ਨਵੀਂ ਦਿੱਲੀ - ਗੋ ਏਅਰਲਾਇੰਸ (ਇੰਡੀਆ) ਲਿਮਟਿਡ (ਗੋਏਅਰ) ਸਾਰੇ ਟ੍ਰੇਡਮਾਰਕ ਅਤੇ ਡੋਮੇਨ ਨਾਵਾਂ ਦੀ ਮਾਲਕੀਅਤ ਲਈ ਇਸ ਦੇ ਇਕ ਪ੍ਰਮੋਟਰ ਅਤੇ ਸਾਬਕਾ ਮੈਨੇਜਿੰਗ ਡਾਇਰੈਕਟਰ ਜੇਹ ਵਾਡੀਆ ਦੇ ਖਿਲਾਫ ਕਾਨੂੰਨੀ ਵਿਕਲਪ ਅਪਣਾਉਣ ਦੀ ਸੰਭਾਵਨਾ ਦੀ ਪੜਚੋਲ ਕਰ ਰਹੀ ਹੈ। ਕੰਪਨੀ ਨੇ ਸ਼ੁੱਕਰਵਾਰ ਨੂੰ ਸਿਕਿਓਰਟੀਜ਼ ਐਂਡ ਐਕਸਚੇਂਜ ਬੋਰਡ ਆਫ਼ ਇੰਡੀਆ (ਸੇਬੀ) ਨੂੰ ਜਮ੍ਹਾ ਕਰਵਾਏ ਗਏ ਡਰਾਫਟ ਆਈ.ਪੀ.ਓ. ਦਸਤਾਵੇਜ਼ ਵਿਚ ਇਸ ਨੂੰ ਇਕ ‘ਜੋਖਮ ਕਾਰਕ’ ਦੱਸਿਆ ਹੈ।
ਜੇਹ ਵਾਡੀਆ ਗਰੁੱਪ ਦੇ ਮੁਖੀ ਨੁਸਲੀ ਵਾਡੀਆ ਦਾ ਛੋਟਾ ਬੇਟਾ ਹੈ ਅਤੇ 2005 ਵਿਚ ਗੋਏਅਰ ਦੀ ਸਥਾਪਨਾ ਤੋਂ ਹੀ ਇਸ ਦੇ ਕਾਰਜਾਂ ਦੀ ਨਿਗਰਾਨੀ ਕਰ ਰਿਹਾ ਹੈ ਪਰ ਜੇਹ ਨੇ ਮਾਰਚ ਵਿਚ ਕੰਪਨੀ ਦੇ ਪ੍ਰਬੰਧ ਨਿਰਦੇਸ਼ਕ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਸੀ। ਜੇਏ ਦੀ ਗੋ ਹੋਲਡਿੰਗਜ਼ ਵਿਚ 99% ਹਿੱਸੇਦਾਰੀ ਹੈ ਅਤੇ 'ਗੋਏਅਰ' ਬ੍ਰਾਂਡ ਨਾਲ ਸਬੰਧਤ ਟ੍ਰੇਡਮਾਰਕਡ ਦੀ ਮਾਲਕੀ ਵੀ ਇਸ ਦੇ ਕੋਲ ਹੀ ਹੈ।
ਇਹ ਵੀ ਪੜ੍ਹੋ : ਇਟਲੀ ਨੇ ਗੂਗਲ 'ਤੇ ਠੋਕਿਆ 904 ਕਰੋੜ ਰੁਪਏ ਦਾ ਜੁਰਮਾਨਾ, ਕਿਹਾ- ਨਹੀਂ ਚੱਲੇਗੀ ਮਨਮਾਨੀ
ਮਾਰਚ 2021 ਵਿਚ ਗੋ ਹੋਲਡਿੰਗਜ਼ ਨੇ ਟ੍ਰੇਡ ਮਾਰਕ ਰਜਿਸਟਰਾਰ ਨੂੰ ਦੋ-ਸ਼ਬਦਾਂ ਦੇ ਨਿਸ਼ਾਨ 'ਗੋ ਏਅਰਲਾਇੰਸ' ਅਤੇ ਡਬਲਯੂ.ਡਬਲਯੂ.ਡਾਟ.ਗੋਏਅਰਡਾਟ ਇੰਨ ਨੂੰ ਰਜਿਸਟਰ ਕਰਨ ਲਈ ਦੋ ਅਰਜ਼ੀਆਂ ਦਿੱਤੀਆਂ ਸਨ। ਇਹ ਦੋਵੇਂ ਨਿਸ਼ਾਨਾਂ ਦਾ ਕੰਪਨੀ ਵਲੋਂ ਇਸਤੇਮਾਲ ਕੀਤਾ ਜਾ ਰਿਹਾ ਹੈ। ਅਪ੍ਰੈਲ 2021 ਵਿਚ ਜ਼ੇਹ ਨੇ ਨੈਸ਼ਨਲ ਇੰਟਰਨੈਟ ਐਕਸਚੇਂਜ ਆਫ ਇੰਡੀਆ ਨੂੰ ਅਰਜ਼ੀ ਦਿੱਤੀ ਅਤੇ ਕੰਪਨੀ ਦੇ ਨਾਮ ਨਾਲ ਰਜਿਸਟਰਡ 115 ਡੋਮੇਨ ਨਾਮਾਂ ਨੂੰ ਨੈੱਟ 4 ਇੰਡੀਆ ਵਿਚ ਨੈਟਵਰਕ ਸੋਲਯੂਸ਼ਨ ਵਿਚ ਤਬਦੀਲ ਕਰਨ ਦੀ ਬੇਨਤੀ ਕੀਤੀ।
