ਮੁੰਬਈ (ਭਾਸ਼ਾ) – ਈ-ਕਾਮਰਸ ਕੰਪਨੀ ਮਿੰਤਰਾ ਨੇ ਔਰਤਾਂ ਲਈ ਇਤਰਾਜ਼ਯੋਗ ਹੋਣ ਦੀ ਇਕ ਸ਼ਿਕਾਇਤ ਤੋਂ ਬਾਅਦ ਆਪਣਾ ਲੋਗੋ ਬਦਲ ਲਿਆ ਹੈ। ਮੁੰਬਈ ਦੀ ਇਕ ਮਹਿਲਾ ਸਮਾਜਿਕ ਵਰਕਰ ਨੇ ਦੋਸ਼ ਲਾਇਆ ਸੀ ਕਿ ਮਿੰਤਰਾ ਦਾ ਲੋਗੋ ਔਰਤਾਂ ਲਈ ਇਤਰਾਜ਼ਯੋਗ ਹੈ। ਇਸ ਬਾਰੇ ਜਦੋਂ ਮਿੰਤਰਾ ਨਾਲ ਸੰਪਰਕ ਕੀਤਾ ਗਿਆ ਤਾਂ ਕੰਪਨੀ ਨੇ ਵੀ ਇਸ ਦੀ ਪੁਸ਼ਟੀ ਕੀਤੀ।
ਇਹ ਸ਼ਿਕਾਇਤ ਨਾਜ਼ ਪਟੇਲ ਨਾਮ ਦੀ ਇਕ ਬੀਬੀ ਨੇ ਦਰਜ ਕੀਤੀ ਹੈ, ਜੋ ਅਵੇਸਤਾ ਫਾਉਂਡੇਸ਼ਨ ਨਾਮ ਦੀ ਇਕ ਐਨਜੀਓ ਦੀ ਬਾਨੀ ਹੈ। ਉਸਨੇ ਪਿਛਲੇ ਸਾਲ ਦਸੰਬਰ ਵਿਚ ਸ਼ਿਕਾਇਤ ਦਰਜ ਕਰਵਾਈ ਸੀ। ਇਸ ਵਿਚ 'ਲੋਗੋ' ਨੂੰ ਹਟਾਉਣ ਅਤੇ ਕੰਪਨੀ ਵਿਰੁੱਧ ਕਾਰਵਾਈ ਕਰਨ ਦੀ ਮੰਗ ਕੀਤੀ ਗਈ ਹੈ। ਪਟੇਲ ਨੇ ਦੋਸ਼ ਲਗਾਇਆ ਹੈ ਕਿ ਪੁਰਾਣਾ ਲੋਗੋ ਬਿਨਾਂ ਕੱਪਡ਼ਿਆਂ ਦੇ ਜਨਾਨੀ ਵਾਂਗ ਹੈ।
ਇਹ ਵੀ ਪਡ਼੍ਹੋ : ਮੁੰਬਈ 'ਚ ਹੋਇਆ 22000 ਕਰੋੜ ਦਾ ਘਪਲਾ, ED ਨੇ ਓਮਕਾਰ ਗਰੁੱਪ ਦੇ ਚੇਅਰਮੈਨ ਅਤੇ MD ਨੂੰ ਕੀਤਾ ਗ੍ਰਿਫਤਾਰ
ਇਸ ਤੋਂ ਬਾਅਦ ਮੁੰਬਈ ਪੁਲਸ ਦੇ ਸਾਈਬਰ ਕ੍ਰਾਈਮ ਵਿਭਾਗ ਨੇ ਮਾਇਂਤਰਾ ਨੂੰ ਇਕ ਈਮੇਲ ਭੇਜ ਕੇ ਕੰਪਨੀ ਨੂੰ ਸ਼ਿਕਾਇਤ ਬਾਰੇ ਜਾਣਕਾਰੀ ਦਿੱਤੀ। ਸ਼ਿਕਾਇਤ ਦੇ ਜਵਾਬ ਵਿਚ, ਫਲਿੱਪਕਾਰਟ ਦੀ ਮਾਲਕੀ ਵਾਲੀ ਈ-ਕਾਮਰਸ ਕੰਪਨੀ ਨੇ ਕਿਹਾ ਸੀ ਕਿ ਕੰਪਨੀ ਇਕ ਮਹੀਨੇ ਦੇ ਸਮੇਂ ਵਿਚ ਆਪਣਾ ਲੋਗੋ ਬਦਲ ਦੇਵੇਗੀ। ਹਾਲਾਂਕਿ ਕੰਪਨੀ ਨੇ ਅਜੇ ਤੱਕ ਆਪਣਾ ਨਵਾਂ ਲੋਗੋ ਨਹੀਂ ਹਟਾਇਆ ਹੈ, ਪਰ ਇਸ ਨੇ ਪੁਰਾਣੇ ਲੋਗੋ ਨੂੰ ਸਾਰੇ ਪਲੇਟਫਾਰਮਾਂ 'ਤੇ ਬਦਲਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਵੈਬਸਾਈਟ ਅਤੇ ਐਪ ਸਮੇਤ. ਰਿਪੋਰਟਾਂ ਦੇ ਅਨੁਸਾਰ, ਮਾਇਂਤਰਾ ਨੇ ਪੈਕਿੰਗ ਸਮੱਗਰੀ ਲਈ ਨਵੇਂ ਲੋਗੋ ਦੇ ਨਾਲ ਪ੍ਰਿੰਟਿੰਗ ਆਰਡਰ ਵੀ ਜਾਰੀ ਕੀਤੇ ਹਨ.
