ਇਸਤਾਂਬੁਲ (ਵੀਡੀਓ) - ਤੁਰਕੀ ਦੇ ਰਾਸ਼ਟਰਪਤੀ ਰਜਬ ਤੈਯਬ ਏਰਦੋਗਨ ਨੇ ਨਿਊਯਾਰਕ ਵਿੱਚ ਇਲੈਕਟ੍ਰਿਕ ਕਾਰ ਨਿਰਮਾਤਾ ਕੰਪਨੀ ਟੇਸਲਾ ਦੇ ਮੁਖੀ ਐਲੋਨ ਮਸਕ ਨਾਲ ਮੁਲਾਕਾਤ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ ਤੁਰਕੀ ਵਿੱਚ ਇੱਕ ਫੈਕਟਰੀ ਸਥਾਪਤ ਕਰਨ ਬਾਰੇ ਵਿਚਾਰ-ਚਰਚਾ ਕੀਤੀ। ਏਰਦੋਗਨ ਸੰਯੁਕਤ ਰਾਸ਼ਟਰ ਮਹਾਸਭਾ 'ਚ ਸ਼ਾਮਲ ਹੋਣ ਲਈ ਅਮਰੀਕਾ 'ਚ ਹਨ। ਤੁਰਕੀ ਦੇ ਰਾਸ਼ਟਰਪਤੀ ਦਫ਼ਤਰ ਵੱਲੋਂ ਜਾਰੀ ਕੀਤੇ ਗਏ ਬਿਆਨ ਮੁਤਾਬਕ ਮਸਕ ਦੀ ਪੁਲਾੜ ਖੋਜ ਕੰਪਨੀ ਸਪੇਸਐਕਸ ਅਤੇ ਤੁਰਕੀ ਦੇ ਪੁਲਾੜ ਪ੍ਰੋਗਰਾਮ ਵਿਚਾਲੇ ਸੰਭਾਵਿਤ ਸਹਿਯੋਗ 'ਤੇ ਵੀ ਚਰਚਾ ਕੀਤੀ ਗਈ।
ਬਿਆਨ ਅਨੁਸਾਰ ਏਰਦੋਗਨ ਨੇ ਮਸਕ ਨੂੰ ਕਿਹਾ ਕਿ ਤੁਰਕੀ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਅਤੇ ਸਪੇਸਐਕਸ ਦੀ ਸੈਟੇਲਾਈਟ ਇੰਟਰਨੈਟ ਸੇਵਾ ਸਟਾਰਲਿੰਕ 'ਤੇ ਸਹਿਯੋਗ ਦਾ ਸਵਾਗਤ ਕਰੇਗਾ। ਮਸਕ ਨੇ ਕਿਹਾ ਕਿ ਸਪੇਸਐਕਸ ਤੁਰਕੀ ਵਿੱਚ ਸਟਾਰਲਿੰਕ ਦੀ ਪੇਸ਼ਕਸ਼ ਕਰਨ ਲਈ ਜ਼ਰੂਰੀ ਲਾਇਸੈਂਸ ਪ੍ਰਾਪਤ ਕਰਨਾ ਚਾਹੁੰਦਾ ਹੈ। ਮੀਟਿੰਗ ਵਿੱਚ ਸ਼ਾਮਲ ਹੋਏ ਤੁਰਕੀ ਦੇ ਉਦਯੋਗ ਅਤੇ ਤਕਨਾਲੋਜੀ ਮੰਤਰੀ ਮਹਿਮੇਤ ਫਤਿਹ ਕਾਸਿਰ ਨੇ ਕਿਹਾ ਕਿ ਮਸਕ ਨੇ ਤੁਰਕੀ ਨੂੰ "ਟੈਸਲਾ ਨਿਵੇਸ਼ ਲਈ ਸਭ ਤੋਂ ਮਹੱਤਵਪੂਰਨ ਉਮੀਦਵਾਰਾਂ ਵਿੱਚੋਂ ਇੱਕ" ਕਿਹਾ। ਉਨ੍ਹਾਂ ਕਿਹਾ ਕਿ ਏਰਦੋਗਨ ਅਤੇ ਮਸਕ ਨੇ ਤੁਰਕੀ ਦੇ ਹਥਿਆਰਬੰਦ ਏਰੀਅਲ ਡਰੋਨ ਪ੍ਰੋਗਰਾਮ 'ਤੇ ਵੀ ਚਰਚਾ ਕੀਤੀ।
ਸਾਲ 2023 ਦੀ ਪਹਿਲੀ ਛਿਮਾਹੀ 'ਚ ਡਿਊਟੀ ਦੌਰਾਨ ਨਸ਼ੇ 'ਚ ਮਿਲੇ 33 ਪਾਇਲਟ ਤੇ 97 ਕੈਬਿਨ ਕਰੂ ਮੈਂਬਰ
NEXT STORY 