ਗੋ ਏਅਰ ਨੇ ਕਿਹਾ, 'ਸਾਡੀ ਕੰਪਨੀ ਇਸ ਅਰਜ਼ੀ ਦਾ ਵਿਰੋਧ ਕਰਦੀ ਹੈ ਅਤੇ ਇਨ੍ਹਾਂ ਦੋਵਾਂ ਟ੍ਰੇਡਮਾਰਕ ਨੂੰ ਆਪਣੇ ਨਾਮ 'ਤੇ ਰਜਿਸਟਰ ਕਰਨ ਲਈ ਵੀ ਅਰਜ਼ੀ ਦਿੱਤੀ ਹੈ। ਕੰਪਨੀ ਸਾਰੇ ਟ੍ਰੇਡਮਾਰਕ ਅਤੇ ਡੋਮੇਨ ਨਾਮਾਂ ਦੀ ਮਾਲਕੀ ਲੈਣ ਲਈ ਜ਼ਰੂਰੀ ਕਦਮ ਚੁੱਕੇਗੀ ਅਤੇ ਕਾਨੂੰਨੀ ਵਿਕਲਪਾਂ ਦਾ ਵੀ ਸਹਾਰਾ ਲਿਆ ਜਾ ਸਕਦਾ ਹੈ। ' ਹਾਲਾਂਕਿ, ਗੋ ਏਅਰ ਦੇ ਨਜ਼ਦੀਕੀ ਸੂਤਰਾਂ ਨੇ ਕਿਹਾ ਕਿ ਹੁਣ ਇਹ ਮਸਲਾ ਢੁਕਵਾਂ ਹੋ ਗਿਆ ਹੈ ਕਿਉਂਕਿ ਏਅਰ ਲਾਈਨ ਨੇ ਗੋ ਫਰਸਟ ਦੇ ਨਾਮ ਨਾਲ ਇਸ ਦੇ ਮੁੜ ਸੁਰਜੀਤੀ ਦਾ ਐਲਾਨ ਕੀਤਾ ਹੈ। ਆਈ ਪੀ ਓ ਡਰਾਫਟ ਜਮ੍ਹਾ ਹੋਣ ਤੋਂ ਇਕ ਦਿਨ ਪਹਿਲਾਂ ਕੰਪਨੀ ਨੇ ਆਪਣੇ ਬ੍ਰਾਂਡ ਦਾ ਨਾਮ ਬਦਲ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਕੋਵਿਡ ਟੀਕੇ ਦੀ ਭਾਰੀ ਕਮੀ ਤੇ ਲਾਜ਼ਮੀ ਲਾਇਸੈਂਸ ਦੀ ਦਿਸ਼ਾ ਵਿਚ ਇਕਪਾਸੜ ਕਾਰਵਾਈ ਤੋਂ ਬਚਿਆ ਜਾਵੇ : FICCI
ਗੋਇਰ ਨੇ ਇਸ ਮੁੱਦੇ 'ਤੇ ਕੋਈ ਪ੍ਰਤੀਕ੍ਰਿਆ ਨਹੀਂ ਦਿੱਤੀ. ਕੰਪਨੀ ਦੇ ਨਜ਼ਦੀਕੀ ਵਿਅਕਤੀ ਨੇ ਪ੍ਰਮੋਟਰਾਂ ਜਾਂ ਪਿਤਾ ਅਤੇ ਪੁੱਤਰ ਦੇ ਵਿਚਕਾਰ ਕਿਸੇ ਵਿਵਾਦ ਤੋਂ ਇਨਕਾਰ ਕੀਤਾ ਹੈ। ਆਈ ਪੀ ਓ ਡਰਾਫਟ ਦੇ ਅਨੁਸਾਰ ਕੰਪਨੀ 2004 ਤੋਂ ਗੋ ਏਅਰ ਟ੍ਰੇਡਮਾਰਕ ਦੀ ਵਰਤੋਂ ਕਰ ਰਹੀ ਹੈ। ਟ੍ਰੇਡਮਾਰਕ ਦੀ ਵਰਤੋਂ ਕਰਨ ਲਈ ਕੰਪਨੀ ਨੇ ਗੋ ਹੋਲਡਿੰਗਜ਼ ਨਾਲ ਇੱਕ ਲਿਖਤੀ ਲਾਇਸੈਂਸ ਸਮਝੌਤਾ ਕੀਤਾ ਸੀ ਪਰ ਇਸ ਸਮੇਂ ਇਨ੍ਹਾਂ ਬੌਧਿਕ ਜਾਇਦਾਦਾਂ ਦੀ ਵਰਤੋਂ ਲਈ ਗੋ ਹੋਲਡਿੰਗਜ਼ ਨਾਲ ਕੋਈ ਲਿਖਤੀ ਸਮਝੌਤਾ ਨਹੀਂ ਹੋਇਆ ਹੈ।
ਇਹ ਵੀ ਪੜ੍ਹੋ : ਭਾਰਤ ਦੀ ਮਦਦ ਲਈ ਅੱਗੇ ਆਏ ਇਹ ਵਿਦੇਸ਼ੀ ਨੌਜਵਾਨ, ਕੀਤੇ 1 ਅਰਬ ਡਾਲਰ ਦਾਨ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
H1-B ਵੀਜ਼ਾ ਧਾਰਕਾਂ ਦੀ ਮਦਦ ਲਈ ਅੱਗੇ ਆਇਆ Google, ਸੁੰਦਰ ਪਿਚਾਈ ਨੇ ਭਾਰਤੀਆਂ ਲਈ ਆਖੀ ਵੱਡੀ ਗੱਲ
NEXT STORY 
