ਨਵੀਂ ਦਿੱਲੀ - ਜੇਕਰ ਕਿਸੇ ਮਰੀਜ਼ ਦੀ ਕੋਰਨਾਵਾਇਰਸ ਕਾਰਣ ਮੌਤ ਹੋ ਜਾਂਦੀ ਹੈ ਤਾਂ ਬੀਮਾ ਕੰਪਨੀਆਂ ਦਾਅਵੇ ਤੋਂ ਇਨਕਾਰ ਨਹੀਂ ਕਰ ਸਕਦੀਆਂ। ਜੀਵਨ ਬੀਮਾ ਪ੍ਰੀਸ਼ਦ ਨੇ ਸੋਮਵਾਰ ਨੂੰ ਕਿਹਾ ਕਿ ਸਾਰੀਆਂ ਬੀਮਾ ਕੰਪਨੀਆਂ ਕੋਵਿਡ -19 ਦੁਆਰਾ ਹੋਈ ਮੌਤ ਦੇ ਸਬੰਧ ਵਿਚ ਦਾਅਵਿਆਂ ਦਾ ਨਿਪਟਾਰਾ ਕਰਨ ਲਈ ਬੱਧੀਆਂ/ਪਾਬੰਧਿਤ ਹਨ। ਕੌਂਸਲ ਨੇ ਇਕ ਬਿਆਨ 'ਚ ਕਿਹਾ ਹੈ ਕਿ ਜਨਤਕ ਅਤੇ ਨਿੱਜੀ, ਦੋਵੇਂ ਬੀਮਾ ਕੰਪਨੀਆਂ ਕੋਵਿਡ -19 ਨਾਲ ਸਬੰਧਤ ਕਿਸੇ ਮੌਤ ‘ਤੇ ਦਾਅਵਿਆਂ ਦਾ ਨਿਪਟਾਰਾ ਕਰਨ ਲਈ ਵਚਨਬੱਧ ਹਨ।
'ਫੋਰਸ ਮੇਜਰ' ਲਾਗੂ ਨਹੀਂ ਹੋਵੇਗਾ
ਕੌਂਸਲ ਨੇ ਕਿਹਾ ਕਿ ਕੋਵਿਡ -19 ਤੋਂ ਮੌਤ ਦੇ ਦਾਅਵਿਆਂ ਦੀ ਸਥਿਤੀ ਵਿਚ ‘ਫੋਰਸ ਮੇਜਰ’ ਦਾ ਪ੍ਰਾਵਧਾਨ ਲਾਗੂ ਨਹੀਂ ਹੋਵੇਗਾ। ਫੋਰਸ ਮੇਜਰ ਦਾ ਮਤਲਬ ਹੈ ਅਜਿਹੀਆਂ ਸਥਿਤੀਆਂ ਜਾਂ ਹਾਲਤਾਂ ਜਦੋਂ ਸਮਝੌਤੇ ਦੀ ਪਾਲਣਾ ਕਰਨਾ ਲਾਜ਼ਮੀ ਨਹੀਂ ਹੁੰਦਾ। ਇਹ ਬਿਆਨ ਉਨ੍ਹਾਂ ਗਾਹਕਾਂ ਨੂੰ ਵਿਸ਼ਵਾਸ ਦਿਵਾਉਣ ਲਈ ਜਾਰੀ ਕੀਤਾ ਗਿਆ ਹੈ ਜਿਨ੍ਹਾਂ ਨੇ ਜੀਵਨ ਬੀਮਾ ਕੰਪਨੀਆਂ ਤੋਂ ਇਸ ਸੰਬੰਧੀ ਸਪਸ਼ਟੀਕਰਨ ਦੀ ਮੰਗ ਕੀਤੀ ਸੀ ਅਤੇ ਅਫਵਾਹਾਂ ਨੂੰ ਦੂਰ ਕਰਨ ਲਈ ਕਿਹਾ ਸੀ।
ਬੀਮਾ ਕੰਪਨੀਆਂ ਨੇ ਜਾਰੀ ਕੀਤਾ ਬਿਆਨ
ਜੀਵਨ ਬੀਮਾ ਪ੍ਰੀਸ਼ਦ ਦੇ ਜਨਰਲ ਸਕੱਤਰ ਐਸ ਐਨ ਭੱਟਾਚਾਰੀਆ ਨੇ ਕਿਹਾ, ਜੀਵਨ ਬੀਮਾ ਉਦਯੋਗ ਇਹ ਯਕੀਨੀ ਬਣਾਉਣ ਲਈ ਕਈ ਉਪਾਅ ਕਰ ਰਿਹਾ ਹੈ ਕਿ ਲਾਕਡਾਊਨ ਕਾਰਨ ਪਾਲਸੀ ਧਾਰਕਾਂ ਨੂੰ ਘੱਟ ਤੋਂ ਘੱਟ ਦਿੱਕਤ ਹੋਵੇ ਜਾਂ ਨਾ ਹੋਵੇ। ਇਸ ਦੇ ਨਾਲ ਹੀ ਗਾਹਕ ਡਿਜੀਟਲ ਮਾਧਿਅਮ ਦੁਆਰਾ ਨਿਰਵਿਘਣ ਸਹਿਯੋਗ ਪ੍ਰਾਪਤ ਕਰ ਸਕਣ, ਫਿਰ ਭਾਵੇਂ ਇਹ ਕੋਵਿਡ -19 ਕਾਰਣ ਮੌਤ ਨਾਲ ਸਬੰਧਤ ਦਾਅਵੇ ਜਾਂ ਕਿਸੇ ਹੋਰ ਨੀਤੀ ਨਾਲ ਸੰਬੰਧਤ ਸੇਵਾ ਨਾਲ ਸੰਬੰਧਿਤ ਹੋਵੇ। ਜੀਵਨ ਬੀਮਾ ਕੰਪਨੀਆਂ ਇਸ ਮੁਸ਼ਕਲ ਸਮੇਂ ਵਿਚ ਆਪਣੇ ਗ੍ਰਾਹਕਾਂ ਦੇ ਨਾਲ ਹਨ ਅਤੇ ਗਾਹਕਾਂ ਨੂੰ ਅਫਵਾਹਾਂ ਵੱਲ ਧਿਆਨ ਨਹੀਂ ਦੇਣਾ ਚਾਹੀਦਾ।
ਖੇਤੀਬਾੜੀ ਸੰਦਾਂ ਅਤੇ ਉਪਕਰਣਾਂ ਦੀਆਂ ਦੁਕਾਨਾਂ ਨੂੰ ਲਾਕਡਾਊਨ ਤੋਂ ਮਿਲੀ ਛੋਟ
NEXT STORY 
