ਮੁੰਬਈ — ਜੈੱਟ ਏਅਰਵੇਜ਼ ਦੀਆਂ ਮੁਸ਼ਕਲਾਂ ਜਲਦੀ ਖਤਮ ਹੁੰਦੀਆਂ ਨਜ਼ਰ ਨਹੀਂ ਆ ਰਹੀਆਂ। ਵਿੱਤੀ ਸੰਕਟ ਦੇ ਨਾਲ-ਨਾਲ ਹੁਣ ਜੈੱਟ ਦੇ ਕਰਮਚਾਰੀ ਵੀ ਏਅਰਵੇਜ਼ ਦੇ ਬਾਨੀ ਨਰੇਸ਼ ਗੋਇਲ ਖਿਲਾਫ ਬਾਗੀ ਹੁੰਦੇ ਨਜ਼ਰ ਆ ਰਹੇ ਹਨ। ਹੁਣ ਜੈੱਟ ਏਅਰਵੇਜ਼ ਦੇ ਕਰਮਚਾਰੀ ਸੰਗਠਨ ਨੇ ਸ਼ੁੱਕਰਵਾਰ ਨੂੰ ਪੁਲਸ ਸਾਹਮਣੇ ਮੰਗ ਰੱਖੀ ਹੈ ਕਿ ਨਰੇਸ਼ ਗੋਇਲ, ਸੀ.ਈ.ਓ. ਵਿਨੇ ਦੂਬੇ ਅਤੇ ਸਟੇਟ ਬੈਂਕ ਦੇ ਚੇਅਰਮੈਨ ਰਜਨੀਸ਼ ਕੁਮਾਰ ਦੇ ਖਿਲਾਫ FIR ਦਰਜ ਕੀਤੀ ਜਾਵੇ। ਸਟੇਟ ਬੈਂਕ ਜੈੱਟ ਦੇ ਕਰਜ਼ਦਾਤਾ ਬੈਂਕਾਂ ਦੀ ਅਗਵਾਈ ਕਰ ਰਿਹਾ ਹੈ ਅਤੇ ਏਅਰਲਾਈਨ ਦੇ ਰੈਜ਼ੋਲੂਸ਼ਨ ਪਲਾਨ 'ਤੇ ਕੰਮ ਕਰ ਰਿਹਾ ਹੈ। ਜੈੱਟ ਏਅਰਵੇਜ਼ ਦੇ ਕਰਮਚਾਰੀ ਸੈਲਰੀ ਨਾ ਮਿਲਣ ਕਾਰਨ ਨਰਾਜ਼ ਹਨ।
ਕਰਮਚਾਰੀ ਕਰ ਰਹੇ ਹਨ ਇਹ ਮੰਗ
ਜੈੱਟ ਏਅਰਵੇਜ਼ ਦੇ ਆਲ ਇੰਡੀਆ ਆਫਿਸਰਸ ਐਂਡ ਸਟਾਫ ਐਸੋਸੀਏਸ਼ਨ ਦੇ ਪ੍ਰਮੁੱਖ ਕਿਰਣ ਪਾਵਸਕਰ ਨੇ ਕਰਮਚਾਰੀਆਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਸਰਕਾਰ ਦੀਆਂ ਗਲਤ ਨੀਤੀਆਂ ਕਾਰਨ ਹੀ ਜੈੱਟ ਏਅਰਵੇਜ਼ ਦੀ ਹਾਲਤ ਵਿਗੜੀ ਹੈ। ਏਅਰਲਾਈਨ ਨੂੰ ਜਿਹੜੀ ਕਮਾਈ ਹੋ ਰਹੀ ਹੈ ਉਹ ਯਾਤਰੀਆਂ ਦੀ ਫਲਾਈਟ ਕੈਂਸਲ ਹੋਣ ਕਾਰਨ ਦੇਣ ਵਾਲੇ ਫੰਡ 'ਚ ਖਰਚ ਹੋ ਰਹੀ ਹੈ। ਇਸ ਤੋਂ ਬਾਅਦ ਪਾਵਸਕਰ ਨੇ 200 ਕਰਮਚਾਰੀਆਂ ਨਾਲ ਮਿਲ ਕੇ ਏਅਰਪੋਰਟ ਤੋਂ ਲੈ ਕੇ ਜੈੱਟ ਏਅਰਵੇਜ਼ ਦੇ ਮੁੱਖ ਦਫਤਰ ਤੱਕ ਮਾਰਚ ਕੱਢਿਆ।
