ਨਵੀਂ ਦਿੱਲੀ : ਦੁਨੀਆ ਦੇ ਸਭ ਤੋਂ ਅਮੀਰ ਲੋਕਾਂ ਦੀ ਸੂਚੀ 'ਚ ਗੌਤਮ ਅਡਾਨੀ ਭਾਵੇਂ Elon Musk ਤੋਂ ਪਿੱਛੇ ਹੋਵੇ ਪਰ ਪਿਛਲੇ ਇਕ ਸਾਲ 'ਚ ਉਨ੍ਹਾਂ ਨੇ Twitter ਦੇ CEO ਨੂੰ ਪਛਾੜ ਕੇ ਨਵਾਂ ਮੁਕਾਮ ਹਾਸਲ ਕੀਤਾ ਹੈ। ਸਾਲ 2022 ਵਿੱਚ ਏਲੋਨ ਮਸਕ ਦੀ ਦੌਲਤ ਵਿੱਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ ਸੀ। ਟਵਿੱਟਰ ਨੂੰ ਖਰੀਦਣ ਤੋਂ ਬਾਅਦ, ਏਲੋਨ ਮਸਕ ਦੀ ਸੰਪਤੀ ਵਿੱਚ ਲਗਾਤਾਰ ਗਿਰਾਵਟ ਆ ਰਹੀ ਹੈ। ਮਸਕ ਨੇ ਇੱਕ ਸਾਲ ਵਿੱਚ 114 ਬਿਲੀਅਨ ਡਾਲਰ ਦੀ ਦੌਲਤ ਗੁਆ ਦਿੱਤੀ ਹੈ। ਦੂਜੇ ਪਾਸੇ ਗੌਤਮ ਅਡਾਨੀ ਦੀ ਦੌਲਤ ਵਿਚ ਵਾਧਾ ਦੇਖਣ ਨੂੰ ਮਿਲਿਆ ਹੈ।
ਇਹ ਵੀ ਪੜ੍ਹੋ : 50 ਹਜ਼ਾਰ ਕੰਪਨੀਆਂ ਨੂੰ GST ਨੋਟਿਸ ਜਾਰੀ, 30 ਦਿਨਾਂ ਅੰਦਰ ਦੇਣਾ ਹੋਵੇਗਾ ਜਵਾਬ
ਅਡਾਨੀ ਗਰੁੱਪ ਦੇ ਚੇਅਰਮੈਨ ਗੌਤਮ ਅਡਾਨੀ ਨੇ ਸਾਲ 2022 ਵਿੱਚ ਨਾ ਸਿਰਫ ਦੁਨੀਆ ਦੇ ਤੀਜੇ ਸਭ ਤੋਂ ਅਮੀਰ ਵਿਅਕਤੀ ਦਾ ਸਥਾਨ ਹਾਸਲ ਕੀਤਾ, ਸਗੋਂ ਇਸ ਸਾਲ ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਵਿਅਕਤੀ ਵੀ ਬਣ ਗਏ ਹਨ। ਬਲੂਮਬਰਗ ਬਿਲੀਅਨੇਅਰਜ਼ ਇੰਡੈਕਸ ਦੇ ਮੁਤਾਬਕ ਗੌਤਮ ਅਡਾਨੀ ਦੀ ਸੰਪਤੀ ਇਸ ਸਾਲ 49 ਅਰਬ ਡਾਲਰ ਤੋਂ ਵੱਧ ਵਧੀ ਹੈ। ਗੌਤਮ ਅਡਾਨੀ ਸਾਲ 2022 ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲਿਆਂ ਦੀ ਸੂਚੀ ਵਿੱਚ ਪਹਿਲੇ ਸਥਾਨ 'ਤੇ ਹਨ ਜਦੋਂ ਕਿ ਟਵਿੱਟਰ, ਸਪੇਸਐਕਸ, ਟੇਸਲਾ ਵਰਗੀਆਂ ਕੰਪਨੀਆਂ ਦੇ ਮਾਲਕ ਏਲਨ ਮਸਕ ਇਸ ਸੂਚੀ ਵਿੱਚ ਸਭ ਤੋਂ ਹੇਠਾਂ ਹਨ।
ਏਲੋਨ ਮਸਕ ਦੀ ਜਾਇਦਾਦ 'ਚ ਆਈ ਗਿਰਾਵਟ
