ਨਵੀਂ ਦਿੱਲੀ (ਭਾਸ਼ਾ) - ਕ੍ਰੈਡਿਟ ਸੇਟਰ ਮੂਡੀਜ਼ ਇਨਵੈਸਟਰਸ ਸਰਵਿਸ ਨੇ ਵੀਰਵਾਰ ਨੂੰ 2022 ਲਈ ਭਾਰਤ ਦੀ ਆਰਥਿਕ ਵਿਕਾਸ ਦਰ ਦੇ ਅਨੁਮਾਨ ਨੂੰ ਘਟਾ ਕੇ 7.7 ਫੀਸਦੀ ਕਰ ਦਿੱਤਾ ਅਤੇ ਕਿਹਾ ਕਿ ਵਧਦੀ ਵਿਆਜ ਦਰਾਂ, ਅਸਮਾਨ ਮਾਨਸੂਨ ਅਤੇ ਆਲਮੀ ਵਿਕਾਸ ਦੀ ਰਫ਼ਤਾਰ ਹੌਲੀ-ਹੌਲੀ ਆਰਥਿਕ ਵਿਕਾਸ ਨੂੰ ਤੇਜ਼ ਕਰੇਗੀ। ਇਸ ਤੋਂ ਪਹਿਲਾਂ ਮਈ 'ਚ ਮੂਡੀਜ਼ ਨੇ 2022 ਲਈ ਭਾਰਤ ਦੀ ਆਰਥਿਕ ਵਿਕਾਸ ਦਰ 8.8 ਫੀਸਦੀ ਰਹਿਣ ਦਾ ਅਨੁਮਾਨ ਲਗਾਇਆ ਸੀ।
ਇਹ ਵੀ ਪੜ੍ਹੋ : ਇਸ ਬੈਂਕ ਨੇ ਚਾਰ ਮਹੀਨਿਆਂ 'ਚ ਚੌਥੀ ਵਾਰ ਮਹਿੰਗਾ ਕੀਤਾ ਕਰਜ਼ਾ, ਹੋਰ ਬੈਂਕਾਂ ਨੇ ਵੀ MCLR 'ਚ ਕੀਤਾ ਵਾਧਾ
2021 ’ਚ ਅਰਥਵਿਵਸਥਾ 8.3 ਫੀਸਦੀ ਦੀ ਦਰ ਨਾਲ ਵਧੀ ਸੀ, ਇਸ ਤੋਂ ਪਹਿਲਾਂ 2020 ’ਚ ਕੋਰੋਨਾ ਵਾਇਰਸ ਕਾਰਨ ਇਹ 6.7 ਫੀਸਦੀ ਰਹੀ ਸੀ। ਸਾਲ 2022-23 ਲਈ ਮੈਕਰੋ-ਗਲੋਬਲ ਆਊਟਲੁੱਕ ਨੂੰ ਅਪਡੇਟ ਕਰਦੇ ਹੋਏ ਮੂਡੀਜ਼ ਨੇ ਕਿਹਾ ਕਿ ਭਾਰਤ ਦਾ ਕੇਂਦਰੀ ਬੈਂਕ ਇਸ ਸਾਲ ਸਖਤ ਰੁਖ ਕਾਇਮ ਰੱਖ ਸਕਦਾ ਹੈ ਅਤੇ ਘਰੇਲੂ ਮਹਿੰਗਾਈ ਦੇ ਦਬਾਅ ਨੂੰ ਵਧਣ ਤੋਂ ਬਚਣ ਲਈ ਸਖ਼ਤ ਨੀਤੀਗਤ ਰੁਖ ਅਪਣਾ ਸਕਦਾ ਹੈ। ਮੂਡੀਜ਼ ਨੇ ਕਿਹਾ ਕਿ ਸਾਡਾ ਅਨੁਮਾਨ ਹੈ ਕਿ ਭਾਰਤ ਦਾ ਅਸਲ ਜੀ. ਜੀ. ਪੀ. ਵਾਧਾ 2021 ਦੇ 8.3 ਫੀਸਦੀ ਤੋਂ ਘਟ ਕੇ 2022 ’ਚ 7.7 ਫੀਸਦੀ ਰਹਿ ਸਕਦੀ ਹੈ ਅਤੇ ਵਿਆਜ ਦਰਾਂ ’ਚ ਵਾਧਾ, ਅਸਮਾਨ ਮਾਨਸੂਨ ਅਤੇ ਗਲੋਬਲ ਵਾਧੇ ਦੀ ਰਫਤਾਰ ਘੱਟ ਹੋਣ ਕਾਰਨ ਆਰਥਿਕ ਰਫਤਾਰ ਕ੍ਰਮਵਾਰ ਆਧਾਰ ’ਤੇ ਘੱਟ ਹੋਣ ਨਾਲ 2023 ’ਚ ਇਹ ਹੋਰ ਵੀ ਘੱਟ 5.2 ਫੀਸਦੀ ਰਹਿ ਸਕਦੀ ਹੈ।
