ਬਿਜ਼ਨੈੱਸ ਡੈਸਕ : ਅਡਾਨੀ ਗਰੁੱਪ ਨੂੰ ਧਾਰਾਵੀ ਤੋਂ ਬਾਅਦ ਮੁੰਬਈ 'ਚ ਇਕ ਹੋਰ ਅਹਿਮ ਰੀਅਲ ਅਸਟੇਟ ਪ੍ਰਾਜੈਕਟ ਮਿਲਣ ਜਾ ਰਿਹਾ ਹੈ। ਜੇਕਰ ਰਿਪੋਰਟਾਂ ਦੀ ਮੰਨੀਏ ਤਾਂ ਬਾਂਦਰੋ ਰੀਕਲੇਮੇਸ਼ਨ ਵਿੱਚ ਸਥਿਤ MSRDC ਦੇ 24 ਏਕੜ ਪਲਾਟ ਨੂੰ ਮੁੜ ਵਿਕਸਤ ਕਰਨ ਦਾ ਪ੍ਰਾਜੈਕਟ ਅਡਾਨੀ ਨੂੰ ਮਿਲ ਸਕਦਾ ਹੈ, ਕਿਉਂਕਿ ਅਡਾਨੀ ਰਿਐਲਟੀ ਨੇ ਇਸ ਲਈ ਸਭ ਤੋਂ ਵੱਧ ਬੋਲੀ ਲਗਾਈ ਹੈ।
ਇਹ ਵੀ ਪੜ੍ਹੋ - Today Gold Silver Price: ਸੋਨੇ ਦੀਆਂ ਕੀਮਤਾਂ 'ਚ ਵਾਧਾ, ਚਾਂਦੀ 71 ਹਜ਼ਾਰ ਤੋਂ ਹੋਈ ਪਾਰ
ਲਾਰਸਨ ਐਂਡ ਟੂਬਰੋ ਨਾਲ ਸੀ ਮੁਕਾਬਲਾ
ਇੱਕ ਰਿਪੋਰਟ ਅਨੁਸਾਰ ਅਡਾਨੀ ਸਮੂਹ ਦੀ ਰੀਅਲ ਅਸਟੇਟ ਕੰਪਨੀ ਅਡਾਨੀ ਰੀਅਲਟੀ ਨੇ ਮਹਾਰਾਸ਼ਟਰ ਰਾਜ ਸੜਕ ਵਿਕਾਸ ਨਿਗਮ ਯਾਨੀ MSRDC ਦੇ ਪ੍ਰਾਜੈਕਟ ਲਈ ਸਭ ਤੋਂ ਵੱਡੀ ਬੋਲੀ ਲਗਾਈ ਹੈ। MSRDC ਦਾ 24-ਏਕੜ ਦਾ ਪਲਾਟ ਇੱਕ ਪ੍ਰਮੁੱਖ ਸਥਾਨ 'ਤੇ ਸਥਿਤ ਹੈ ਅਤੇ ਬਾਂਦਰਾ-ਵਰਲੀ ਸੀ ਲਿੰਕ ਦੇ ਨੇੜੇ ਹੈ। ਇਸ ਪ੍ਰਾਜੈਕਟ ਲਈ ਅਡਾਨੀ ਰਿਐਲਟੀ ਤੋਂ ਇਲਾਵਾ ਸਿਰਫ਼ ਲਾਰਸਨ ਐਂਡ ਟੂਬਰੋ ਹੀ ਦੌੜ ਵਿੱਚ ਸਨ। ਇਹ ਪਲਾਟ ਵਿਕਾਸ ਵਿੱਚ ਵਪਾਰਕ ਅਤੇ ਰਿਹਾਇਸ਼ੀ ਵਰਤੋਂ ਲਈ ਅਲਾਟ ਕੀਤਾ ਗਿਆ ਹੈ ਅਤੇ ਇਸਦੀ ਅਨੁਮਾਨਿਤ ਲਾਗਤ 30,000 ਕਰੋੜ ਰੁਪਏ ਹੈ। ਇਸ ਲੈਂਡ ਪਾਰਸਲ ਦਾ 45 ਲੱਖ ਵਰਗ ਫੁੱਟ ਦਾ ਸੰਭਾਵੀ ਵਿਕਾਸ ਖੇਤਰ ਹੈ।
