ਬਿਜ਼ਨੈੱਸ ਡੈਸਕ- ਏਲਨ ਮਸਕ ਜਦੋਂ ਤੋਂ ਟਵਿੱਟਰ ਦੇ ਮਾਲਕ ਬਣੇ ਹਨ ਉਦੋਂ ਤੋਂ ਟਵਿੱਟਰ 'ਚ ਤਰ੍ਹਾਂ-ਤਰ੍ਹਾਂ ਦੇ ਬਦਲਾਅ ਹੋ ਰਹੇ ਹਨ। ਤਾਜ਼ਾ ਮਾਮਲਾ ਇਹ ਹੈ ਕਿ ਹੁਣ ਟਵਿੱਟਰ 'ਤੇ ਲਿਖੇ ਜਾਣ ਵਾਲੇ ਸ਼ਬਦਾਂ ਦੀ ਲਿਮਿਟ ਵਧਾ ਦਿੱਤੀ ਗਈ ਹੈ। ਇਸ ਗੱਲ ਦੀ ਪੁਸ਼ਟੀ ਖੁਦ ਟਵਿੱਟਰ ਦੇ ਸੀ.ਈ.ਓ ਏਲਨ ਮਸਕ ਨੇ ਕੀਤੀ ਹੈ। ਉਨ੍ਹਾਂ ਨੇ ਇਕ ਯੂਜ਼ਰ ਵਲੋਂ ਪੁੱਛੇ ਗਏ ਸਵਾਲ ਦੇ ਜਵਾਬ 'ਚ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਮਾਈਕ੍ਰੋ-ਬਲੌਗਿੰਗ ਪਲੇਟਫਾਰਮ ਟਵਿੱਟਰ ਇੱਕ ਟਵੀਟ ਲਈ ਸ਼ਬਦ ਸੀਮਾ 280 ਤੋਂ ਵਧਾ ਕੇ 4,000 ਕਰਨ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ-11 ਮਹੀਨਿਆਂ ਬਾਅਦ RBI ਦੇ ਕੰਟਰੋਲ ’ਚ ਮਹਿੰਗਾਈ, ਨਵੰਬਰ ’ਚ ਪ੍ਰਚੂਨ ਮਹਿੰਗਾਈ ਦਰ ਘਟ ਕੇ 5.88 ਫੀਸਦੀ
ਇਹ ਸਭ ਉਦੋਂ ਸ਼ੁਰੂ ਹੋਇਆ ਜਦੋਂ ਇੱਕ ਉਪਭੋਗਤਾ ਨੇ ਮਸਕ ਨੂੰ ਪੁੱਛਿਆ, "ਏਲਨ, ਕੀ ਇਹ ਸੱਚ ਹੈ ਕਿ ਟਵਿੱਟਰ 280 ਤੋਂ 4000 ਅੱਖਰਾਂ ਤੱਕ ਵਧਾਉਣ ਲਈ ਤਿਆਰ ਹੈ?" ਇਸ 'ਤੇ ਟਵਿਟਰ ਦੇ ਮਾਲਕ ਨੇ 'ਹਾਂ' 'ਚ ਜਵਾਬ ਦਿੱਤਾ। ਇਸ ਤੋਂ ਬਾਅਦ ਲੋਕਾਂ ਨੇ ਇਸ ਟਵੀਟ ਦੇ ਹੇਠਾਂ ਆਪਣੇ ਵੱਖ-ਵੱਖ ਵਿਚਾਰ ਰੱਖੇ। ਇੱਕ ਯੂਜ਼ਰ ਨੇ ਟਿੱਪਣੀ ਕੀਤੀ, "ਇਹ ਇੱਕ ਵੱਡੀ ਗਲਤੀ ਹੋਵੇਗੀ। ਟਵਿੱਟਰ ਦਾ ਮਕਸਦ ਤੇਜ਼ ਖ਼ਬਰਾਂ ਦੇਣਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਬਹੁਤ ਸਾਰੀ ਅਸਲ ਜਾਣਕਾਰੀ ਖਤਮ ਹੋ ਜਾਂਦੀ ਹੈ। ਦੂਜੇ ਨੇ ਇੱਕ ਹੋਰ ਟਵੀਟ 'ਚ ਕਿਹਾ, 4000? ਇਹ ਇੱਕ ਲੇਖ ਹੈ, ਟਵੀਟ ਨਹੀਂ।
ਇਹ ਵੀ ਪੜ੍ਹੋ-ਡਾਲਮੀਆ ਭਾਰਤ ਖਰੀਦੇਗੀ JP ਗਰੁੱਪ ਦੇ ਸੀਮੈਂਟ ਅਸੈਟਸ, 5666 ਕਰੋੜ ਰੁਪਏ ਹੈ ਐਂਟਰਪ੍ਰਾਈਜ ਵੈਲਿਊ
ਦੂਜੇ ਪਾਸੇ ਟਵਿੱਟਰ ਨੇ ਐਤਵਾਰ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਸਾਰੇ ਉਪਭੋਗਤਾਵਾਂ ਲਈ 'ਕਮਿਊਨਿਟੀ ਨੋਟਸ' ਰੋਲਆਊਟ ਕਰਨਾ ਸ਼ੁਰੂ ਕਰ ਦਿੱਤਾ। ਕੰਪਨੀ ਦੇ ਅਨੁਸਾਰ, "ਕਮਿਊਨਿਟੀ ਨੋਟਸ ਦਾ ਉਦੇਸ਼ ਟਵਿੱਟਰ 'ਤੇ ਲੋਕਾਂ ਨੂੰ ਗੁੰਮਰਾਹਕੁੰਨ ਟਵੀਟਸ ਦੇ ਸੰਦਰਭ ਨੂੰ ਸਹਿਯੋਗੀ ਤੌਰ 'ਤੇ ਜੋੜਨ ਲਈ ਤਾਕਤਵਰ ਬਣਾ ਕੇ ਇੱਕ ਬਿਹਤਰ ਦੁਨੀਆ ਬਣਾਉਣਾ ਹੈ।"
ਨੋਟ-ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦਿਓ।
ਦੇਸ਼ ਨੂੰ ਇਕ ਤੋਂ ਜ਼ਿਆਦਾ ਈਂਧਨ ਨਾਲ ਚੱਲਣ ਵਾਲੇ ਵਾਹਨਾਂ ਨੂੰ ਵਾਧਾ ਦੇਣ ਦੀ ਲੋੜ : ਨਿਤਿਨ ਗਡਕਰੀ
NEXT STORY 
