ਨਵੀਂ ਦਿੱਲੀ- ਦੇਸ਼ ਦੇ ਸਾਰੇ ਖੇਤਰਾਂ 'ਚ ਕੰਮ ਕਰਨ ਵਾਲੇ ਲੱਖਾਂ ਲੋਕਾਂ ਲਈ ਇੱਕ ਖੁਸ਼ਖਬਰੀ ਆਈ ਹੈ। EPFO ਗਾਹਕਾਂ ਨੂੰ ਹੁਣ ਆਪਣੇ PF ਖਾਤੇ ਵਿੱਚੋਂ ਪੈਸੇ ਕਢਵਾਉਣ ਲਈ ਜ਼ਿਆਦਾ ਸੰਘਰਸ਼ ਨਹੀਂ ਕਰਨਾ ਪਵੇਗਾ। ਉਹ UPI ਰਾਹੀਂ PF ਦੇ ਪੈਸੇ ਕਢਵਾ ਸਕਦੇ ਹਨ। ਸਰਕਾਰ ਇੱਕ ਅਜਿਹੀ ਪ੍ਰਣਾਲੀ ਬਣਾਉਣ ‘ਤੇ ਕੰਮ ਕਰ ਰਹੀ ਹੈ ਜਿਸ ਰਾਹੀਂ PF ਗਾਹਕਾਂ ਦੇ ਕਲੇਮ ਨੂੰ ਯੂ.ਪੀ.ਆਈ. ਪਲੇਟਫਾਰਮਾਂ ਦੇ ਜ਼ਰੀਏ ਕੀਤਾ ਜਾ ਸਕੇ।ਫਾਈਨੈਂਸ਼ੀਅਲ ਐਕਸਪ੍ਰੈਸ ਦੀ ਰਿਪੋਰਟ ਦੇ ਅਨੁਸਾਰ, ਇਹ ਨਵਾਂ ਸਿਸਟਮ ਅਗਲੇ 3 ਮਹੀਨਿਆਂ ਵਿੱਚ ਸ਼ੁਰੂ ਕੀਤਾ ਜਾ ਸਕਦਾ ਹੈ। ਸਰਕਾਰ ਦਾ ਉਦੇਸ਼ ਲੈਣ-ਦੇਣ ਅਤੇ ਦਾਅਵੇ ਦੀ ਪ੍ਰਕਿਰਿਆ ਨੂੰ ਬਿਹਤਰ ਬਣਾਉਣਾ ਹੈ।
ਇਹ ਵੀ ਪੜ੍ਹੋ- ਮਸ਼ਹੂਰ ਅਦਾਕਾਰਾ ਨਾਲ ਸੈਲਫ਼ੀ ਦੇ ਬਹਾਨੇ ਸ਼ਰਮਨਾਕ ਹਰਕਤ, ਵੀਡੀਓ ਵਾਇਰਲ
UPI ਰਾਹੀਂ ਕਢਵਾ ਸਕਦੇ ਹੋ ਪੈਸੇ
UPI ਰਾਹੀਂ PF 'ਚੋਂ ਪੈਸੇ ਕਢਵਾਉਣ ਦੀ ਸਹੂਲਤ ਦੇ ਨਾਲ, ਫੰਡ ਟ੍ਰਾਂਸਫਰ ਤੇਜ਼ ਅਤੇ ਆਸਾਨ ਹੋ ਜਾਵੇਗਾ। ਇਸ ਲਈ, EPFO ਨੇ NPCI ਨਾਲ ਗੱਲ ਕੀਤੀ ਹੈ। ਇਸ ਨਵੀਂ ਵਿਸ਼ੇਸ਼ਤਾ ਨੂੰ ਗੂਗਲ ਪੇਅ, ਫੋਨ ਪੇਅ ਅਤੇ ਪੇਟੀਐਮ ਵਰਗੇ ਯੂ.ਪੀ.ਆਈ. ਪਲੇਟਫਾਰਮਾਂ ‘ਤੇ ਉਪਲਬਧ ਕਰਵਾਉਣ ਦੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਇਹ ਖਾਸ ਤੌਰ ‘ਤੇ ਉਨ੍ਹਾਂ ਕਰਮਚਾਰੀਆਂ ਲਈ ਲਾਭਦਾਇਕ ਹੋਵੇਗਾ ਜੋ ਐਮਰਜੈਂਸੀ 'ਚ ਤੁਰੰਤ ਆਪਣਾ PF ਕਢਵਾਉਣਾ ਚਾਹੁੰਦੇ ਹਨ।
ਇਹ ਵੀ ਪੜ੍ਹੋ- ਧਨਸ਼੍ਰੀ ਨੇ ਯੁਜਵੇਂਦਰ ਚਾਹਲ ਬਾਰੇ ਕੀਤਾ ਹੈਰਾਨ ਕਰਨ ਵਾਲਾ ਖੁਲਾਸਾ