ਏਲੋਨ ਮਸਕ ਦੀ ਦੌਲਤ ਵਿੱਚ ਜ਼ਬਰਦਸਤ ਗਿਰਾਵਟ ਆਈ ਹੈ। ਸਾਲ 2022 ਵਿੱਚ ਮਸਕ ਨੂੰ 109 ਬਿਲੀਅਨ ਡਾਲਰ ਦੀ ਜਾਇਦਾਦ ਦਾ ਨੁਕਸਾਨ ਹੋਇਆ। ਟਵਿੱਟਰ ਨੂੰ ਖਰੀਦਣ ਦੇ ਬਾਅਦ ਤੋਂ ਉਸਦੀ ਦੌਲਤ ਵਿੱਚ ਇਹ ਗਿਰਾਵਟ ਲਗਾਤਾਰ ਦਰਜ ਕੀਤੀ ਜਾ ਰਹੀ ਹੈ। ਮਸਕ ਨੇ ਇੱਕ ਸਾਲ ਦੇ ਅੰਦਰ ਟੇਸਲਾ ਦੇ 40 ਬਿਲੀਅਨ ਡਾਲਰ ਦੇ ਸ਼ੇਅਰ ਵੇਚੇ। ਉਸਨੇ ਸਿਰਫ ਤਿੰਨ ਦਿਨਾਂ ਵਿੱਚ 22 ਮਿਲੀਅਨ ਸ਼ੇਅਰ ਵੇਚੇ। ਏਲੋਨ ਮਸਕ ਦੀ ਦੌਲਤ ਵਿੱਚ ਇਸ ਗਿਰਾਵਟ ਤੋਂ ਬਾਅਦ, ਉਨ੍ਹਾਂ ਕੋਲ 156 ਬਿਲੀਅਨ ਡਾਲਰ ਦੀ ਕੁੱਲ ਸੰਪਤੀ ਬਚੀ ਹੈ। ਸਾਲ 2022 ਵਿਚ ਉਨ੍ਹਾਂ ਦੀ ਕਮਾਈ ਸਭ ਤੋਂ ਘੱਟ ਰਹੀ।
ਇਹ ਵੀ ਪੜ੍ਹੋ : ਸਾਹਮਣੇ ਆਈ 62 ਹਜ਼ਾਰ ਕਰੋੜ ਦੀ ਟੈਕਸ ਚੋਰੀ, ਧੋਖਾਧੜੀ 'ਚ ਸ਼ਾਮਲ 1030 ਲੋਕਾਂ ਨੂੰ ਕੀਤਾ ਗ੍ਰਿਫਤਾਰ
ਗੌਤਮ ਅਡਾਨੀ ਦੇ ਸਿਤਾਰੇ ਚਮਕੇ
ਭਾਰਤ ਦੇ ਕਾਰੋਬਾਰੀ ਦੁਨੀਆ ਦੇ ਤੀਜੇ ਸਭ ਤੋਂ ਅਮੀਰ ਵਿਅਕਤੀ ਬਣ ਗਏ ਹਨ। 60 ਸਾਲਾ ਅਡਾਨੀ ਦੁਨੀਆ ਦੇ ਤੀਜੇ ਸਭ ਤੋਂ ਅਮੀਰ ਉਦਯੋਗਪਤੀ ਹਨ। ਉਸ ਤੋਂ ਉੱਪਰ ਏਲੋਨ ਮਸਕ (156 ਬਿਲੀਅਨ ਡਾਲਰ) ਅਤੇ ਬਰਨਾਰਡ ਅਰਨੌਲਟ (163 ਬਿਲੀਅਨ ਡਾਲਰ ) ਨਾਲ ਪਹਿਲੇ ਸਥਾਨ 'ਤੇ ਹਨ। ਸਾਲ 2022 'ਚ ਅਡਾਨੀ ਦੀ ਜਾਇਦਾਦ 'ਚ ਸਭ ਤੋਂ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਬਲੂਮਬਰਗ ਬਿਲੀਨੇਅਰਸ ਇੰਡੈਕਸ ਦੇ ਅਨੁਸਾਰ, ਉਸਨੇ ਇਸ ਸਾਲ 49 ਬਿਲੀਅਨ ਡਾਲਰ ਦੀ ਕਮਾਈ ਕੀਤੀ ਅਤੇ ਉਸਦੀ ਕੁੱਲ ਜਾਇਦਾਦ 125 ਬਿਲੀਅਨ ਡਾਲਰ (10.34 ਲੱਖ ਕਰੋੜ ਰੁਪਏ) ਹੋ ਗਈ। ਰਿਲਾਇੰਸ ਇੰਡਸਟਰੀਜ਼ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਦੁਨੀਆ ਦੇ ਚੋਟੀ ਦੇ ਅਰਬਪਤੀਆਂ ਦੀ ਸੂਚੀ ਵਿੱਚ 88.2 ਅਰਬ ਡਾਲਰ ਦੀ ਜਾਇਦਾਦ ਦੇ ਨਾਲ ਨੌਵੇਂ ਸਥਾਨ 'ਤੇ ਹਨ।
ਇਹ ਵੀ ਪੜ੍ਹੋ : ਵਿਵਾਦਾਂ 'ਚ ਫਸੇ Byju's ਦੇ CEO, ਮਾਪਿਆਂ ਵਲੋਂ ਸ਼ਿਕਾਇਤਾਂ ਤੋਂ ਬਾਅਦ ਜਾਰੀ ਹੋਇਆ ਨੋਟਿਸ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਰੁਪਿਆ ਸ਼ੁਰੂਆਤੀ ਕਾਰੋਬਾਰ 'ਚ 11 ਪੈਸੇ ਟੁੱਟ ਕੇ 82.73 ਪ੍ਰਤੀ ਡਾਲਰ 'ਤੇ
NEXT STORY 
