ਨਵੀਂ ਦਿੱਲੀ : ਮਾਰਚ ਦਾ ਮਹੀਨਾ ਸ਼ੁਰੂ ਹੋਣ ਵਾਲਾ ਹੈ ਅਤੇ ਇਸ ਦੇ ਨਾਲ ਹੀ ਬੈਂਕਾਂ ਦੀਆਂ ਛੁੱਟੀਆਂ ਦਾ ਨਵਾਂ ਕੈਲੰਡਰ ਵੀ ਲਾਗੂ ਹੋ ਜਾਵੇਗਾ। ਇਸ ਵਾਰ ਹੋਲੀ ਦੇ ਤਿਉਹਾਰ ਨੂੰ ਲੈ ਕੇ ਲੋਕਾਂ ਵਿੱਚ ਕਾਫੀ ਕੰਫਿਊਜ਼ਨ ਹੈ ਕਿ ਬੈਂਕ 3 ਮਾਰਚ ਨੂੰ ਬੰਦ ਰਹਿਣਗੇ ਜਾਂ 4 ਮਾਰਚ ਨੂੰ। ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਪਹਿਲਾਂ ਹੀ ਇਸ ਸਬੰਧੀ ਛੁੱਟੀਆਂ ਦੀ ਸੂਚੀ ਜਾਰੀ ਕਰ ਦਿੱਤੀ ਹੈ, ਤਾਂ ਜੋ ਉਪਭੋਗਤਾਵਾਂ ਨੂੰ ਕਿਸੇ ਪਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ।
ਹੋਲੀ 'ਤੇ 3 ਦਿਨਾਂ ਦੀਆਂ ਛੁੱਟੀਆਂ
ਆਰ.ਬੀ.ਆਈ. ਦੀ ਸੂਚੀ ਅਨੁਸਾਰ ਹੋਲੀ ਦੇ ਮੌਕੇ 'ਤੇ ਵੱਖ-ਵੱਖ ਸ਼ਹਿਰਾਂ ਵਿੱਚ 2, 3 ਅਤੇ 4 ਮਾਰਚ ਨੂੰ ਬੈਂਕ ਬੰਦ ਰਹਿਣਗੇ। ਹਾਲਾਂਕਿ, ਇਹ ਧਿਆਨ ਦੇਣਾ ਜ਼ਰੂਰੀ ਹੈ ਕਿ ਇਹ ਛੁੱਟੀਆਂ ਪੂਰੇ ਦੇਸ਼ ਵਿੱਚ ਇਕੱਠੀਆਂ ਨਹੀਂ ਹਨ, ਸਗੋਂ ਵੱਖ-ਵੱਖ ਰਾਜਾਂ ਅਤੇ ਸ਼ਹਿਰਾਂ ਦੇ ਹਿਸਾਬ ਨਾਲ ਤੈਅ ਕੀਤੀਆਂ ਗਈਆਂ ਹਨ।
ਤਾਰੀਖਾਂ ਅਨੁਸਾਰ ਛੁੱਟੀਆਂ ਦਾ ਵੇਰਵਾ:
2 ਮਾਰਚ (ਹੋਲਿਕਾ ਦਹਿਨ): ਇਸ ਦਿਨ ਪੂਰੇ ਦੇਸ਼ ਵਿੱਚ ਛੁੱਟੀ ਨਹੀਂ ਹੋਵੇਗੀ। ਸਿਰਫ਼ ਕਾਨਪੁਰ ਅਤੇ ਲਖਨਊ ਦੇ ਬੈਂਕਾਂ ਵਿੱਚ ਕੰਮਕਾਜ ਬੰਦ ਰਹੇਗਾ। ਬਾਕੀ ਸ਼ਹਿਰਾਂ ਵਿੱਚ ਬੈਂਕ ਆਮ ਵਾਂਗ ਖੁੱਲ੍ਹੇ ਰਹਿਣਗੇ।
3 ਮਾਰਚ (ਧੁਲੰਡੀ/ਡੋਲ ਜਤਰਾ): ਇਸ ਦਿਨ ਦਿੱਲੀ, ਮੁੰਬਈ, ਕੋਲਕਾਤਾ, ਜੈਪੁਰ, ਪਟਨਾ, ਰਾਂਚੀ, ਭੋਪਾਲ, ਦੇਹਰਾਦੂਨ, ਹੈਦਰਾਬਾਦ ਅਤੇ ਪਣਜੀ ਵਰਗੇ ਕਈ ਵੱਡੇ ਸ਼ਹਿਰਾਂ ਵਿੱਚ ਬੈਂਕ ਬੰਦ ਰਹਿਣਗੇ।