ਆਸਾਨੀ ਨਾਲ ਕਰ ਸਕਦੇ ਹੋ ਪੈਸੇ ਟ੍ਰਾਂਸਫਰ
ਰਜਿਸਟ੍ਰੇਸ਼ਨ ਪੂਰੀ ਹੋਣ ਤੋਂ ਬਾਅਦ, ਉਪਭੋਗਤਾ ਡਿਜੀਟਲ ਵਾਲਿਟ ਤੋਂ ਆਸਾਨੀ ਨਾਲ ਪੈਸੇ ਟ੍ਰਾਂਸਫਰ ਕਰ ਸਕਣਗੇ। ਇਸ ਨਾਲ ਪ੍ਰੋਸੈਸਿੰਗ ਸਮਾਂ ਘੱਟ ਜਾਵੇਗਾ ਅਤੇ ਗਾਹਕਾਂ ਨੂੰ ਬਿਹਤਰ ਸਹੂਲਤ ਮਿਲੇਗੀ। ਇਸ ਨਾਲ ਬੈਂਕਿੰਗ ਵੇਰਵਿਆਂ ਅਤੇ ਤਸਦੀਕ ਦੀ ਪਰੇਸ਼ਾਨੀ ਵੀ ਖਤਮ ਹੋ ਜਾਵੇਗੀ। EPFO ਗਾਹਕ NEFT ਜਾਂ RTGS ਦੀ ਉਡੀਕ ਕੀਤੇ ਬਿਨਾਂ, ਡਿਜੀਟਲ ਭੁਗਤਾਨ ਐਪਸ ਤੋਂ ਸਿੱਧੇ ਪੈਸੇ ਕਢਵਾ ਸਕਣਗੇ। ਆਰ.ਬੀ.ਆਈ, ਕਿਰਤ ਮੰਤਰਾਲਾ ਅਤੇ ਬੈਂਕ ਸਾਂਝੇ ਤੌਰ ‘ਤੇ ਜਲਦੀ ਹੀ ਇਸ ਸਹੂਲਤ ਨੂੰ ਸ਼ੁਰੂ ਕਰਨ ਦੀ ਤਿਆਰੀ ਕਰ ਰਹੇ ਹਨ।
ਇਹ ਵੀ ਪੜ੍ਹੋ-ਮਸ਼ਹੂਰ ਅਦਾਕਾਰਾ ਹੋਈ ਹਾਦਸੇ ਦਾ ਸ਼ਿਕਾਰ
ATM ਤੋਂ ਪੈਸੇ ਕਢਵਾਉਣ ‘ਤੇ ਵੀ ਹੋ ਰਿਹਾ ਹੈ ਕੰਮ
ਸਰਕਾਰ ਮਈ-ਜੂਨ 2025 ਤੱਕ EPFO 3.0 ਐਪ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਇਸ ਨਾਲ EPFO ਗਾਹਕਾਂ ਨੂੰ ਬੈਂਕਿੰਗ ਸਹੂਲਤਾਂ ਮਿਲਣਗੀਆਂ ਅਤੇ ਪੂਰਾ ਸਿਸਟਮ ਕੇਂਦਰੀਕ੍ਰਿਤ ਹੋ ਜਾਵੇਗਾ। ਕਲੇਮ ਦੇ ਨਿਪਟਾਰੇ ਦੀ ਪ੍ਰਕਿਰਿਆ ਪਹਿਲਾਂ ਤੋਂ ਵੀ ਆਸਾਨ ਹੋਵੇਗੀ। ਇਸ ਨਵੇਂ ਅਪਡੇਟ ਨਾਲ, ਗਾਹਕਾਂ ਨੂੰ ਡੈਬਿਟ ਕਾਰਡ ਦੀ ਸਹੂਲਤ ਮਿਲੇਗੀ, ਜਿਸ ਰਾਹੀਂ ਉਹ ਆਪਣੇ PF ਫੰਡ ਸਿੱਧੇ ਏ.ਟੀ.ਐਮ. ਤੋਂ ਕਢਵਾ ਸਕਣਗੇ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੁਫ਼ਤ ਮਿਲੇਗਾ ਪੱਕਾ ਘਰ, ਤੁਰੰਤ ਕਰਵਾਓ ਨਾਮ ਦਰਜ
NEXT STORY 
