ਮੁੰਬਈ - ਦੁਨੀਆ ਭਰ ਦੇ ਬਾਜ਼ਾਰ ਜੋ ਟੈਰਿਫ ਕਾਰਨ ਲਗਾਤਾਰ ਤਿੰਨ ਦਿਨਾਂ ਤੋਂ ਗਿਰਾਵਟ ਦੇਖ ਰਹੇ ਸਨ, ਹੁਣ ਰਿਕਵਰੀ ਦਿਖਾ ਰਹੇ ਹਨ। ਘਰੇਲੂ ਸਟਾਕ ਬਾਜ਼ਾਰਾਂ ਦੀ ਸ਼ੁਰੂਆਤ ਭਾਰੀ ਉਛਾਲ ਨਾਲ ਹੋਈ ਹੈ। ਅੱਜ 8 ਅਪ੍ਰੈਲ ਨੂੰ ਸਟਾਕ ਮਾਰਕੀਟ ਵਿਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਸਮੇਂ ਸੈਂਸੈਕਸ 848.00 ਅੰਕ ਭਾਵ 1.16% ਦੇ ਵਾਧੇ ਨਾਲ 73,985.90 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਸੈਂਸੈਕਸ ਦੇ 28 ਸਟਾਕ ਵਾਧੇ ਨਾਲ ਅਤੇ 2 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ।
ਦੂਜੇ ਪਾਸੇ ਨਿਫਟੀ ਵੀ 277.40 ਅੰਕ ਭਾਵ 1.25% ਦੇ ਵਾਧੇ ਨਾਲ 22,439.00 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਮੈਟਲ ਅਤੇ ਆਟੋ ਸਟਾਕਸ ਵਿੱਚ ਤੇਜ਼ੀ ਨਾਲ ਕਾਰੋਬਾਰ ਹੋ ਰਿਹਾ ਹੈ। ਬੈਂਕ ਨਿਫਟੀ ਵਿੱਚ ਵੀ ਲਗਭਗ 800 ਅੰਕਾਂ ਦਾ ਵਾਧਾ ਦੇਖਣ ਨੂੰ ਮਿਲਿਆ। ਨਿਫਟੀ ਮਿਡਕੈਪ 100 ਵੀ 1000 ਅੰਕਾਂ ਤੋਂ ਵੱਧ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਸੀ।
ਗਲੋਬਲ ਬਾਜ਼ਾਰਾਂ ਦਾ ਹਾਲ
7 ਅਪ੍ਰੈਲ ਨੂੰ, ਅਮਰੀਕੀ ਬਾਜ਼ਾਰ 'ਚ 0.91% ਦੀ ਗਿਰਾਵਟ ਦੇਖਣ ਨੂੰ ਮਿਲੀ। ਯੂਐਸ ਡਾਓ ਜੋਨਸ 349 ਅੰਕ ਭਾਵ 0.91% ਡਿੱਗ ਕੇ 37,965 'ਤੇ ਬੰਦ ਹੋਇਆ। ਐਸ ਐਂਡ ਪੀ 500 ਇੰਡੈਕਸ 0.23% ਡਿੱਗ ਗਿਆ। ਨੈਸਡੈਕ ਕੰਪੋਜ਼ਿਟ 0.09% ਵਧਿਆ।
ਜਾਪਾਨ ਦਾ ਨਿੱਕੇਈ 7.83%, ਕੋਰੀਆ ਦਾ ਕੋਸਪੀ ਇੰਡੈਕਸ 5.57%, ਚੀਨ ਦਾ ਸ਼ੰਘਾਈ ਇੰਡੈਕਸ 7.34% ਡਿੱਗਿਆ। ਹਾਂਗ ਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 13.22% ਡਿੱਗ ਗਿਆ।
