ਮੁੰਬਈ (ਭਾਸ਼ਾ) - ਸੂਚਨਾ ਤਕਨਾਲੋਜੀ (IT), ਬਿਜ਼ਨਸ ਪ੍ਰੋਸੈਸ ਆਊਟਸੋਰਸਿੰਗ (BPO)/ITES ਅਤੇ FMCG ਸੈਕਟਰਾਂ ਵਿੱਚ ਨਕਾਰਾਤਮਕ ਰੁਝਾਨਾਂ ਦੇ ਵਿਚਕਾਰ ਸਤੰਬਰ ਵਿੱਚ ਦਫ਼ਤਰੀ ਭਰਤੀ ਵਿੱਚ ਸਾਲ ਦਰ ਸਾਲ 8.6 ਫ਼ੀਸਦੀ ਦੀ ਗਿਰਾਵਟ ਆਈ ਹੈ। ਸੋਮਵਾਰ ਨੂੰ ਜਾਰੀ ਇਕ ਰਿਪੋਰਟ 'ਚ ਇਹ ਗੱਲ ਕਹੀ ਗਈ ਹੈ। ਹਾਲਾਂਕਿ ਮਹੀਨਾਵਾਰ ਆਧਾਰ 'ਤੇ ਭਰਤੀ 'ਚ ਕਰੀਬ ਛੇ ਫ਼ੀਸਦੀ ਦਾ ਵਾਧਾ ਹੋਇਆ ਹੈ। Naukri.com ਦੇ ਮਾਸਿਕ 'Naukri JobSeek Index' ਦੇ ਮੁਤਾਬਕ ਸਤੰਬਰ 'ਚ ਦਫ਼ਤਰੀ ਕੰਮਾਂ ਲਈ 2,835 ਭਰਤੀਆਂ ਕੀਤੀਆਂ ਗਈਆਂ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ 8.6 ਫ਼ੀਸਦੀ ਘੱਟ ਹਨ।
ਇਹ ਵੀ ਪੜ੍ਹੋ : ਕੇਂਦਰ ਸਰਕਾਰ ਦਾ ਵੱਡਾ ਫ਼ੈਸਲਾ: ਹੁਣ ਸਿਰਫ਼ 603 ਰੁਪਏ 'ਚ ਮਿਲੇਗਾ ਗੈਸ ਸਿਲੰਡਰ
ਪਿਛਲੇ ਸਾਲ ਇਸੇ ਸਮੇਂ ਦੌਰਾਨ 3,103 ਲੋਕਾਂ ਦੀ ਭਰਤੀ ਕੀਤੀ ਗਈ ਸੀ। Naukri Jobspeak ਇੱਕ ਮਹੀਨਾਵਾਰ ਸੂਚਕਾਂਕ ਹੈ, ਜੋ ਕਿ ਭਾਰਤੀ ਨੌਕਰੀ ਬਾਜ਼ਾਰ ਦੀ ਸਥਿਤੀ ਅਤੇ ਨੌਕਰੀ ਖੋਜਾਂ ਅਤੇ Naukri.com ਦੇ 'ਬਾਇਓਡਾਟਾ ਡੇਟਾਬੇਸ' 'ਤੇ ਕੰਪਨੀਆਂ ਦੁਆਰਾ ਸੂਚੀਬੱਧ ਨਵੀਆਂ ਨੌਕਰੀਆਂ ਦੇ ਆਧਾਰ 'ਤੇ ਭਰਤੀ ਗਤੀਵਿਧੀਆਂ ਨੂੰ ਦਰਸਾਉਂਦਾ ਹੈ। ਸਰਵੇਖਣ ਦੇ ਅਨੁਸਾਰ ਆਈਟੀ ਸੈਕਟਰ ਵਿਸ਼ਵਵਿਆਪੀ ਸੰਕਟ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਪਿਛਲੇ ਕੁਝ ਮਹੀਨਿਆਂ ਵਿੱਚ ਭਰਤੀ ਦੀ ਗਿਣਤੀ ਵਿੱਚ ਗਿਰਾਵਟ ਦੇਖੀ ਗਈ ਹੈ। ਨਾਲ ਹੀ ਬੀਪੀਓ/ਆਈਟੀਈਐਸ ਅਤੇ ਐੱਫਐੱਮਸੀਜੀ ਨੇ ਵੀ ਇਸ ਮਿਆਦ ਦੇ ਦੌਰਾਨ ਕ੍ਰਮਵਾਰ 25 ਫ਼ੀਸਦੀ ਅਤੇ 23 ਫ਼ੀਸਦੀ ਦੀ ਨਕਾਰਾਤਮਕ ਵਾਧਾ ਦਰਜ ਕੀਤਾ ਹੈ।
