ਨਵੀਂ ਦਿੱਲੀ : ਟਵਿਟਰ ਦੇ ਸੀਈਓ ਏਲੋਨ ਮਸਕ ਨੇ ਆਪਣੇ ਨਵੇਂ ਪਲਾਨ ਦਾ ਐਲਾਨ ਕਰਕੇ ਯੂਜ਼ਰਸ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਦੱਸ ਦੇਈਏ ਕਿ ਹੁਣ ਸਿਰਫ਼ ਟਵਿਟਰ 'ਤੇ ਵੈਰੀਫਾਈਡ ਯੂਜ਼ਰ ਹੀ ਪੋਲ 'ਚ ਹਿੱਸਾ ਲੈ ਸਕਣਗੇ।
ਹੁਣ ਟਵਿੱਟਰ 'ਤੇ ਪੋਲ 'ਚ ਵੋਟ ਪਾਉਣ ਲਈ ਵੈਰੀਫਿਕੇਸ਼ਨ ਕਰਾਉਣਾ ਜ਼ਰੂਰੀ ਹੋਵੇਗਾ। ਜੇਕਰ ਤੁਹਾਡਾ ਟਵਿੱਟਰ ਖ਼ਾਤਾ ਪ੍ਰਮਾਣਿਤ ਨਹੀਂ ਹੈ, ਤਾਂ ਤੁਸੀਂ ਟਵਿੱਟਰ ਪੋਲ ਵਿੱਚ ਵੋਟ ਨਹੀਂ ਪਾ ਸਕੋਗੇ। ਇਹ ਨਵੀਂ ਸਕੀਮ 15 ਅਪ੍ਰੈਲ ਤੋਂ ਸ਼ੁਰੂ ਹੋਵੇਗੀ। ਹਾਲਾਂਕਿ ਇਸ ਦਾ ਐਲਾਨ Elon ਨੇ ਪਿਛਲੇ ਸਾਲ ਹੀ ਕੀਤਾ ਸੀ। ਮਸਕ ਦੇ ਟਵੀਟ ਵਿੱਚ ਕਿਹਾ ਗਿਆ ਹੈ ਕਿ 15 ਅਪ੍ਰੈਲ ਤੋਂ, ਸਿਰਫ ਤਸਦੀਕ ਖਾਤੇ ਹੀ For You ਸਿਫਾਰਸ਼ਾਂ ਵਿੱਚ ਸ਼ਾਮਲ ਕੀਤੇ ਜਾਣ ਦੇ ਯੋਗ ਹੋਣਗੇ। ਇਹ ਉੱਨਤ AI ਬਾਟ ਸਵਾਰਮਸ ਨੂੰ ਸੰਭਾਲਣ ਦਾ ਇੱਕ Realistic ਤਰੀਕਾ ਹੈ।
ਇਹ ਵੀ ਪੜ੍ਹੋ : ਸੰਕਟ 'ਚ ਡੁੱਬੇ ਸਿਲੀਕਾਨ ਵੈਲੀ ਬੈਂਕ ਨੂੰ ਮਿਲਿਆ ਸਹਾਰਾ, ਫਸਟ ਸਿਟੀਜ਼ਨ ਬੈਂਕ ਨੇ ਖ਼ਰੀਦਿਆ
ਇਸ ਤੋਂ ਪਹਿਲਾਂ ਹਾਲ ਹੀ ਵਿੱਚ, ਟਵਿੱਟਰ ਨੇ ਘੋਸ਼ਣਾ ਕੀਤੀ ਸੀ ਕਿ ਉਹ 1 ਅਪ੍ਰੈਲ ਤੋਂ legacy verified accounts ਲਈ ਬਲੂ ਟਿੱਕਸ ਨੂੰ ਹਟਾ ਦੇਵੇਗਾ। ਮਤਲਬ ਹੁਣ ਯੂਜ਼ਰਸ ਨੂੰ ਟਵਿਟਰ ਬਲੂ ਦੀ ਸਕ੍ਰਿਪਟ ਲੈਣੀ ਪਵੇਗੀ ਤਾਂ ਹੀ ਉਹ ਆਪਣੀ ਪ੍ਰੋਫਾਈਲ 'ਤੇ ਇਸ ਵੈਰੀਫਾਈਡ ਚੈੱਕ ਮਾਰਕ ਨੂੰ ਦੇਖ ਸਕਣਗੇ। ਹੁਣ ਤੱਕ ਇਹ ਸੇਵਾ ਮੁਫਤ ਦਿੱਤੀ ਜਾ ਰਹੀ ਸੀ। ਇੰਨਾ ਹੀ ਨਹੀਂ, ਟਵਿਟਰ ਦੀ ਵਰਤੋਂ ਕਰਨ ਵਾਲੇ ਉਪਭੋਗਤਾਵਾਂ ਨੂੰ ਇਸ ਸਰਵਿਸ ਦਾ ਸਾਲਾਨਾ ਸਬਸਕ੍ਰਿਪਸ਼ਨ ਖ਼ਰੀਦਣ ਲਈ ਹਰ ਸਾਲ 9,400 ਰੁਪਏ ਦੇਣੇ ਹੋਣਗੇ। ਵੈੱਬ ਬ੍ਰਾਊਜ਼ਰ ਰਾਹੀਂ ਸਾਈਨ ਅੱਪ ਕਰਨ ਵਾਲੇ ਉਪਭੋਗਤਾ 7 ਡਾਲਰ ਪ੍ਰਤੀ ਮਹੀਨਾ ਦਾ ਭੁਗਤਾਨ ਕਰਕੇ ਤਸਦੀਕ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ : PAN-Adhaar ਲਿੰਕ ਨਾ ਕੀਤੇ ਤਾਂ ਨਹੀਂ ਕਰ ਸਕੋਗੇ ਇਹ ਜ਼ਰੂਰੀ ਕੰਮ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਪਾਕਿ ’ਚ ਮਹਿੰਗਾਈ ਨੇ ਤੋੜਿਆ ਲੋਕਾਂ ਦਾ ਲੱਕ, 1600 ਰੁਪਏ ਕਿਲੋ ਵਿੱਕ ਰਹੇ ਅੰਗੂਰ, ਜਾਣੋਂ ਕੇਲਿਆਂ ਦਾ ਭਾਅ
NEXT STORY 
