ਨਵੀਂ ਦਿੱਲੀ — ਦੇਸ਼ ਦੀ ਸਭ ਤੋਂ ਵੱਡੀ ਕਾਫ਼ੀ ਚੇਨ ਕੈਫੇ ਕਾਫ਼ੀ ਡੇਅ (ਸੀ. ਸੀ. ਡੀ.) ਅਤੇ ਅਮਰੀਕੀ ਬਿਵਰੇਜਿਜ਼ ਨਿਰਮਾਤਾ ਕੰਪਨੀ ਕੋਕਾ ਕੋਲਾ ਵਿਚਾਲੇ ਡੀਲ ਹੋਣੀ ਸੀ। ਖਬਰਾਂ ਮੁਤਾਬਕ ਕੋਕਾ ਕੋਲਾ ਨੇ ਸੀ. ਸੀ. ਡੀ. ’ਚ ਹਿੱਸੇਦਾਰੀ ਖਰੀਦਣ ’ਚ ਦਿਲਚਸਪੀ ਵਿਖਾਈ ਸੀ। ਹੁਣ ਇਕ ਵਾਰ ਫਿਰ ਕੈਫੇ ਕਾਫ਼ੀ ਡੇਅ ਕੋਕਾ ਕੋਲਾ ਨੂੰ ਸੀ. ਸੀ. ਡੀ. ਚੇਨ ’ਚ ਹਿੱਸੇਦਾਰੀ ਵੇਚਣ ਲਈ ਦੁਬਾਰਾ ਗੱਲਬਾਤ ਸ਼ੁਰੂ ਕਰਨ ਦੀ ਤਿਆਰੀ ਕਰ ਰਹੇ ਹਨ। ਇਸ ਨਾਲ ਗਰੁੱਪ ’ਤੇ ਕਰਜ਼ੇ ਦਾ ਬੋਝ ਹੋਰ ਘਟਾਉਣ ’ਚ ਮਦਦ ਮਿਲੇਗੀ।
ਸੀ. ਸੀ. ਡੀ. ਦੇ ਫਾਊਂਡਰ ਵੀ. ਜੀ. ਸਿੱਧਾਰਥ ਆਪਣੀ ਕਾਫ਼ੀ ਚੇਨ ਨੂੰ ਵੇਚਣ ਲਈ ਕੋਕਾ ਕੋਲਾ ਨਾਲ 8-10 ਹਜ਼ਾਰ ਕਰੋਡ਼ ਰੁਪਏ ਜੁਟਾਉਣ ਦੀ ਉਮੀਦ ’ਚ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਸੀ. ਸੀ. ਡੀ. ’ਤੇ 4,970 ਕਰੋਡ਼ ਰੁਪਏ ਦਾ ਕਰਜ਼ਾ ਹੈ।
ਕੋਕਾ ਕੋਲਾ ਦੇਸ਼ ’ਚ ਤੇਜ਼ੀ ਨਾਲ ਵਧ ਰਹੇ ਕੈਫੇ ਬਿਜ਼ਨੈੱਸ ’ਚ ਪੈਰ ਜਮਾਉਣਾ ਚਾਹੁੰਦੀ ਹੈ ਕਿਉਂਕਿ ਕਾਰਬੋਨੇਟਿਡ ਡਰਿੰਕ ਦੇ ਉਸ ਦੇ ਮੁੱਖ ਬਿਜ਼ਨੈੱਸ ’ਚ ਸੁਸਤੀ ਬਣੀ ਹੋਈ ਹੈ। ਇਸ ਡੀਲ ਨਾਲ ਕਾਫ਼ੀ ਡੇਅ ਗਰੁੱਪ ਦੀ ਵੈਲਿਊ ਵਧੇਗੀ। ਦੱਸਣਯੋਗ ਹੈ ਕਿ ਕੈਫੇ ਕਾਫ਼ੀ ਡੇਅ ਚੇਨ 23 ਸਾਲ ਪਹਿਲਾਂ ਬੈਂਗਲੁਰੂ, ਕਰਨਾਟਕ ’ਚ ਸ਼ੁਰੂ ਹੋਈ ਸੀ। ਕਾਫ਼ੀ ਡੇਅ ਇੰਟਰਪ੍ਰਾਈਜ਼ਿਜ਼ ਲਿਮਟਿਡ ਦੀ ਸਹਾਇਕ ਕੰਪਨੀ ਕਾਫ਼ੀ ਡੇਅ ਗਲੋਬਲ ਲਿਮਟਿਡ ਇਸ ਨੂੰ ਚਲਾਉਂਦੀ ਹੈ। ਮਾਰਚ 2019 ਤੱਕ ਭਾਰਤ ’ਚ ਸੀ. ਸੀ. ਡੀ. ਦੇ 1700 ਕੈਫੇ ਸਨ ਅਤੇ ਇਹ ਕਾਫ਼ੀ ਚੇਨ ਸਟਾਰਬਕਸ ਵਰਗੇ ਵੱਡੇ ਕਾਫ਼ੀ ਬਰਾਂਡ ਨੂੰ ਸਖਤ ਟੱਕਰ ਦਿੰਦੀ ਹੈ। ਦੁਨੀਆਭਰ ਦੇ 6 ਦੇਸ਼ਾਂ ’ਚ ਸੀ. ਸੀ. ਡੀ. ਸਾਲਾਨਾ 1.8 ਅਰਬ ਕੱਪ ਕਾਫ਼ੀ ਸਰਵ ਕਰਦੀ ਹੈ।
ਰੁਪਿਆ 8 ਪੈਸੇ ਘਟ ਕੇ 71.51 ਦੇ ਪੱਧਰ 'ਤੇ ਖੁੱਲ੍ਹਿਆ
NEXT STORY 