ਇਹ ਵੀ ਪੜ੍ਹੋ : ਹਵਾਈ ਸਫ਼ਰ ਦਰਮਿਆਨ ਆਪਣਾ ਸਮਾਨ ਵਾਪਸ ਲੈਣ ਲਈ ਯਾਤਰੀਆਂ ਨੂੰ ਹੋਣਾ ਪੈਂਦੈ ਖੱਜਲ-ਖ਼ੁਆਰ
ਮੂਡੀਜ਼ ਨੇ ਕਿਹਾ ਕਿ ਸਰਵੇਖਣ ਦੇ ਅੰਕੜਿਆਂ ਜਿਵੇਂ ਕਿ ਪੀ.ਐੱਮ.ਆਈ., ਸਮਰੱਥਾ ਉਪਯੋਗਤਾ, ਗਤੀਸ਼ੀਲਤਾ, ਟੈਕਸ ਫਾਈਲਿੰਗ ਅਤੇ ਸੰਗ੍ਰਹਿ, ਕਾਰੋਬਾਰਾਂ ਦੀ ਆਮਦਨ ਅਤੇ ਕ੍ਰੈਡਿਟ ਸੂਚਕਾਂ ਨੂੰ ਦੇਖਦੇ ਹੋਏ ਕਿਹਾ ਜਾ ਸਕਦਾ ਹੈ ਕਿ ਸੇਵਾਵਾਂ ਅਤੇ ਨਿਰਮਾਣ ਖੇਤਰਾਂ ਵਿੱਚ ਆਰਥਿਕ ਗਤੀਵਿਧੀ ਵਿੱਚ ਤੇਜ਼ੀ ਆਈ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਕੇਂਦਰੀ ਬੈਂਕ ਆਰਬੀਆਈ ਲਈ ਮਹਿੰਗਾਈ ਇਕ ਚੁਣੌਤੀ ਬਣੀ ਹੋਈ ਹੈ ਅਤੇ ਇਸ ਨੂੰ ਵਿਕਾਸ ਅਤੇ ਮਹਿੰਗਾਈ ਵਿਚਕਾਰ ਸੰਤੁਲਨ ਬਣਾਉਣਾ ਹੋਵੇਗਾ ਅਤੇ ਦਰਾਮਦ ਵਸਤਾਂ 'ਤੇ ਮਹਿੰਗਾਈ ਦੇ ਪ੍ਰਭਾਵ ਨੂੰ ਵੀ ਦੇਖਣਾ ਹੋਵੇਗਾ। ਮੂਡੀਜ਼ ਨੇ ਕਿਹਾ, "ਕੇਂਦਰੀ ਬੈਂਕ ਇਸ ਸਾਲ ਹਮਲਾਵਰ ਰੁਖ ਕਾਇਮ ਰੱਖ ਸਕਦਾ ਹੈ ਅਤੇ ਘਰੇਲੂ ਮਹਿੰਗਾਈ ਦੇ ਦਬਾਅ ਵਿੱਚ ਹੋਰ ਵਾਧੇ ਤੋਂ ਬਚਣ ਲਈ 2023 ਵਿੱਚ ਸਖ਼ਤ ਨੀਤੀਗਤ ਰੁਖ ਅਪਣਾ ਸਕਦਾ ਹੈ।"
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਉਮੀਦ ਨਾਲੋਂ ਵੀ ਘੱਟ ਰਹੀ ਵਿਕਾਸ ਦਰ
NEXT STORY 