ਇਸ ਕਾਰਨ ਬਾਜ਼ਾਰ ਵਿਚ ਹੋਈ ਰਿਕਵਰੀ
ਜਾਪਾਨ ਦਾ ਨਿੱਕੇਈ ਸੂਚਕਾਂਕ ਲਗਭਗ 6% ਦੇ ਵਾਧੇ ਨਾਲ ਕਾਰੋਬਾਰ ਕਰਦਾ ਦੇਖਿਆ ਗਿਆ। ਇਸ ਦੇ ਨਾਲ ਹੀ, ਹਾਂਗ ਕਾਂਗ ਇੰਡੈਕਸ 2% ਵਧਿਆ ਹੈ।
ਐਨਐਸਈ ਇੰਟਰਨੈਸ਼ਨਲ ਐਕਸਚੇਂਜ 'ਤੇ ਵਪਾਰ ਕੀਤਾ ਜਾਣ ਵਾਲਾ ਨਿਫਟੀ ਵੀ 1.5% ਉੱਪਰ ਹੈ। ਇਹ ਬਾਜ਼ਾਰ ਵਿੱਚ ਤੇਜ਼ੀ ਦਾ ਸੰਕੇਤ ਦਿੰਦਾ ਹੈ।
ਨਿਫਟੀ 50 ਅਤੇ ਸੈਂਸੈਕਸ ਦੇ ਚਾਰਟ ਓਵਰਸੋਲਡ RSI ਪੱਧਰ ਦਿਖਾ ਰਹੇ ਹਨ। ਇਸ ਨਾਲ ਸ਼ਾਰਟ-ਕਵਰਿੰਗ ਅਤੇ ਨਵੀਂ ਖਰੀਦਦਾਰੀ ਹੋਣ ਦੀ ਉਮੀਦ ਹੈ।
ਬੀਤੇ ਦਿਨ ਸ਼ੇਅਰ ਬਾਜ਼ਾਰ ਦਾ ਹਾਲ
ਬੀਤੇ ਦਿਨ ਸੈਂਸੈਕਸ 2226 ਅੰਕਾਂ ਅਤੇ ਨਿਫਟੀ 742 ਅੰਕਾਂ ਡਿੱਗੇ। ਭਾਰਤੀ ਸਟਾਕ ਮਾਰਕੀਟ ਵਿੱਚ ਇਹ ਸਾਲ ਦੀ ਦੂਜੀ ਸਭ ਤੋਂ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ। ਸੈਂਸੈਕਸ 2226 ਅੰਕ (2.95%) ਡਿੱਗ ਕੇ 73,137 'ਤੇ ਬੰਦ ਹੋਇਆ। ਨਿਫਟੀ 742 ਅੰਕ (3.24%) ਡਿੱਗ ਕੇ 22,161 'ਤੇ ਬੰਦ ਹੋਇਆ। ਇਸ ਤੋਂ ਪਹਿਲਾਂ 4 ਜੂਨ, 2024 ਨੂੰ, ਬਾਜ਼ਾਰ 5.74% ਡਿੱਗ ਗਿਆ ਸੀ। ਸ਼ੇਅਰ ਬਾਜ਼ਾਰ ਵਿੱਚ ਵਿਕਰੀ ਕਾਰਨ ਨਿਵੇਸ਼ਕਾਂ ਦੀ ਦੌਲਤ ਵਿੱਚ ਲਗਭਗ 15 ਲੱਖ ਕਰੋੜ ਰੁਪਏ ਦੀ ਕਮੀ ਆਈ ਹੈ। ਸ਼ੁੱਕਰਵਾਰ, 4 ਅਪ੍ਰੈਲ ਨੂੰ ਬੀਐਸਈ 'ਤੇ ਸੂਚੀਬੱਧ ਕੰਪਨੀਆਂ ਦਾ ਕੁੱਲ ਮਾਰਕੀਟ ਕੈਪ 404 ਲੱਖ ਕਰੋੜ ਰੁਪਏ ਸੀ, ਜੋ ਸੋਮਵਾਰ ਨੂੰ ਬਾਜ਼ਾਰ ਬੰਦ ਹੋਣ ਤੋਂ ਬਾਅਦ ਲਗਭਗ 389 ਲੱਖ ਕਰੋੜ ਰੁਪਏ ਰਹਿ ਗਿਆ।
ਜੇਕਰ ਤੁਸੀਂ ਵੀ ਘਰ 'ਚ ਰੱਖਦੇ ਹੋ ਕੈਸ਼ ਤਾਂ ਹੋ ਜਾਓ ਸਾਵਧਾਨ! ਇਨਕਮ ਟੈਕਸ ਵਿਭਾਗ ਕਰ ਸਕਦੈ ਕਾਰਵਾਈ
NEXT STORY 
