ਨਵੀਂ ਦਿੱਲੀ — ਪੈਨਸ਼ਨ ਲੈਣ ਵਾਲੇ ਬਜ਼ੁਰਗਾਂ ਲਈ ਵੱਡੀ ਖ਼ੁਸ਼ਖ਼ਬਰੀ ਆਈ ਹੈ। ਹੁਣ ਨਾ ਤਾਂ ਉਨ੍ਹਾਂ ਨੂੰ ਲੰਮੀਆਂ ਕਤਾਰਾਂ ਵਿਚ ਲੱਗਣਾ ਪਵੇਗਾ ਅਤੇ ਨਾ ਹੀ ਲੰਮੀ ਦੂਰੀ ਦਾ ਸਫ਼ਰ ਕਰਨਾ ਪਵੇਗਾ। ਘਰ ਵਿਚ ਹੀ ਉਨ੍ਹਾਂ ਦਾ ਜੀਵਨ ਸਰਟੀਫ਼ਿਕੇਟ ਜਾਵੇਗਾ। ਹੁਣ ਘਰ ਬੈਠੇ ਸਿਰਫ਼ 70 ਰੁਪਏ ਖ਼ਰਚ ਕਰਕੇ ਸਰਟੀਫ਼ਿਕੇਟ ਬਣ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਪੈਨਸ਼ਨਰਾਂ ਨੂੰ ਆਪਣੀ ਪੈਨਸ਼ਨ ਜਾਰੀ ਰੱਖਣ ਲਈ ਹਰ ਸਾਲ ਨਵੰਬਰ ਵਿਚ ਇੱਕ ਜੀਵਨ ਸਰਟੀਫ਼ਿਕੇਟ ਜਮ੍ਹਾ ਕਰਨਾ ਪੈਂਦਾ ਹੈ। ਕੋਰੋਨਾ ਵਿਸ਼ਾਣੂ ਲਾਗ ਦੇ ਮੱਦੇਨਜ਼ਰ ਸਰਕਾਰ ਨੇ ਸੀਨੀਅਰ ਨਾਗਰਿਕਾਂ ਲਈ ਇਸ ਨਿਯਮ ਵਿਚ ਢਿੱਲ ਦਿੱਤੀ ਹੈ। ਸਰਕਾਰ ਨੇ ਕਿਹਾ ਹੈ ਕਿ ਇਸ ਸਾਲ ਸਾਰੇ ਪੈਨਸ਼ਨ ਧਾਰਕ 1 ਨਵੰਬਰ ਤੋਂ ਲੈ ਕੇ 31 ਦਸੰਬਰ ਤੱਕ ਕਿਸੇ ਵੀ ਸਮੇਂ 2 ਮਹੀਨਿਆਂ ਵਿਚਕਾਰ ਜੀਵਨ ਸਰਟੀਫ਼ਿਕੇਟ ਜਮ੍ਹਾ ਕਰਵਾ ਸਕਦੇ ਹਨ। ਕੇਂਦਰੀ ਮੰਤਰੀ ਜਿਤੇਂਦਰ ਸਿੰਘ ਨੇ ਸ਼ੁੱਕਰਵਾਰ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ।
ਅਪਾਹਜਾਂ ਅਤੇ ਬਜ਼ੁਰਗਾਂ ਲਈ ਜੀਵਨ ਸਰਟੀਫ਼ਿਕੇਟ ਲੈਣ ਲਈ ਡਾਕਘਰ ਜਾਣ ਦੀ ਜ਼ਰੂਰਤ ਨਹੀਂ ਹੈ। ਇੰਡੀਅਨ ਪੋਸਟਲ ਪੇਮੈਂਟ ਬੈਂਕ ਘਰ ਪਹੁੰਚ ਦੀ ਸਹੂਲਤ ਦੇ ਰਿਹਾ ਹੈ। ਨੇੜਲੇ ਡਾਕੀਏ ਨਾਲ ਸੰਪਰਕ ਕਰੋ ਅਤੇ ਉਸਨੂੰ ਸੂਚਿਤ ਕਰੋ। ਇਸ ਤੋਂ ਬਾਅਦ ਡਾਕੀਆ ਸਬੰਧਤ ਵਿਅਕਤੀ ਦੇ ਘਰ ਪਹੁੰਚੇਗਾ ਅਤੇ ਡਿਜੀਟਲ ਲਾਈਫ ਸਰਟੀਫ਼ਿਕੇਟ ਬਣਾਏਗਾ।
ਜੇ ਤੁਸੀਂ ਰਿਟਾਇਰਡ ਬਜ਼ੁਰਗ ਮੁਲਾਜ਼ਮ ਹੋ ਅਤੇ ਤੁਰਨ-ਫਿਰਨ ਤੋਂ ਅਸਮਰੱਥ ਹੋ, ਤਾਂ ਪੈਨਸ਼ਨ ਵਿਚ ਦਿੱਤੇ ਜਾਣ ਲਈ ਜੀਵਨ ਪ੍ਰਮਾਣ ਪੱਤਰ ਬਣਾਉਣ ਲਈ ਘਬਰਾਉਣ ਦੀ ਜ਼ਰੂਰਤ ਨਹੀਂ ਹੈ। ਡਾਕ ਮਹਿਕਮੇ ਦੇ ਇੰਡੀਆ ਪੋਸਟ ਪੇਮੈਂਟਸ ਬੈਂਕ ਨੇ ਪੈਨਸ਼ਨਰਾਂ ਲਈ ਬਾਇਓਮੈਟ੍ਰਿਕ ਅਧਾਰਤ ਡਿਜੀਟਲ ਸੇਵਾ ਸ਼ੁਰੂ ਕੀਤੀ ਹੈ। ਪੋਸਟਮੈਨ ਘਰ ਵਿਚ ਸਿਰਫ ਪੰਜ ਮਿੰਟਾਂ ਵਿਚ ਬਾਇਓਮੈਟ੍ਰਿਕ ਲਾਈਫ ਸਰਟੀਫ਼ਿਕੇਟ ਜਾਰੀ ਕਰ ਸਕਦਾ ਹੈ।
