ਨਵੀਂ ਦਿੱਲੀ — ਇਸ ਵਾਰ ਗਰਮੀ ਦਾ ਮੌਸਮ ਜਲਦੀ ਸ਼ੁਰੂ ਹੋਣ ਕਾਰਨ ਆਈਸਕ੍ਰੀਮ ਅਤੇ ਸਾਫਟ ਡਰਿੰਕ ਉਤਪਾਦਾਂ ਦੀ ਮੰਗ ਵਧਣ ਲੱਗੀ ਹੈ। ਅਜਿਹੀ ਸਥਿਤੀ ਵਿੱਚ, ਰੋਜ਼ਾਨਾ ਖਪਤ ਵਾਲੇ ਉਤਪਾਦ ਬਣਾਉਣ ਵਾਲੀਆਂ ਐਫਐਮਸੀਜੀ ਅਤੇ ਦੁੱਧ ਉਤਪਾਦ ਕੰਪਨੀਆਂ ਨੂੰ ਇਨ੍ਹਾਂ ਉਤਪਾਦਾਂ ਦੀ ਵਿਕਰੀ ਵਿੱਚ ਦੋ ਅੰਕਾਂ ਵਿੱਚ ਵਾਧਾ ਹੋਣ ਦੀ ਉਮੀਦ ਹੈ। ਕੋਵਿਡ ਮਹਾਂਮਾਰੀ ਦੇ ਦੌਰਾਨ ਲਗਾਈਆਂ ਗਈਆਂ ਪਾਬੰਦੀਆਂ ਹਟਣ ਤੋਂ ਬਾਅਦ ਇਸ ਗਰਮੀਆਂ ਵਿੱਚ ਵਧੀ ਹੋਈ ਖਪਤਕਾਰਾਂ ਦੀ ਆਵਾਜਾਈ ਉਤਪਾਦਾਂ ਦੀ ਵਿਕਰੀ ਨੂੰ ਵੀ ਲਾਭ ਦੇਵੇਗੀ।
ਇਹ ਵੀ ਪੜ੍ਹੋ : ਟ੍ਰਾਈਡੈਂਟ ਗਰੁੱਪ ਨੇ ਸ਼ੁਰੂ ਕੀਤਾ ‘ਤਕਸ਼ਸ਼ਿਲਾ ਪ੍ਰੋਗਰਾਮ’ , ਨੌਜਵਾਨਾਂ ਨੂੰ ਮਿਲੇਗਾ ਕਮਾਈ ਕਰਨ ਦਾ ਮੌਕਾ
ਕੰਪਨੀਆਂ ਇਸ ਸਾਲ ਆਪਣੇ ਉਤਪਾਦਾਂ ਦੀ ਭਾਰੀ ਮੰਗ ਨੂੰ ਦੇਖਦੇ ਹੋਏ ਨਵੀਆਂ ਅਤੇ ਵਿਲੱਖਣ ਪੇਸ਼ਕਸ਼ਾਂ ਲੈ ਕੇ ਆ ਰਹੀਆਂ ਹਨ ਅਤੇ ਇਸਦੇ ਲਈ ਉਤਪਾਦਨ ਵੀ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਦੁੱਧ ਦੇ ਉਤਪਾਦ ਅਤੇ ਆਈਸ ਕਰੀਮ ਬਣਾਉਣ ਵਾਲੀ ਪ੍ਰਮੁੱਖ ਮਦਰ ਡੇਅਰੀ ਨੇ ਕਿਹਾ ਕਿ ਤਾਪਮਾਨ ਵਧਣ ਨਾਲ ਉਤਪਾਦਾਂ ਦੀ ਮੰਗ ਵਿੱਚ ਸਮੇਂ ਤੋਂ ਪਹਿਲਾਂ ਹੀ ਉਛਾਲ ਦੇਖਿਆ ਜਾ ਰਿਹਾ ਹੈ ਅਤੇ ਇਹ ਰੁਝਾਨ ਲੰਮਾ ਸਮਾਂ ਜਾਰੀ ਰਹੇਗਾ। ਕੰਪਨੀ ਦੇ ਮੈਨੇਜਿੰਗ ਡਾਇਰੈਕਟਰ ਮਨੀਸ਼ ਬੰਦਲਿਸ਼ ਨੇ ਕਿਹਾ, "ਅਸੀਂ ਵੱਖ-ਵੱਖ ਮਾਧਿਅਮਾਂ 'ਤੇ ਮੰਗ ਵਧਣ ਨੂੰ ਦੇਖਦੇ ਹੋਏ ਆਪਣੀ ਸਟੋਰੇਜ ਵਧਾਈ ਹੈ।" ਚੰਗੇ ਮੌਸਮ ਦੀ ਉਮੀਦ ਕਰਦੇ ਹੋਏ, ਐਫਐਮਸੀਜੀ ਕੰਪਨੀਆਂ ਨੇ ਵੀ ਇਸ਼ਤਿਹਾਰਾਂ 'ਤੇ ਆਪਣਾ ਖਰਚਾ ਵਧਾ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਸੋਨਾ ਖ਼ਰੀਦਣ ਦੇ ਨਿਯਮਾਂ 'ਚ ਵੱਡਾ ਬਦਲਾਅ, ਜਾਣ ਲਓ ਇਹ ਜ਼ਰੂਰੀ ਗੱਲ
ਸਾਫਟ ਡਰਿੰਕਸ ਕੰਪਨੀ ਪੈਪਸੀਕੋ ਨੇ ਕਿਹਾ ਕਿ ਉਹ ਬਹੁਤ ਉਤਸ਼ਾਹਿਤ ਹੈ ਕਿ ਗਰਮੀਆਂ ਜਲਦੀ ਆ ਰਹੀਆਂ ਹਨ ਅਤੇ ਇਹ 2023 ਵਿੱਚ ਪੀਣ ਵਾਲੇ ਉਦਯੋਗ ਲਈ ਮਹੱਤਵਪੂਰਨ ਸਾਬਤ ਹੋ ਸਕਦਾ ਹੈ।
ਸਾਫਟ ਡਰਿੰਕਸ ਕੰਪਨੀ ਪੈਪਸੀਕੋ ਇੰਡੀਆ, ਨੇ ਕਿਹਾ, "ਸਾਨੂੰ ਉਮੀਦ ਹੈ ਕਿ ਸਾਡੇ ਉਤਪਾਦ ਗਰਮੀ ਤੋਂ ਪੀੜਤ ਖਪਤਕਾਰਾਂ ਦੀ ਮੰਗ ਨੂੰ ਪੂਰਾ ਕਰਨ ਦੇ ਯੋਗ ਹੋਣਗੇ।" ਇਸੇ ਤਰ੍ਹਾਂ ਡਾਬਰ ਇੰਡੀਆ ਨੇ ਵੀ ਪੀਣ ਵਾਲੇ ਪਦਾਰਥਾਂ ਅਤੇ ਗਲੂਕੋਜ਼ ਉਤਪਾਦਾਂ ਦੀ ਵਿਕਰੀ ਵਧਣ ਦੀ ਉਮੀਦ ਜਤਾਈ ਹੈ। ਕੰਪਨੀ ਦੇ ਮੁੱਖ ਸੰਚਾਲਨ ਅਧਿਕਾਰੀ ਆਦਰਸ਼ ਸ਼ਰਮਾ ਨੇ ਕਿਹਾ ਕਿ ਹੁਣ ਤੋਂ ਉਤਪਾਦਾਂ ਦੀ ਮੰਗ ਵਧਣ ਲੱਗੀ ਹੈ ਅਤੇ ਇਸ ਦੇ ਮੱਦੇਨਜ਼ਰ ਸਟਾਕ ਨੂੰ ਵਧਾਇਆ ਗਿਆ ਹੈ।
ਇਹ ਵੀ ਪੜ੍ਹੋ : ਨੈਨੋ ਯੂਰੀਆ ਦੇ ਬਾਅਦ ਹੁਣ ਕਿਸਾਨਾਂ ਨੂੰ ਜਲਦ ਮਿਲੇਗਾ ' Nano DAP', ਸਰਕਾਰ ਨੇ ਦਿੱਤੀ ਮਨਜ਼ੂਰੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਰੁਪਏ 'ਚ ਵਿਦੇਸ਼ੀ ਲੈਣ-ਦੇਣ ਨੇ ਫੜ੍ਹੀ ਰਫ਼ਤਾਰ, 6 ਮਹੀਨਿਆਂ 'ਚ ਖੁੱਲ੍ਹੇ 49 'Vostro' ਖ਼ਾਤੇ
NEXT STORY 