ਇਹ ਵੀ ਪੜ੍ਹੋ - ਸੋਨਾ ਖ਼ਰੀਦਣ ਦੇ ਚਾਹਵਾਨਾਂ ਲਈ ਸੁਨਹਿਰੀ ਮੌਕਾ, ਘਟੀਆਂ ਕੀਮਤਾਂ, ਜਾਣੋ ਅੱਜ ਦਾ ਭਾਅ
Naukri.com ਦੇ ਮੁੱਖ ਕਾਰੋਬਾਰੀ ਅਧਿਕਾਰੀ ਪਵਨ ਗੋਇਲ ਨੇ ਕਿਹਾ, “ਹਾਲਾਂਕਿ ਆਈਟੀ ਸੈਕਟਰ ਪ੍ਰਭਾਵਿਤ ਹੋ ਰਿਹਾ ਹੈ, ਬੈਂਕਿੰਗ ਖੇਤਰ ਵਿੱਚ ਮਜ਼ਬੂਤ ਵਾਧਾ ਚੰਗੀ ਖ਼ਬਰ ਹੈ। ਸੰਯੁਕਤ ਸੂਚਕਾਂਕ ਵਿੱਚ ਛੇ ਫ਼ੀਸਦੀ ਦਾ ਕ੍ਰਮਵਾਰ ਵਾਧਾ ਖੇਤਰੀ ਵਿਭਿੰਨਤਾ ਦੇ ਅਧਾਰ 'ਤੇ ਭਾਰਤੀ ਨੌਕਰੀ ਬਾਜ਼ਾਰ ਦੀ ਲਚਕਤਾ ਨੂੰ ਰੇਖਾਂਕਿਤ ਕਰਦਾ ਹੈ।” ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਪਰਾਹੁਣਚਾਰੀ ਅਤੇ ਯਾਤਰਾ ਉਦਯੋਗ ਵਿੱਚ ਸਭ ਤੋਂ ਵੱਧ ਵਾਧਾ ਦੇਖਿਆ ਗਿਆ, ਕਿਉਂਕਿ ਪਰਿਵਾਰਾਂ ਅਤੇ ਇਕੱਲੇ ਸਫ਼ਰ ਕਰਨ ਵਾਲਿਆਂ ਨੇ ਮਾਨਸੂਨ ਦੇ ਸੀਜ਼ਨ 'ਚ ਕਾਫ਼ੀ ਸਫਰ ਕੀਤੇ ਹਨ।
ਇਹ ਵੀ ਪੜ੍ਹੋ : ਘਰੇਲੂ ਕੁਦਰਤੀ ਗੈਸ ਦੀਆਂ ਕੀਮਤਾਂ 'ਚ ਵਾਧੇ ਮਗਰੋਂ ਇਕ ਹੋਰ ਝਟਕਾ ਦੇਣ ਦੀ ਤਿਆਰੀ 'ਚ ਸਰਕਾਰ
ਇਸ ਦੌਰਾਨ ਰਿਪੋਰਟ ਵਿੱਚ ਪਾਇਆ ਗਿਆ ਕਿ ਸਤੰਬਰ, 2023 ਵਿੱਚ ਰੁਜ਼ਗਾਰ ਸਿਰਜਣ ਦੇ ਮਾਮਲੇ ਵਿੱਚ ਛੋਟੇ ਸ਼ਹਿਰ ਮਹਾਨਗਰਾਂ ਤੋਂ ਅੱਗੇ ਰਹੇ। ਵਡੋਦਰਾ, ਅਹਿਮਦਾਬਾਦ ਅਤੇ ਜੈਪੁਰ ਸ਼ਹਿਰਾਂ ਵਿੱਚ ਪਿਛਲੇ ਸਾਲ ਦੇ ਇਸੇ ਮਹੀਨੇ ਦੇ ਮੁਕਾਬਲੇ ਸਤੰਬਰ ਵਿੱਚ ਭਰਤੀਆਂ ਵਿੱਚ ਕ੍ਰਮਵਾਰ ਚਾਰ ਫ਼ੀਸਦੀ, ਤਿੰਨ ਫ਼ੀਸਦੀ ਅਤੇ ਦੋ ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ।
ਇਹ ਵੀ ਪੜ੍ਹੋ : ਅਕਤੂਬਰ ਮਹੀਨੇ ਹੋਵੇਗੀ ਛੁੱਟੀਆਂ ਦੀ ਬਰਸਾਤ, 15 ਦਿਨ ਬੰਦ ਰਹਿਣਗੇ ਬੈਂਕ, ਵੇਖੋ ਪੂਰੀ ਸੂਚੀ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੰਗ ਵਿੱਚ ਵਾਧਾ ਹੋਣ ਕਾਰਨ ਘਟ ਰਿਹਾ ਦਾਲਾਂ ਦੀ ਫ਼ਸਲ ਦਾ ਰਕਬਾ, ਬਣਿਆ ਚਿੰਤਾ ਦਾ ਵਿਸ਼ਾ
NEXT STORY 
