ਬਿਜ਼ਨੈੱਸ ਡੈਸਕ: ਕੋਰੋਨਾ ਕਾਲ 'ਚ ਲੋਕਾਂ ਦੇ ਆਨਲਾਈਨ ਖਰੀਦਾਰੀ 'ਚ ਭੁਗਤਾਨ ਦੇ ਤਰੀਕੇ 'ਚ ਕਾਫੀ ਬਦਲਾਅ ਆਇਆ ਹੈ। ਕੋਵਿਡ-19 ਮਹਾਮਾਰੀ ਤੋਂ ਪਹਿਲੇ ਦੌਰ 'ਚ ਲੋਕ ਕੈਸ਼ ਆਨਲਾਈਨ ਡਿਲਿਵਰੀ 'ਤੇ ਜ਼ੋਰ ਦਿੰਦੇ ਸਨ ਪਰ ਇਸ ਤਿਉਹਾਰੀ ਸੀਜ਼ਨ ਫਲਿੱਪਕਾਰਟ ਅਤੇ ਐਮਾਜ਼ੋਨ ਵਰਗੇ ਈ-ਕਾਮਰਸ ਪਲੇਟਫਾਰਮਸ 'ਤੇ ਖਰੀਦਾਰੀ ਕਰਨ ਵਾਲੇ 60 ਫੀਸਦੀ ਉਪਭੋਕਤਾਵਾਂ ਨੇ ਡਿਜ਼ੀਟਲ ਤਰੀਕੇ ਨਾਲ ਭੁਗਤਾਨ ਕੀਤਾ।
ਰਸਮੀ ਰੂਪ ਨਾਲ ਈ-ਕਾਮਰਸ ਕੰਪਨੀਆਂ ਦੇ ਟਰਾਂਸਜੈਕਸ਼ਨ 'ਚ ਕਰੀਬ 70 ਫੀਸਦੀ ਹਿੱਸਾ ਕੈਸ਼ ਆਨ ਡਿਲਿਵਰੀ ਦਾ ਹੁੰਦਾ ਸੀ। ਇਸ ਮਹਾਮਾਰੀ ਦੇ ਸ਼ੁਰੂਆਤੀ ਦਿਨਾਂ 'ਚ ਕੈਸ਼ ਆਨ ਡਿਲਿਵਰੀ 'ਚ ਕਾਫੀ ਗਿਰਾਵਟ ਆਈ ਕਿਉਂਕਿ ਜ਼ਿਆਦਾਤਰ ਈ-ਕਾਮਰਸ ਕੰਪਨੀਆਂ ਨੇ ਹੋਮ ਡਿਲਿਵਰੀ 'ਚ ਇਸ ਨੂੰ ਨਿਰਾਸ਼ ਕੀਤਾ ਹੈ। ਪਰ ਸਮਾਂ ਬੀਤਣ ਦੇ ਨਾਲ ਇਕ ਵਾਰ ਫਿਰ ਉਸ ਦਾ ਚੱਲਣ ਵਧਣ ਲੱਗਿਆ ਹੈ।
ਕੰਪਨੀਆਂ ਦੇ ਅਧਿਕਾਰੀਆਂ ਮੁਤਾਬਕ ਸੋਸ਼ਲ ਡਿਸਟੈਂਸਿੰਗ ਦੇ ਕਾਰਨ ਲੋਕ ਯੂ.ਪੀ.ਆਈ. ਐਨੇਬਲਡ ਐਪਸ ਅਤੇ ਈ-ਵਾਲੇਟਸ ਦੀ ਵਰਤੋਂ ਕਰ ਰਹੇ ਹਨ। ਨਾਲ ਹੀ ਇੰਸੈਂਟਿਵ ਅਤੇ ਈ.ਐੱਮ.ਆਈ. ਆਪਸ਼ਨ ਦੇ ਕਾਰਨ ਕ੍ਰੇਡਿਟ ਅਤੇ ਡੈਬਿਟ ਕਾਰਡ ਦੀ ਵਰਤੋਂ ਹੋਈ ਹੈ। ਇੰਡਸਟਰੀ ਦੇ ਇਕ ਜਾਣਕਾਰ ਨੇ ਦੱਸਿਆ ਕਿ ਐਮਾਜ਼ਾਨ ਦੇ ਉਪਭੋਕਤਾਵਾਂ ਨੇ 65 ਫੀਸਦੀ ਆਡਰਸ ਦਾ ਭੁਗਤਾਨ ਡਿਜ਼ੀਟਲ ਤਰੀਕੇ ਨਾਲ ਕੀਤਾ।
ਐਮਾਜ਼ਾਨ ਦੇ ਬੁਲਾਰੇ ਨੇ ਕਿਹਾ ਕਿ ਡਿਜ਼ੀਟਲ ਪੈਮੇਂਟਸ ਦਾ ਚਲਣ ਵੱਧ ਰਿਹਾ ਹੈ। ਆਪਣੇ ਪਰਿਵਾਰ ਦੀ ਸੁਰੱਖਿਆ ਲਈ ਜ਼ਿਆਦਾ ਤੋਂ ਜ਼ਿਆਦਾ ਲੋਕ ਇਨ੍ਹਾਂ ਤਰੀਕਿਆਂ ਦੀ ਵਰਤੋਂ ਕਰ ਰਹੇ ਹਨ। ਯੂ.ਪੀ.ਆਈ., ਕਾਰਡ ਪੈਮੇਂਟਸ ਅਤੇ ਈ.ਐੱਮ.ਆਈ. ਆਦਿ ਸਾਰੇ ਡਿਜ਼ੀਟਲ ਤਰੀਕਿਆਂ ਦਾ ਚਲਣ ਵਧਿਆ ਹੈ। ਉਨ੍ਹਾਂ ਨੇ ਇਸ ਬਾਰੇ 'ਚ ਜ਼ਿਆਦਾ ਖੁਲਾਸਾ ਨਹੀਂ ਕੀਤਾ। ਫਲਿੱਪਕਾਰਟ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿਹਾ ਕਿ ਪਿਛਲੇ ਮਹੀਨੇ ਤਿਉਹਾਰੀ ਸੀਜ਼ਨ ਸੇਲ 'ਚ ਡਿਜ਼ੀਟਲ ਭੁਗਤਾਨ 'ਚ ਕਾਫ਼ੀ ਤੇਜ਼ੀ ਦੇਖੀ ਗਈ। ਹਾਲਾਂਕਿ ਉਨ੍ਹਾਂ ਨੇ ਇਸ ਗੱਲ ਦਾ ਖੁਲਾਸਾ ਨਹੀਂ ਕਿ ਕੁਝ ਖਰਚ 'ਚ ਡਿਜ਼ੀਟਲ ਭੁਗਤਾਨ ਦਾ ਹਿੱਸਾ ਕਿੰਨਾ ਸੀ।
ਇਸ ਦੀਵਾਲੀ 786 ਨੰਬਰ ਦਾ ਨੋਟ ਤੁਹਾਨੂੰ ਬਣਾ ਦੇਵੇਗਾ ਅਮੀਰ! ਮਿਲ ਸਕਦੇ ਹਨ 3 ਲੱਖ ਰੁਪਏ!
NEXT STORY 