4 ਮਾਰਚ (ਹੋਲੀ): ਹੋਲੀ ਦੇ ਮੁੱਖ ਜਸ਼ਨਾਂ ਕਾਰਨ ਚੰਡੀਗੜ੍ਹ, ਸ਼ਿਮਲਾ, ਨਵੀਂ ਦਿੱਲੀ, ਜੰਮੂ, ਅਹਿਮਦਾਬਾਦ, ਲਖਨਊ, ਕਾਨਪੁਰ, ਪਟਨਾ ਅਤੇ ਰਾਏਪੁਰ ਸਮੇਤ ਉੱਤਰ ਤੇ ਮੱਧ ਭਾਰਤ ਦੇ ਜ਼ਿਆਦਾਤਰ ਹਿੱਸਿਆਂ ਵਿੱਚ ਬੈਂਕਾਂ ਦੀ ਛੁੱਟੀ ਰਹੇਗੀ।
ਮਾਰਚ ਦੀਆਂ ਹੋਰ ਮੁੱਖ ਛੁੱਟੀਆਂ
ਹੋਲੀ ਤੋਂ ਇਲਾਵਾ ਮਾਰਚ ਮਹੀਨੇ ਵਿੱਚ ਹੋਰ ਵੀ ਕਈ ਤਿਉਹਾਰਾਂ ਕਾਰਨ ਬੈਂਕ ਬੰਦ ਰਹਿਣਗੇ:
17 ਮਾਰਚ: ਸ਼ਬ-ਏ-ਕਦਰ ਕਾਰਨ ਜੰਮੂ ਅਤੇ ਸ਼੍ਰੀਨਗਰ ਵਿੱਚ ਛੁੱਟੀ।
19 ਮਾਰਚ: ਗੁੜੀ ਪੜਵਾ ਅਤੇ ਨਵਰਾਤਰੀ ਦੇ ਮੌਕੇ 'ਤੇ ਮੁੰਬਈ, ਬੈਂਗਲੁਰੂ ਅਤੇ ਚੇਨਈ ਸਮੇਤ ਦੱਖਣੀ ਭਾਰਤ ਵਿੱਚ ਬੈਂਕ ਬੰਦ ਰਹਿਣਗੇ।
21 ਮਾਰਚ: ਈਦ ਦੇ ਮੌਕੇ 'ਤੇ ਕੋਚੀ, ਸ਼ਿਮਲਾ ਅਤੇ ਤਿਰੂਵਨੰਤਪੁਰਮ ਨੂੰ ਛੱਡ ਕੇ ਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ ਵਿੱਚ ਬੈਂਕ ਬੰਦ ਰਹਿਣਗੇ।
26-27 ਮਾਰਚ: ਰਾਮ ਨੌਮੀ ਦੇ ਮੌਕੇ 'ਤੇ ਜੈਪੁਰ, ਲਖਨਊ, ਕੋਲਕਾਤਾ ਅਤੇ ਅਹਿਮਦਾਬਾਦ ਵਿੱਚ ਛੁੱਟੀ ਰਹੇਗੀ।
ਆਨਲਾਈਨ ਸੇਵਾਵਾਂ ਰਹਿਣਗੀਆਂ ਜਾਰੀ
ਬੈਂਕ ਸ਼ਾਖਾਵਾਂ ਬੰਦ ਹੋਣ ਦੇ ਬਾਵਜੂਦ ਗਾਹਕਾਂ ਨੂੰ ਘਬਰਾਉਣ ਦੀ ਲੋੜ ਨਹੀਂ ਹੈ। ਮੋਬਾਈਲ ਬੈਂਕਿੰਗ, ਨੈੱਟ ਬੈਂਕਿੰਗ ਅਤੇ UPI ਵਰਗੀਆਂ ਡਿਜੀਟਲ ਸੇਵਾਵਾਂ 24 ਘੰਟੇ ਚਾਲੂ ਰਹਿਣਗੀਆਂ। ਇਸ ਤੋਂ ਇਲਾਵਾ ਏਟੀਐਮ (ATM) ਤੋਂ ਪੈਸੇ ਕਢਵਾਉਣ ਦੀ ਸਹੂਲਤ ਵੀ ਉਪਲਬਧ ਰਹੇਗੀ। ਪਰ ਜੇਕਰ ਤੁਹਾਨੂੰ ਚੈੱਕ ਜਮ੍ਹਾਂ ਕਰਵਾਉਣ ਜਾਂ ਕੇਵਾਈਸੀ (KYC) ਵਰਗਾ ਕੋਈ ਫਿਜ਼ੀਕਲ ਕੰਮ ਹੈ, ਤਾਂ ਉਸ ਨੂੰ ਛੁੱਟੀਆਂ ਤੋਂ ਪਹਿਲਾਂ ਹੀ ਨਿਪਟਾ ਲੈਣਾ ਬਿਹਤਰ ਹੋਵੇਗਾ।
ਜੈਮਾਲਾ ਦੌਰਾਨ ਲਾੜੀ ਨੂੰ ਗੋਲੀ ਮਾਰਨ ਵਾਲਾ ਸਿਰਫਿਰਾ ਆਸ਼ਿਕ ਗ੍ਰਿਫਤਾਰ, UP ਤੋਂ ਖਰੀਦੀ ਸੀ ਪਿਸਤੌਲ
NEXT STORY 
