ਨਵੀਂ ਦਿੱਲੀ - ਈ-ਕਾਮਰਸ ਵੈੱਬਸਾਈਟ ਫਲਿੱਪਕਾਰਟ ਦੇ ਕਰੋੜਾਂ ਉਪਭੋਗਤਾਵਾਂ ਲਈ ਖੁਸ਼ਖਬਰੀ ਹੈ। ਫਲਿੱਪਕਾਰਟ ਨੇ ਆਪਣਾ ਯੂਨੀਫਾਈਡ ਪੇਮੈਂਟ ਇੰਟਰਫੇਸ ਯਾਨੀ UPI ਸੇਵਾ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਜ਼ਰੀਏ ਉਪਭੋਗਤਾ QR ਕੋਡ ਦੀ ਮਦਦ ਨਾਲ ਭੁਗਤਾਨ ਕਰਨ, ਬਿਜਲੀ ਦੇ ਬਿੱਲਾਂ ਦਾ ਭੁਗਤਾਨ ਕਰਨ ਅਤੇ ਮੋਬਾਈਲ ਰੀਚਾਰਜ ਵਰਗੀਆਂ ਡਿਜੀਟਲ ਸੇਵਾਵਾਂ ਦੀ ਵਰਤੋਂ ਕਰਨ ਦੇ ਯੋਗ ਹੋਣਗੇ। ਇਸ ਦੇ ਜ਼ਰੀਏ ਕੰਪਨੀ ਪਹਿਲੇ ਆਰਡਰ 'ਤੇ 25 ਰੁਪਏ ਦੀ ਛੋਟ ਵੀ ਦੇ ਰਹੀ ਹੈ। ਪੇਟੀਐਮ ਪੇਮੈਂਟਸ ਬੈਂਕ 'ਤੇ ਸੰਕਟ ਦੇ ਵਿਚਕਾਰ, ਪ੍ਰਮੁੱਖ ਈ-ਕਾਮਰਸ ਪਲੇਟਫਾਰਮ ਨੇ ਡਿਜੀਟਲ ਪੇਮੈਂਟ ਨੂੰ ਬਿਹਤਰ ਬਣਾਉਣ ਲਈ ਆਪਣਾ ਯੂਪੀਆਈ ਹੈਂਡਲ ਪੇਸ਼ ਕੀਤਾ ਹੈ।
ਇਹ ਵੀ ਪੜ੍ਹੋ : Flipkart ਨੇ ਲਾਂਚ ਕੀਤੀ ਆਪਣੀ UPI ਸੇਵਾ, ਇਨ੍ਹਾਂ ਕੰਪਨੀਆਂ ਨਾਲ ਹੋਵੇਗਾ ਸਿੱਧਾ ਮੁਕਾਬਲਾ
ਇਸ UPI ਦੇ ਨਾਲ, ਗਾਹਕ ਹੁਣ Flipkart ਮਾਰਕਿਟਪਲੇਸ ਦੇ ਅੰਦਰ ਅਤੇ ਬਾਹਰ ਔਨਲਾਈਨ ਅਤੇ ਆਫਲਾਈਨ ਲੈਣ-ਦੇਣ ਲਈ ਆਪਣੇ ਖੁਦ ਦੇ UPI ਹੈਂਡਲ ਦੀ ਵਰਤੋਂ ਕਰਨ ਦੇ ਯੋਗ ਹੋਣਗੇ। ਕੰਪਨੀ ਨੇ ਇਸ ਦੇ ਲਈ ਐਕਸਿਸ ਬੈਂਕ ਨਾਲ ਸਾਂਝੇਦਾਰੀ ਕੀਤੀ ਹੈ। ਇਹ ਜਾਣਕਾਰੀ ਕੰਪਨੀ ਦੇ ਚੀਫ ਕਾਰਪੋਰੇਟ ਅਫੇਅਰ ਅਫਸਰ ਰਜਨੀਸ਼ ਕੁਮਾਰ ਨੇ ਦਿੱਤੀ ਹੈ। ਰਜਨੀਸ਼ ਅਨੁਸਾਰ, ਕੰਪਨੀ ਦੇ ਆਪਣੇ ਯੂਪੀਆਈ ਦਾ ਸਿੱਧਾ ਫਾਇਦਾ ਉਸਦੇ 50 ਕਰੋੜ ਰਜਿਸਟਰਡ ਗਾਹਕਾਂ ਅਤੇ 14 ਲੱਖ ਵਿਕਰੇਤਾਵਾਂ ਨੂੰ ਹੋਵੇਗਾ।
ਇਸ ਤਰ੍ਹਾਂ ਐਕਟੀਵੇਟ ਹੋ ਜਾਵੇਗਾ Flipkart UPI
