ਨਵੀਂ ਦਿੱਲੀ— ਹਵਾਈ ਮੁਸਾਫ਼ਰਾਂ ਦੀ ਗਿਣਤੀ ਦੇ ਹਿਸਾਬ ਨਾਲ ਦੇਸ਼ ਦੀ ਸਭ ਤੋਂ ਵੱਡੀ ਹਵਾਈ ਸੇਵਾ ਕੰਪਨੀ ਇੰਡੀਗੋ ਦੇ ਯਾਤਰੀਆਂ ਨੂੰ ਹੁਣ ਹਵਾਈ ਅੱਡੇ 'ਤੇ ਏਅਰਲਾਈਨ ਦੇ ਕਾਊਂਟਰ ਤੋਂ ਚੈੱਕ-ਇਨ ਕਰਾਉਣਾ ਮਹਿੰਗਾ ਪਵੇਗਾ। ਇੰਡੀਗੋ ਨੇ ਇਸ ਲਈ ਚਾਰਜ ਲਾਗੂ ਕਰ ਦਿੱਤਾ ਹੈ।
ਏਅਰਲਾਈਨ ਨੇ ਇਕ ਬਿਆਨ 'ਚ ਦੱਸਿਆ ਕਿ ਯਾਤਰੀਆਂ ਨੂੰ ਹਵਾਈ ਅੱਡੇ 'ਤੇ ਚੈੱਕ-ਇਨ ਕਰਾਉਣ ਲਈ 100 ਰੁਪਏ ਦਾ ਚਾਰਜ ਦੇਣਾ ਹੋਵੇਗਾ। ਇਹ ਅੱਜ ਤੋਂ ਪ੍ਰਭਾਵੀ ਹੋ ਗਿਆ ਹੈ।
ਕੋਵਿਡ-19 ਕਾਰਨ ਜਹਾਜ਼ ਸੇਵਾ 'ਤੇ ਲੱਗੀਆਂ ਪਾਬੰਦੀਆਂ ਕਾਰਨ ਨਕਦੀ ਦੀ ਕਮੀ ਝੱਲ ਰਹੇ ਸੰਚਾਲਕ ਮਾਲੀਆ ਵਧਾਉਣ ਲਈ ਤਰ੍ਹਾਂ-ਤਰ੍ਹਾਂ ਦੇ ਉਪਾਅ ਕੱਢ ਰਹੇ ਹਨ। ਹਾਲਾਂਕਿ, ਇੰਡੀਗੋ ਨੇ ਕਿਹਾ ਹੈ ਕਿ ਉਸ ਨੇ ਵੈੱਬ ਚੈੱਕ-ਇਨ ਨੂੰ ਬੜ੍ਹਾਵਾ ਦੇਣ ਲਈ ਕਾਊਂਟਰ ਤੋਂ ਚੈੱਕ-ਇਨ 'ਤੇ ਚਾਰਜ ਲਗਾਇਆ ਹੈ। ਯਾਤਰੀ ਉਸ ਦੀ ਵੈੱਬਸਾਈਟ ਤੋਂ ਜਾਂ ਮੋਬਾਇਲ ਐਪ ਜ਼ਰੀਏ ਪਹਿਲਾਂ ਦੀ ਤਰ੍ਹਾਂ ਬਿਨਾਂ ਚਾਰਜ ਚੈੱਕ-ਇਨ ਕਰ ਸਕਦੇ ਹਨ।
ਟਾਟਾ ਮੋਟਰਜ਼ ਨੇ HDFC ਬੈਂਕ ਨਾਲ ਕੀਤਾ ਸਮਝੌਤਾ, ਪੇਸ਼ ਕੀਤੀਆਂ ਦੋ ਯੋਜਨਾਵਾਂ
NEXT STORY 