ਕੰਪਨੀ ਨੇ ਕਿਹਾ ਕਿ ਉਸ ਦੀ ਵੈੱਬਸਾਈਟ, ਐਪ ਅਤੇ ਪੈਕੇਜਿੰਗ ਸਮੱਗਰੀ ਸਾਰੇ ਸਥਾਨਾਂ ’ਤੇ ਲੋਗੋ ਨੂੰ ਬਦਲਿਆ ਜਾ ਰਿਹਾ ਹੈ। ਇਹ ਸ਼ਿਕਾਇਤ ਅਵੇਸਤਾ ਫਾਊਂਡੇਸ਼ਨ ਦੀ ਨਾਜ ਪਟੇਲ ਨੇ ਪਿਛਲੇ ਮਹੀਨੇ ਮੁੰਬਈ ਪੁਲਸ ਦੀ ਸਾਈਬਰ ਸੇਲ ਦੇ ਸਾਹਮਣੇ ਕੀਤੀ ਸੀ। ਪੁਲਸ ਕਮਿਸ਼ਨਰ (ਸਾਈਬਰ ਅਪਰਾਧ) ਰਸ਼ਿਮ ਕਰੰਦੀਕਰ ਨੇ ਕਿਹਾ ਕਿ ਇਕ ਸ਼ਿਕਾਇਤਕਰਤਾ ਨੇ ਇਸ ਮਾਮਲੇ ’ਚ ਸਾਈਬਰ ਅਪਰਾਧ ਪੁਲਸ ਸਟੇਸ਼ਨ ਨਾਲ ਸੰਪਰਕ ਕੀਤਾ ਸੀ।
ਇਹ ਵੀ ਪਡ਼੍ਹੋ : Paytm ਦੇ ਰਿਹੈ ਮੁਫ਼ਤ ਗੈਸ ਸਿਲੰਡਰ ਦਾ Offer, ਜਾਣੋ ਕਿਹੜੇ ਲੋਕਾਂ ਨੂੰ ਮਿਲੇਗਾ ਲਾਭ
ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਸ਼ਿਕਾਇਤ ਤੋਂ ਬਾਅਦ ਮਿੰਤਰਾ ਨਾਲ ਇਕ ਬੈਠਕ ਕੀਤੀ। ਕੰਪਨੀ ਦੇ ਅਧਿਕਾਰੀ ਬੈਠਕ ’ਚ ਆਏ ਅਤੇ ਲੋਗੋ ਬਦਲਣ ਲਈ ਸਹਿਮਤ ਹੋਏ। ਉਨ੍ਹਾਂ ਨੇ ਇਸ ਬਾਰੇ ਇਕ ਈ-ਮੇਲ ਭੇਜਿਆ ਹੈ। ਅਵੇਸਤਾ ਫਾਊਂਡੇਸ਼ਨ ਨੇ ਇਕ ਟਵੀਟ ’ਚ ਕਿਹਾ ਕਿ ਸਾਡੀ ਸੰਸਥਾਪਕ ਨੂੰ ਵਧਾਈ। ਉਨ੍ਹਾਂ ਨੇ ਅਜਿਹਾ ਕੰਮ ਕੀਤਾ ਜੋ ਸਪੱਸ਼ਟ ਰੂਪ ਨਾਲ ਅਸੰਭਵ ਲੱਗ ਰਿਹਾ ਹੈ। ਤੁਹਾਡੇ ਸਮਰਥਨ ਲਈ ਧੰਨਵਾਦ। ਲੱਖਾਂ ਔਰਤਾਂ ਦੀਆਂ ਚਿੰਤਾਵਾਂ ਨੂੰ ਦੂਰ ਕਰਨ ਅਤੇ ਭਾਵਨਾਵਾਂ ਦਾ ਸਨਮਾਨ ਕਰਨ ਲਈ ਮਿੰਤਰਾ ਨੂੰ ਸਲਾਮ।
ਇਹ ਵੀ ਪਡ਼੍ਹੋ : ਅੰਨਾ ਹਜ਼ਾਰੇ 30 ਜਨਵਰੀ ਤੋਂ ਸਰਕਾਰ ਖ਼ਿਲਾਫ਼ ਕਰਨਗੇ ਭੁੱਖ ਹੜਤਾਲ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
‘ਉਤਪਾਦਨ ਲਾਗਤ ਤੋਂ ਘੱਟ ਰੇਟ ’ਤੇ ਆਲੂ ਵੇਚਣ ਨੂੰ ਮਜ਼ਬੂਰ ਕਿਸਾਨ’
NEXT STORY 