ਸਭ ਤੋਂ ਪਹਿਲਾਂ ਆਪਣੇ ਸਮਾਰਟਫੋਨ 'ਚ ਫਲਿੱਪਕਾਰਟ ਐਪ ਖੋਲ੍ਹੋ।
ਇਸ ਤੋਂ ਬਾਅਦ 'ਸਕੈਨ ਅਤੇ ਪੇਅ' ਵਿਕਲਪ 'ਤੇ ਕਲਿੱਕ ਕਰੋ।
ਇੱਥੇ ਤੁਸੀਂ 'My UPI' ਵਿਕਲਪ ਨੂੰ ਚੁਣੋ।
ਇਸ ਤੋਂ ਬਾਅਦ ਆਪਣੇ ਬੈਂਕ ਦਾ ਨਾਮ ਚੁਣੋ।
ਹੁਣ ਆਪਣੇ ਬੈਂਕ ਵੇਰਵੇ ਦਰਜ ਕਰੋ।
ਹੁਣ ਤੁਹਾਡੇ ਵੇਰਵਿਆਂ ਦੀ ਐਸਐਮਐਸ ਵੈਰੀਫਿਕੇਸ਼ਨ ਹੋਵੇਗੀ।
ਇਸ ਤੋਂ ਬਾਅਦ ਤੁਹਾਡਾ Flipkart UPI ਐਕਟੀਵੇਟ ਹੋ ਜਾਵੇਗਾ।
ਇਹ ਵੀ ਪੜ੍ਹੋ : ਪੁੱਤਰ ਅਨੰਤ ਦੀ ਸਪੀਚ ਸੁਣ ਕੇ ਮੁਕੇਸ਼ ਅੰਬਾਨੀ ਹੋਏ ਭਾਵੁਕ, ਅੱਖਾਂ 'ਚੋਂ ਨਿਕਲੇ ਹੰਝੂ
ਉਪਭੋਗਤਾਵਾਂ ਨੂੰ ਲੈਣ-ਦੇਣ 'ਤੇ ਮਿਲੇਗਾ ਰਿਵਾਰਡ
ਫਲਿੱਪਕਾਰਟ ਦੇ ਮੁੱਖ ਕਾਰਪੋਰੇਟ ਮਾਮਲਿਆਂ ਦੇ ਅਧਿਕਾਰੀ ਰਜਨੀਸ਼ ਕੁਮਨ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X ਰਾਹੀਂ ਕਿਹਾ ਕਿ ਫਲਿੱਪਕਾਰਟ UPI ਹੈਂਡਲ ਦੀ ਸ਼ੁਰੂਆਤ ਡਿਜੀਟਲ ਇੰਡੀਆ ਨੂੰ ਹੁਲਾਰਾ ਦੇਵੇਗੀ। ਇਸ ਨਾਲ ਹੀ, ਦੇਸ਼ ਵਿੱਚ ਚੱਲ ਰਹੇ ਡਿਜੀਟਲ ਪਰਿਵਰਤਨ ਵਿੱਚ ਤੇਜ਼ੀ ਆਵੇਗੀ। ਉਨ੍ਹਾਂ ਨੇ ਦੱਸਿਆ ਕਿ Flipkart UPI 50 ਕਰੋੜ ਤੋਂ ਵੱਧ ਗਾਹਕਾਂ ਲਈ ਉਪਲਬਧ ਹੈ। ਉਪਭੋਗਤਾ ਦੇਸ਼ ਭਰ ਵਿੱਚ ਫਲਿੱਪਕਾਰਟ ਮਾਰਕੀਟਪਲੇਸ ਦੇ ਅੰਦਰ ਅਤੇ ਬਾਹਰ ਔਨਲਾਈਨ ਅਤੇ ਆਫਲਾਈਨ ਲੈਣ-ਦੇਣ ਲਈ ਇਸ ਸੇਵਾ ਦੀ ਵਰਤੋਂ ਕਰ ਸਕਦੇ ਹਨ। ਇਸ ਵਿੱਚ ਸੁਪਰਕੁਆਇਨਸ, ਕੈਸ਼ਬੈਕ ਵਰਗੇ ਸਾਰੇ ਫੀਚਰਸ ਸ਼ਾਮਲ ਹਨ। ਐਕਸਿਸ ਬੈਂਕ ਅਧਾਰਿਤ ਇਹ ਸੇਵਾ ਡਿਜੀਟਲ ਪੇਮੈਂਟ ਵਿਚ ਕਾਫ਼ੀ ਕੁਝ ਨਵਾਂ ਲੈ ਕੇ ਆਇਆ ਹੈ।