ਇਹ ਵੀ ਪੜ੍ਹੋ - Paytm Fastag ਨੂੰ ਲੈ ਕੇ NHAI ਦਾ ਵੱਡਾ ਫ਼ੈਸਲਾ, ਪ੍ਰਭਾਵਿਤ ਹੋ ਸਕਦੇ ਹਨ 2 ਕਰੋੜ ਲੋਕ
ਅਗਲੇ ਹਫ਼ਤੇ ਹੋਵੇਗੀ ਬੋਰਡ ਦੀ ਅਹਿਮ ਮੀਟਿੰਗ
ਅਡਾਨੀ ਰਿਐਲਟੀ ਨੇ ਆਪਣੀ ਬੋਲੀ ਵਿੱਚ MSRDC ਨੂੰ 23.15 ਫ਼ੀਸਦੀ ਮਾਲੀਆ ਹਿੱਸੇ ਦੀ ਪੇਸ਼ਕਸ਼ ਕੀਤੀ ਹੈ, ਜਦੋਂ ਕਿ ਵਿਰੋਧੀ L&T ਦੀ ਬੋਲੀ ਨੇ 18 ਫ਼ੀਸਦੀ ਮਾਲੀਆ ਹਿੱਸੇ ਦੀ ਪੇਸ਼ਕਸ਼ ਕੀਤੀ ਸੀ। ਇਸ ਤਰ੍ਹਾਂ ਅਡਾਨੀ ਰਿਐਲਟੀ ਨੇ ਐੱਲਐਂਡਟੀ ਨਾਲੋਂ ਜ਼ਿਆਦਾ ਆਕਰਸ਼ਕ ਪੇਸ਼ਕਸ਼ ਪੇਸ਼ ਕੀਤੀ ਹੈ। ਅਜੇ ਤੱਕ ਜੇਤੂ ਦਾ ਐਲਾਨ ਨਹੀਂ ਕੀਤਾ ਗਿਆ ਹੈ ਪਰ ਦੋਵਾਂ ਬੋਲੀ ਨੂੰ ਦੇਖਦੇ ਹੋਏ ਅਡਾਨੀ ਰਿਐਲਟੀ ਦੇ ਨੂੰ ਮਿਲਣ ਦੇ ਮੌਕੇ ਦਿਖਾਈ ਦੇ ਰਹੇ ਹਨ। ਇਸ ਸਬੰਧੀ ਅੰਤਿਮ ਫ਼ੈਸਲਾ ਅਗਲੇ ਹਫ਼ਤੇ ਹੋਣ ਵਾਲੀ MSRDC ਬੋਰਡ ਦੀ ਮੀਟਿੰਗ ਵਿੱਚ ਲਿਆ ਜਾਵੇਗਾ।
ਇਹ ਵੀ ਪੜ੍ਹੋ - Paytm ਦਾ FASTag ਇਸਤੇਮਾਲ ਕਰਨ ਵਾਲੇ ਸਾਵਧਾਨ! ਦੇਣਾ ਪੈ ਸਕਦੈ ਦੁੱਗਣਾ ਟੋਲ
ਲਾਗੂ ਹੋਈਆਂ ਇਹ ਸ਼ਰਤਾਂ
ਜੇਕਰ ਅਡਾਨੀ ਰਿਐਲਟੀ ਨੂੰ ਵਿਜੇਤਾ ਚੁਣਿਆ ਜਾਂਦਾ ਹੈ, ਤਾਂ ਉਸ ਦੁਆਰਾ ਪੇਸ਼ ਕੀਤੀ ਗਈ ਪੇਸ਼ਕਸ਼ ਦੇ ਅਨੁਸਾਰ ਉਸਨੂੰ ਪ੍ਰਾਜੈਕਟ ਮਾਲੀਏ ਦਾ 23.15 ਫ਼ੀਸਦੀ ਜਾਂ 8000 ਕਰੋੜ ਰੁਪਏ ਜੋ ਵੀ ਵੱਧ ਹੋਵੇ, ਅਦਾ ਕਰਨਾ ਹੋਵੇਗਾ। ਇਸ ਤੋਂ ਇਲਾਵਾ ਅਡਾਨੀ ਰਿਐਲਟੀ ਐੱਮਐੱਸਆਰਡੀਸੀ ਨੂੰ 50 ਹਜ਼ਾਰ ਵਰਗ ਫੁੱਟ ਦੀ ਇੱਕ ਫਰਨੀਡ ਆਫਿਸ ਸਪੇਸ ਵੀ ਪ੍ਰਦਾਨ ਕਰੇਗੀ।