ਮਾਰਚ ਕੱਢਣ ਤੋਂ ਬਾਅਦ ਕਰਮਚਾਰੀਆਂ ਨੇ ਸਹਾਰ ਪੁਲਸ ਸਟੇਸ਼ਨ 'ਚ ਸ਼ਿਕਾਇਤ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਏਅਰਲਾਈਨ ਕਰਮਚਾਰੀਆਂ ਦੀ ਤਨਖਾਹ ਨਹੀਂ ਦੇ ਰਹੀ। ਇਸ ਲਈ ਧੋਖਾਧੜੀ, ਭਰੋਸਾ ਤੋੜਣ, ਫੰਡ ਦੀ ਦੁਰਵਰਤੋਂ ਕਰਨ ਅਤੇ ਹੋਰ ਅਪਰਾਧਾਂ ਤਹਿਤ ਮਾਮਲਾ ਦਰਜ ਕੀਤਾ ਜਾਵੇ।
ਯਾਤਰੀਆਂ ਲਈ ਵੱਡੀ ਪਰੇਸ਼ਾਨੀ
ਲਗਾਤਾਰ ਅਤੇ ਅਚਾਨਕ ਫਲਾਈਟਾਂ ਰੱਦ ਹੋਣ ਕਾਰਨ ਯਾਤਰੀਆਂ ਵੱਡੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਅੰਤਰਰਾਸ਼ਟਰੀ ਉਡਾਣਾਂ ਸੋਮਵਾਰ ਤੱਕ ਰੱਦ ਰਹਿਣਗੀਆਂ ਜਦੋਂਕਿ ਇਸ ਤੋਂ ਪਹਿਲਾਂ ਇਕ ਦਿਨ ਲਈ ਬੰਦ ਕਰਨ ਦੀ ਗੱਲ ਕਹੀ ਗਈ ਸੀ। ਸ਼ੁੱਕਰਵਾਰ ਨੂੰ ਜੈੱਟ ਦੇ 11 ਜਹਾਜ਼ਾਂ ਨੇ ਉਡਾਣ ਭਰੀ। ਸ਼ਨੀਵਾਰ ਅਤੇ ਐਤਵਾਰ ਨੂੰ ਇਹ ਸੰਖਿਆ 6 ਤੋਂ 7 ਰਹੇਗੀ। ਇਨ੍ਹਾਂ ਦਿਨਾਂ ਦੌਰਾਨ ਕਿਸੇ ਵੀ ਸਮੇਂ ਵਿੱਤੀ ਘਾਟ ਸਮੱਸਿਆ ਬਣ ਕੇ ਸਾਹਮਣੇ ਆ ਸਕਦੀ ਹੈ।
ਜੈੱਟ ਏਅਰਵੇਜ਼ ਦੀ ਸ਼ੁੱਕਰਵਾਰ ਨੂੰ ਬੈਂਕਾਂ ਨਾਲ ਮੀਟਿੰਗ ਹੋਈ। ਬੈਠਕ ਵਿਚ ਅੰਤਰਰਾਸ਼ਟਰੀ ਫੰਡ ਉਪਲੱਬਧ ਕਰਵਾਉਣ ਦੀ ਮੰਗ ਰੱਖੀ ਗਈ। ਬੈਂਕਾਂ ਨੇ ਜੈੱਟ ਏਅਰਵੇਜ਼ ਨੂੰ ਕਿਹਾ ਕਿ ਉਹ ਅੰਤਰਿਮ ਫੰਡਿੰਗ ਦੇ ਪ੍ਰਸਤਾਵ ਨੂੰ ਠੀਕ ਕਰਨ।
ਪੁਲਵਾਮਾ ਹਮਲੇ ਕਾਰਨ ਰੁਕਿਆ ਸੀ ਵਿਆਹ, ਹੁਣ ਬਾਰਾਤ ਲੈ ਕੇ ਪਾਕਿ ਰਵਾਨਾ ਹੋਇਆ ਲਾੜਾ
NEXT STORY 
