱਲੀ' ਮੁਹਿੰਮ ਦੀ ਕੀਤੀ ਸ਼ੁਰੂਆਤ
ਜਾਣੋ ਆਈ.ਐਫ.ਐਸ.ਸੀ. ਕੋਡ ਬਾਰੇ
ਆਈ.ਐਫ.ਐਸ.ਸੀ. ਕੋਡ 11 ਅੰਕਾਂ ਦਾ ਨੰਬਰ ਹੁੰਦਾ ਹੈ। ਆਈ.ਐਫ.ਐਸ.ਸੀ. ਕੋਡ ਦੇ ਸ਼ੁਰੂਆਤੀ ਚਾਰ ਅੱਖਰ ਬੈਂਕ ਦਾ ਨਾਮ ਦਰਸਾਉਂਦੇ ਹਨ। ਆਈ.ਐਫ.ਐਸ.ਸੀ. ਕੋਡ ਦੀ ਵਰਤੋਂ ਇਲੈਕਟ੍ਰਾਨਿਕ ਭੁਗਤਾਨ ਦੇ ਦੌਰਾਨ ਕੀਤੀ ਜਾਂਦੀ ਹੈ। ਕਿਸੇ ਵੀ ਬੈਂਕ ਦੀ ਕਿਸੇ ਵੀ ਸ਼ਾਖਾ ਨੂੰ ਉਸ ਕੋਡ ਦੁਆਰਾ ਆਸਾਨੀ ਟਰੈਕ ਕੀਤਾ ਜਾ ਸਕਦਾ ਹੈ। ਇਹ ਕੋਡ ਬੈਂਕ ਖਾਤੇ ਅਤੇ ਚੈੱਕ ਬੁੱਕ ਉੱਤੇ ਵੀ ਦਰਜ ਹੁੰਦਾ ਹੈ।
ਇਹ ਵੀ ਪੜ੍ਹੋ : 18 ਘੰਟਿਆਂ 'ਚ 25 KM ਲੰਬੀ ਸੜਕ ਬਣਾ ਕੇ NHAI ਨੇ ਬਣਾਇਆ ਵਿਸ਼ਵ ਰਿਕਾਰਡ, ਜਾਣੋ ਨਿਤਿਨ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਬਾਜ਼ਾਰ 'ਚ ਉਛਾਲ, ਸੈਂਸੈਕਸ 550 ਅੰਕ ਦੀ ਬੜ੍ਹਤ ਨਾਲ 49,600 ਤੋਂ ਪਾਰ ਖੁੱਲ੍ਹਾ
NEXT STORY 