ਇਹ ਵੀ ਪੜ੍ਹੋ - 15 ਜਨਵਰੀ ਤੋਂ 15 ਜੁਲਾਈ ਦੇ ਸ਼ੁੱਭ ਮਹੂਰਤ 'ਚ ਹੋਣਗੇ 42 ਲੱਖ ਵਿਆਹ, 5.5 ਲੱਖ ਕਰੋੜ ਰੁਪਏ ਦੇ ਕਾਰੋਬਾਰ ਦਾ ਅਨੁਮਾਨ
ਅਡਾਨੀ ਗਰੁੱਪ ਕੋਲ ਧਾਰਾਵੀ ਪ੍ਰਾਜੈਕਟ
ਅਡਾਨੀ ਗਰੁੱਪ ਦੀ ਰਿਐਲਟੀ ਕੰਪਨੀ ਦਾ ਮੁੰਬਈ ਵਿੱਚ ਇੱਕ ਹੋਰ ਵੱਡਾ ਰੀਅਲ ਅਸਟੇਟ ਪ੍ਰਾਜੈਕਟ ਹੈ। ਅਡਾਨੀ ਗਰੁੱਪ ਨੂੰ ਮੁੰਬਈ ਦੇ ਮੱਧ 'ਚ ਸਥਿਤ ਧਾਰਾਵੀ ਝੁੱਗੀ ਦੇ ਮੁੜ ਵਿਕਾਸ ਦਾ ਕੰਮ ਮਿਲਿਆ ਹੈ। ਅਡਾਨੀ ਗਰੁੱਪ ਨੂੰ ਨਵੰਬਰ 2022 ਵਿੱਚ ਧਾਰਾਵੀ ਰੀਡਿਵੈਲਪਮੈਂਟ ਪ੍ਰਾਜੈਕਟ ਦਾ ਜੇਤੂ ਚੁਣਿਆ ਗਿਆ ਸੀ। ਪ੍ਰਾਜੈਕਟ ਦੇ ਤਹਿਤ, 600 ਏਕੜ ਦੇ ਖੇਤਰ ਵਿੱਚ ਫੈਲੀ ਧਾਰਾਵੀ ਦਾ ਮੁੜ ਵਿਕਾਸ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ - 15 ਜਨਵਰੀ ਤੋਂ 15 ਜੁਲਾਈ ਦੇ ਸ਼ੁੱਭ ਮਹੂਰਤ 'ਚ ਹੋਣਗੇ 42 ਲੱਖ ਵਿਆਹ, 5.5 ਲੱਖ ਕਰੋੜ ਰੁਪਏ ਦੇ ਕਾਰੋਬਾਰ ਦਾ ਅਨੁਮਾਨ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਭਾਰਤ ਦੇ ਤਾਜ਼ੇ ਫਲਾਂ ਦੇ ਨਿਰਯਾਤ 'ਚ 29 ਫ਼ੀਸਦੀ ਵਾਧਾ, 111 ਦੇਸ਼ਾਂ ਤੱਕ ਫੈਲਿਆ ਹੋਇਆ ਇਹ ਬਾਜ਼ਾਰ
NEXT STORY 