ਇਸ ਦੇ ਨਾਲ ਇਹ ਪੇਟੀਐਮ, ਫੋਨਪੇ, ਗੂਗਲ ਅਤੇ ਐਮਾਜ਼ਾਨ ਪੇ ਵਰਗੇ ਹੋਰ ਥਰਡ ਪਾਰਟੀ UPI ਐਪਸ 'ਤੇ ਨਿਰਭਰਤਾ ਨੂੰ ਘਟਾਏਗਾ। ਤੁਸੀਂ ਇਸਨੂੰ ਰੁਪੇ ਕ੍ਰੈਡਿਟ ਕਾਰਡ ਨਾਲ ਵੀ ਲਿੰਕ ਕਰ ਸਕੋਗੇ। ਹਾਲ ਹੀ 'ਚ ਫੂਡ ਐਗਰੀਗੇਟਰ Zomato ਨੇ ਵੀ ਆਪਣੀ UPI ਸੇਵਾ ਲਾਂਚ ਕੀਤੀ ਹੈ। ਇਸ ਤੋਂ ਇਲਾਵਾ ਟਾਟਾ ਨਿਊ, ਮੇਕ ਮਾਈ ਟ੍ਰਿਪ ਅਤੇ ਵਟਸਐਪ ਦੀਆਂ ਵੀ ਆਪਣੀਆਂ ਯੂਪੀਆਈ ਸੇਵਾਵਾਂ ਹਨ।
ਫਲਿੱਪਕਾਰਟ ਨੇ 2016 ਵਿੱਚ ਖਰੀਦਿਆ ਸੀ PhonePe
2016 ਵਿੱਚ, ਫਲਿੱਪਕਾਰਟ ਨੇ ਭੁਗਤਾਨ ਸੇਵਾ ਪ੍ਰਦਾਨ ਕਰਨ ਵਾਲੀ ਐਪ PhonePe ਨੂੰ ਖਰੀਦਿਆ ਸੀ। ਫਲਿੱਪਕਾਰਟ ਦੀ ਮਲਕੀਅਤ ਦੇ ਤਹਿਤ, PhonePe ਭਾਰਤ ਦੀ ਪ੍ਰਸਿੱਧ UPI ਭੁਗਤਾਨ ਐਪ ਵਜੋਂ ਉਭਰਿਆ ਸੀ। ਹਾਲਾਂਕਿ 2022 ਵਿਚ ਦੋਵੇਂ ਕੰਪਨੀਆਂ ਵੱਖ ਹੋ ਗਈਆਂ ਸਨ।
ਫਰਵਰੀ ਵਿੱਚ 1,210 ਕਰੋੜ UPI ਲੈਣ-ਦੇਣ
ਫਰਵਰੀ 'ਚ 1,210 ਕਰੋੜ UPI ਲੈਣ-ਦੇਣ ਹੋਏ, ਜਿਨ੍ਹਾਂ ਰਾਹੀਂ 18.30 ਲੱਖ ਕਰੋੜ ਰੁਪਏ ਦੀ ਰਕਮ ਟ੍ਰਾਂਸਫਰ ਕੀਤੀ ਗਈ। ਪਿਛਲੇ ਸਾਲ ਫਰਵਰੀ ਦੇ ਮੁਕਾਬਲੇ 61% ਦਾ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਜਨਵਰੀ 'ਚ UPI ਰਾਹੀਂ 1,220 ਕਰੋੜ ਲੈਣ-ਦੇਣ ਕੀਤੇ ਗਏ। ਇਸ 'ਚ 18.41 ਲੱਖ ਕਰੋੜ ਰੁਪਏ ਦੀ ਰਕਮ ਟਰਾਂਸਫਰ ਕੀਤੀ ਗਈ।
ਇਹ ਵੀ ਪੜ੍ਹੋ : ਦਲਜੀਤ ਦੋਸਾਂਝ ਨੇ ਲਾਈਆਂ ਅਨੰਤ-ਰਾਧਿਕਾ ਦੇ ਪ੍ਰੀ-ਵੈਡਿੰਗ ਸਮਾਰੋਹ 'ਚ ਰੌਣਕਾਂ, ਦੇਖੋ ਵਾਇਰਲ ਵੀਡੀਓ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Today Gold Silver Price: ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਹੋਇਆ ਬਦਲਾਅ, ਜਾਣੋ 10 ਗ੍ਰਾਮ ਸੋਨੇ ਦਾ ਰੇਟ
NEXT STORY 
