ਨਵੀਂ ਦਿੱਲੀ—ਸੰਕਟ 'ਚ ਫਸੀ ਹਵਾਬਾਜ਼ੀ ਕੰਪਨੀ ਜੈੱਟ ਏਅਰਵੇਜ਼ ਨੇ ਕਿਹਾ ਕਿ ਲੀਜ਼ ਕਿਰਾਏ ਦਾ ਭੁਗਤਾਨ ਨਹੀਂ ਹੋਣ ਦੀ ਵਜ੍ਹਾ ਨਾਲ ਉਸ ਨੂੰ ਚਾਰ ਜਹਾਜ਼ਾਂ ਨੂੰ ਖੜ੍ਹਾ ਕਰਨਾ ਪਿਆ ਹੈ। ਗੰਭੀਰ ਵਿੱਤੀ ਸੰਕਟ ਨਾਲ ਲੜ ਰਹੀ ਕੰਪਨੀ ਲੋਨ ਰੀਸਟਰਕਚਰ ਅਤੇ ਫਡਿੰਗ ਜੁਟਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਸ਼ੇਅਰ ਬਾਜ਼ਾਰਾਂ ਨੂੰ ਭੇਜੀ ਸੂਚਨਾ 'ਚ ਕੰਪਨੀ ਨੇ ਕਿਹਾ ਕਿ ਲੀਜ਼ ਕਰਾਰ ਦੇ ਤਹਿਤ ਪੱਟਾਦਾਤਾ ਨੂੰ ਭੁਗਤਾਨ ਨਹੀਂ ਹੋਣ ਕੀ ਵਜ੍ਹਾ ਨਾਲ ਉਸ ਨੂੰ ਚਾਰ ਜਹਾਜ਼ਾਂ ਨੂੰ ਖੜ੍ਹਾ ਕਰਨਾ ਪਿਆ ਹੈ।
ਜੈੱਟ ਏਅਰਵੇਜ਼ ਨੇ ਸ਼ੇਅਰ ਬਾਜ਼ਾਰਾਂ ਨੂੰ ਦੱਸਿਆ ਕਿ ਕੰਪਨੀ ਪੱਟੇ 'ਤੇ ਜਹਾਜ਼ ਦੇਣ ਵਾਲੀਆਂ ਕੰਪਨੀਆਂ ਦੇ ਨਾਲ ਲਗਾਤਾਰ ਸੰਪਰਕ 'ਚ ਹੈ ਅਤੇ ਉਨ੍ਹਾਂ ਨੂੰ ਕੈਸ਼ ਜੁਟਾਉਣ ਨੂੰ ਲੈ ਕੇ ਕੰਪਨੀ ਦੀਆਂ ਕੋਸ਼ਿਸ਼ਾਂ ਤੋਂ ਜਾਣੂ ਕਰਵਾ ਰਹੀ ਹੈ। ਕੰਪਨੀ ਨੇ ਕਿਹਾ ਕਿ ਉਹ ਆਪਣੇ ਨੈੱਟਵਰਕ 'ਚ ਰੁਕਾਵਟਾਂ ਨੂੰ ਦੂਰ ਕਰਨ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਕਰ ਰਹੀ ਹੈ ਅਤੇ ਰੁਕਾਵਟਾਂ ਤੋਂ ਪ੍ਰਭਾਵਿਤ ਯਾਤਰੀਆਂ ਨੂੰ ਆਪਣੇ ਵੱਲੋਂ ਸੂਚਨਾ ਦੇ ਕੇ ਉਨ੍ਹਾਂ ਦੀ ਯਾਤਰਾ ਦੀ ਵਿਕਲਪਿਕ ਵਿਵਸਥਾ ਕਰ ਰਹੀ ਹੈ।
ਸ਼ੇਅਰ ਬਾਜ਼ਾਰ ਨੂੰ ਭੇਜੀ ਆਪਣੀ ਫਾਈਲਿੰਗ 'ਚ ਜੈੱਟ ਨੇ ਕਿਹਾ ਕਿ ਕੰਪਨੀ ਇਸ ਸੰਬੰਧ 'ਚ ਸ਼ਹਿਰੀ ਹਵਾਬਾਜ਼ੀ ਮਹਾਨਿਰਦੇਸ਼ਕ ਨੂੰ ਵੀ ਸਮੇਂ-ਸਮੇਂ 'ਤੇ ਜ਼ਰੂਰੀ ਜਾਣਕਾਰੀਆਂ ਦੇ ਰਹੀ ਹੈ। 30 ਜਨਵਰੀ ਨੂੰ ਏਅਰਲਾਈਨ ਨੇ ਕਿਹਾ ਸੀ ਕਿ ਉਹ ਉਨ੍ਹਾਂ ਕੰਪਨੀਆਂ ਦੇ ਨਾਲ ਲਗਾਤਾਰ ਗੱਲਬਾਤ ਕਰ ਰਹੀ ਹੈ ਜਿਨ੍ਹਾਂ ਦੇ ਜਹਾਜ਼ ਉਸ ਨੇ ਪੱਟੇ 'ਤੇ ਲਏ ਹੋਏ ਹਨ। ਨਾਲ ਹੀ ਉਨ੍ਹਾਂ ਨੂੰ ਫੰਡਿੰਗ ਅਤੇ ਜਹਾਜ਼ਾਂ ਦੇ ਖੜ੍ਹੇ ਹੋਣ ਦਾ ਕਾਰਨ ਫਲਾਈਟ ਕੈਂਸਲ ਕੀਤੇ ਜਾਣ ਦੀ ਜਾਣਕਾਰੀ ਲਗਾਤਾਰ ਦਿੱਤੀ ਜਾ ਰਹੀ ਹੈ।
30 ਜਨਵਰੀ ਨੂੰ ਦਿੱਤੀ ਗਈ ਜਾਣਕਾਰੀ ਦਾ ਹਵਾਲਾ ਦਿੰਦੇ ਹੋਏ ਕੰਪਨੀ ਨੇ ਵੀਰਵਾਰ ਨੂੰ ਕਿਹਾ ਕਿ ਇੰਜਨ ਨੂੰ ਆਮ ਕੰਮਕਾਜ਼ ਦੇ ਲਾਇਕ ਬਣਾਉਣ ਲਈ ਖੜ੍ਹੇ ਕੀਤੇ ਗਏ ਤਿੰਨ ਏਅਰਕ੍ਰਾਫਟ ਦੁਬਾਰਾ ਬੇੜੇ 'ਚ ਸ਼ਾਮਲ ਕਰ ਲਏ ਗਏ। ਇਕ ਪ੍ਰੈੱਸ ਰਿਲੀਜ਼ ਦੇ ਮੁਤਾਬਕ ਜੈੱਟ ਏਅਰਵੇਜ਼ ਗਰੁੱਪ ਹੁਣ 124 ਹਜ਼ਾਰਾਂ ਦਾ ਬੇੜਾ ਸੰਚਾਲਿਤ ਕਰ ਰਿਹਾ ਹੈ।
ਦੇਸ਼ ਵਿਚ ਦਾਲਾਂ ਦੀ ਢੁਕਵੀਂ ਉਪਲੱਬਧਤਾ, ਆਯਾਤ 'ਤੇ ਰੋਕ ਲਗਾਏ ਸਰਕਾਰ : ਸੰਗਠਨ
NEXT STORY 
