ਨਵੀਂ ਦਿੱਲੀ — ਮਾਨਸੂਨ ਦੇ ਆਮ ਤੋਂ ਘੱਟ ਰਹਿਣ ਕਾਰਨ ਕੁਲ ਬਿਜਾਈ ਰਕਬਾ ਪਿਛਲੇ ਸਾਲ ਦੇ ਮੁਕਾਬਲੇ 7.5 ਫੀਸਦੀ ਘੱਟ ਹੈ। ਇਸ ਨਾਲ ਕੁਲ ਖੇਤੀਬਾੜੀ ਉਤਪਾਦਨ 'ਤੇ ਅਸਰ ਪੈ ਸਕਦਾ ਹੈ। ਕੇਅਰ ਰੇਟਿੰਗਸ ਦੀ ਰਿਪੋਰਟ ਅਨੁਸਾਰ ਹਾਲਾਂਕਿ ਇਸ ਹਫਤੇ ਦੇਸ਼ ਦੇ ਜ਼ਿਆਦਾਤਰ ਹਿੱੱਸਿਆਂ ਵਿਚ ਬਾਰਸ਼ ਆਮ ਰਹੀ ਪਰ ਅਜੇ ਵੀ ਇਹ ਔਸਤ ਤੋਂ 7 ਫੀਸਦੀ ਘੱਟ ਹੈ।
ਜਿਨ੍ਹਾਂ ਖੇਤਰਾਂ ਵਿਚ ਆਮ ਤੋਂ ਘੱਟ ਬਾਰਿਸ਼ ਹੋਈ ਹੈ, ਉਸ ਵਿਚ ਆਂਧਰਾ ਪ੍ਰਦੇਸ਼ 'ਚ ਰਾਇਲਸੀਮਾ ਸ਼ਾਮਿਲ ਹੈ। ਉਥੇ ਆਮ ਤੋਂ 43 ਫੀਸਦੀ ਘੱਟ ਬਾਰਸ਼ ਹੋਈ ਹੈ। ਉੱਤਰ-ਪੂਰਬ ਦੇ ਖੇਤਰ ਵੀ ਘੱਟ ਬਾਰਸ਼ ਦੀ ਮਾਰ ਝੇਲ ਰਹੇ ਹਨ। ਰਿਪੋਰਟ ਅਨੁਸਾਰ ਪਿਛਲੇ ਸਾਲ ਦੇ ਮੁਕਾਬਲੇ ਗੰਨੇ ਨੂੰ ਛੱਡ ਕੇ ਸਾਰੀਆਂ ਫਸਲਾਂ ਦੀ ਬਿਜਾਈ ਘੱਟ ਹੋਈ ਹੈ।
ਦਾਲਾਂ ਦਾ ਰਕਬਾ ਕਰੀਬ 9 ਫੀਸਦੀ ਘੱਟ ਹੈ। ਰਾਇਲਸੀਮਾ 'ਚ ਪਿਛਲੇ ਦੋ ਹਫਤੇ ਤੋਂ ਘੱਟ ਬਾਰਸ਼ ਕਾਰਨ ਮਾਂਹ ਦੇ ਰਕਬੇ 'ਚ 16 ਫੀਸਦੀ ਦੀ ਗਿਰਾਵਟ ਆਈ ਹੈ। ਆਂਧਰਾ ਪ੍ਰਦੇਸ਼ ਦੀ ਮਾਂਹ ਮੁੱਖ ਫਸਲ ਹੈ। ਹਾਲਾਂਕਿ ਮੂੰਗ ਦੀ ਖੇਤੀ ਵਧੀਆ ਰਹੀ ਹੈ ਇਸ ਦਾ ਰਕਬਾ ਪਿਛਲੇ ਸਾਲ 2017 ਦੇ ਮੁਕਾਬਲੇ 3.8 ਫੀਸਦੀ ਵਧਿਆ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਇਸ ਸਾਲ ਦਾਲਾਂ ਦਾ ਰਕਬਾ ਪਿਛਲੇ ਸਾਲ ਦੇ ਮੁਕਾਬਲੇ 1.2 ਫੀਸਦੀ ਘੱਟ ਹੈ। ਹਾਲਾਂਕਿ ਗੰਨੇ ਦਾ ਰਕਬਾ 2017 ਦੀ ਤੁਲਨਾ ਵਧ ਹੈ।
ਸੇਬ 'ਤੇ ਮੌਸਮ ਦੀ ਮਾਰ, ਮਹਿੰਗੇ ਹੋਣ ਦੇ ਆਸਾਰ
NEXT STORY 