ਕੇਂਦਰ ਸਰਕਾਰ, ਸੂਬਾ ਸਰਕਾਰ ਅਤੇ ਹੋਰ ਸਰਕਾਰੀ ਅਦਾਰਿਆਂ ਦੇ ਪੈਨਸ਼ਨਰ ਇਸ ਸੇਵਾ ਦਾ ਲਾਭ ਲੈ ਸਕਦੇ ਹਨ। ਤੁਹਾਡੀ ਇਕ ਫੋਨ ਕਾਲ 'ਤੇ ਪੋਸਟਮੈਨ ਘਰ ਵਿਚ ਸਿਰਫ ਪੰਜ ਮਿੰਟਾਂ ਵਿਚ ਬਾਇਓਮੈਟ੍ਰਿਕ ਲਾਈਫ ਸਰਟੀਫ਼ਿਕੇਟ ਜਾਰੀ ਕਰੇਗਾ। ਇਸ ਦੇ ਲਈ ਸਿਰਫ 70 ਰੁਪਏ ਦੇਣੇ ਪੈਣਗੇ।
ਇਹ ਵੀ ਪੜ੍ਹੋ : ਖੁਸ਼ਖਬਰੀ: ਇਸ ਕਾਰਨ ਦੀਵਾਲੀ 'ਤੇ ਕਾਜੂ-ਬਦਾਮ ਹੋਇਆ ਹੋਰ ਸਸਤਾ, ਜਾਣੋ ਨਵੇਂ ਭਾਅ
ਲਾਈਫ ਸਰਟੀਫਿਕੇਟ ਲਈ ਅਧਾਰ ਨੰਬਰ ਲਾਜਮੀ
ਪੈਨਸ਼ਨਰਾਂ ਕੋਲ ਅਧਾਰ ਨੰਬਰ ਹੋਣਾ ਲਾਜ਼ਮੀ ਹੈ। ਇਸ ਤੋਂ ਇਲਾਵਾ ਪੀ.ਪੀ.ਓ. ਨੰਬਰ, ਮੋਬਾਈਲ ਨੰਬਰ ਡਾਕਘਰ ਵਿਚ ਦੇਣਾ ਪਵੇਗਾ। ਪੋਸਟਮੈਨ ਆਧਾਰ ਦੁਆਰਾ ਇੱਕ ਡਿਜੀਟਲ ਲਾਈਫ ਸਰਟੀਫ਼ਿਕੇਟ ਜਾਰੀ ਕਰੇਗਾ, ਜੋ ਕਿ ਖੁਦ ਪੈਨਸ਼ਨ ਜਾਰੀ ਕਰਨ ਵਾਲੇ ਨਾਲ ਸਬੰਧਤ ਵਿਭਾਗ ਜਾਂ ਬੈਂਕ ਵਿਚ ਅਪਡੇਟ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ : ਨਵੇਂ ਲੇਬਰ ਨਿਯਮਾਂ ਦੇ ਤਹਿਤ 40 ਤੋਂ ਵੱਧ ਦੇ ਕਰਮਚਾਰੀਆਂ ਦੀ ਹੋਵੇਗੀ ਮੁਫਤ ਸਿਹਤ ਜਾਂਚ
ਲਾਈਫ ਸਰਟੀਫ਼ਿਕੇਟ ਕੀ ਹੁੰਦਾ ਹੈ
ਲਾਈਫ ਸਰਟੀਫ਼ਿਕੇਟ ਦਾ ਅਰਥ ਹੈ ਜੀਵਨ ਪ੍ਰਮਾਣ ਪੱਤਰ। ਇਹ ਵਿਅਕਤੀ ਦੇ ਜੀਵਤ ਹੋਣ ਦਾ ਸਬੂਤ ਹੁੰਦਾ ਹੈ। ਜੇ ਇਹ ਜਮ੍ਹਾ ਨਹੀਂ ਕੀਤਾ ਜਾਂਦਾ, ਤਾਂ ਪੈਨਸ਼ਨ ਨੂੰ ਰੋਕਿਆ ਜਾ ਸਕਦਾ ਹੈ। ਰਾਹਤ ਦਿੰਦੇ ਹੋਏ ਕੇਂਦਰ ਸਰਕਾਰ ਨੇ ਜੀਵਨ ਸਰਟੀਫ਼ਿਕੇਟ ਜਮ੍ਹਾ ਕਰਨ ਦੀ ਤਰੀਕ ਨੂੰ 31 ਦਸੰਬਰ 2020 ਤੱਕ ਵਧਾ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਦੀਵਾਲੀ ਮੌਕੇ ਹੋਰ ਵਧ ਸਕਦੀਆਂ ਹਨ ਸਰ੍ਹੋਂ ਦੇ ਤੇਲ ਦੀਆਂ ਕੀਮਤਾਂ! ਇਸ ਸਾਲ ਰਾਹਤ ਦੀ ਕੋਈ ਉਮੀਦ ਨਹੀਂ
ਸ਼ੁਰੂਆਤੀ ਕਾਰੋਬਾਰ ਵਿਚ ਡਾਲਰ ਦੇ ਮੁਕਾਬਲੇ ਰੁਪਿਆ 10 ਪੈਸੇ ਵਧਿਆ
NEXT STORY 
