ਨਵੀਂ ਦਿੱਲੀ- ਜਨਤਕ ਖੇਤਰ ਦੀ ਦੂਜੀ ਸਭ ਤੋਂ ਵੱਡੀ ਤੇਲ ਤੇ ਗੈਸ ਉਤਪਾਦਨ ਕੰਪਨੀ ਆਇਲ ਇੰਡੀਆ ਲਿਮਿਟਡ ਨੂੰ ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਅਪ੍ਰੈਲ-ਜੂਨ ਦੀ ਤਿਮਾਹੀ ਵਿਚ ਸ਼ੁੱਧ ਘਾਟਾ ਹੋਇਆ ਹੈ। ਕੱਚੇ ਤੇਲ ਦੀਆਂ ਕੀਮਤਾਂ ਉਤਪਾਦਨ ਲਾਗਤ ਤੋਂ ਹੇਠਾਂ ਜਾਣ ਕਾਰਨ ਕੰਪਨੀ ਨੂੰ ਘਾਟਾ ਚੁੱਕਣਾ ਪਿਆ ਹੈ।
ਕੰਪਨੀ ਦੇ ਇਤਿਹਾਸ ਵਿਚ ਇਹ ਦੂਜਾ ਮੌਕਾ ਹੈ ਜਦਕਿ ਉਸ ਨੂੰ ਤਿਮਾਹੀ ਦੌਰਾਨ ਘਾਟਾ ਹੋਇਆ ਹੈ। ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਤਿਮਾਹੀ ਵਿਚ ਆਇਲ ਇੰਡੀਆ ਨੂੰ 248.61 ਕਰੋੜ ਰੁਪਏ ਦਾ ਸ਼ੁੱਧ ਘਾਟਾ ਹੋਇਆ ਹੈ। ਇਸ ਤੋਂ ਪਹਿਲਾਂ ਵਿੱਤੀ ਸਾਲ ਦੀ ਸਮਾਨ ਤਿਮਾਹੀ ਵਿਚ ਕੰਪਨੀ ਨੇ 624.80 ਕਰੋੜ ਰੁਪਏ ਦਾ ਸ਼ੁੱਧ ਲਾਭ ਕਮਾਇਆ ਸੀ। ਆਇਲ ਇੰਡੀਆ ਦੇ ਨਿਰਦੇਸ਼ਕ ਹਿੱਤ ਹਰੀਸ਼ ਮਾਧਵ ਨੇ ਕਿਹਾ ਕਿ ਆਇਲ ਇੰਡੀਆ ਦੇ ਇਤਿਹਾਸ ਵਿਚ ਇਹ ਦੂਜਾ ਤਿਮਾਹੀ ਘਾਟਾ ਹੈ। ਇਸ ਤੋਂ ਪਹਿਲਾਂ 2018-19 ਵਿਚ ਕੰਪਨੀ ਨੂੰ ਤਿਮਾਹੀ ਘਾਟਾ ਹੋਇਆ ਸੀ।
ਉਨ੍ਹਾਂ ਨੇ ਕਿਹਾ ਕਿ ਇਸ ਦਾ ਮੁੱਖ ਕਾਰਨ ਕੀਮਤਾਂ ਵਿਚ ਗਿਰਾਵਟ ਹੈ। ਇਸ ਦੌਰਾਨ ਕੰਪਨੀ ਨੂੰ ਹਰ ਬੈਰਲ ਤੇਲ ਦੇ ਉਤਪਾਦਨ 'ਤੇ 66.33 ਡਾਲਰ ਪ੍ਰਾਪਤ ਹੋਏ ਸਨ। ਮਾਧਵ ਨੇ ਕਿਹਾ ਕਿ ਸਾਡੇ ਉਤਪਾਦਨ ਦੀ ਲਾਗਤ 32-33 ਡਾਲਰ ਪ੍ਰਤੀ ਬੈਰਲ ਬੈਠਦੀ ਹੈ। ਕੱਚੇ ਤੇਲ ਦੀਆਂ ਕੀਮਤਾਂ ਵਿਚ ਗਿਰਾਵਟ ਪਹਿਲੀ ਵਾਰ ਤਿਮਾਹੀ ਵਿਚ ਘਾਟੇ ਦਾ ਮੁੱਖ ਕਾਰਨ ਹਨ।
ਆਇਲ ਇੰਡੀਆ ਨੇ ਅਪ੍ਰੈਲ-ਜੂਨ ਦੀ ਤਿਮਾਹੀ ਵਿਚ 7.5 ਲੱਖ ਟਨ ਕੱਚੇ ਤੇਲ ਦਾ ਉਤਪਾਦਨ ਕੀਤਾ। ਇਕ ਸਾਲ ਪਹਿਲਾਂ ਸਮਾਨ ਤਿਮਾਹੀ ਵਿਚ ਕੰਪਨੀ ਦਾ ਕੱਚੇ ਤੇਲ ਦਾ ਉਤਪਾਦਨ 8.1 ਲੱਖ ਟਨ ਰਿਹਾ ਸੀ। ਇਸ ਤਰ੍ਹਾਂ ਕੰਪਨੀ ਦਾ ਕੁਦਰਤੀ ਗੈਸ ਦਾ ਉਤਪਾਦਨ ਵੀ ਮਾਮੂਲੀ ਘੱਟ ਕੇ 68 ਕਰੋੜ ਘਣਮੀਟਰ ਰਹਿ ਗਿਆ, ਜੋ 2019-20 ਦੀ ਪਹਿਲੀ ਤਿਮਾਹੀ ਵਿਚ 71 ਕਰੋੜ ਘਣਮੀਟਰ ਰਿਹਾ ਸੀ। ਮਾਧਵ ਨੇ ਦੱਸਿਆ ਕਿ ਪਹਿਲੀ ਤਿਮਾਹੀ ਵਿਚ ਕੁਦਰਤੀ ਗੈਸ ਦਾ ਉਤਪਾਦਨ ਘੱਟ ਕੇ 2.39 ਡਾਲਰ ਪ੍ਰਤੀ ਇਕਾਈ ਜਾਂ ਐੱਮ. ਐੱਮ. ਬੀ. ਟੀ. ਯੂ. ਰਹਿ ਗਿਆ, ਜੋ ਪਹਿਲਾਂ 3.23 ਡਾਲਰ ਪ੍ਰਤੀ ਇਕਾਈ ਰਹੀ ਸੀ। ਆਇਲ ਇੰਡੀਆ ਦੀ ਗੈਸ ਦੇ ਉਤਪਾਦਨ ਦੀ ਲਾਗਤ 2.3 ਡਾਲਰ ਪ੍ਰਤੀ ਇਕਾਈ ਰਿਹਾ। ਮਾਧਵ ਨੇ ਕਿਹਾ ਕਿ ਗੈਸ ਦੇ ਉਤਪਾਦਨ 'ਤੇ ਪ੍ਰਾਪਤੀ ਠੀਕ ਰਹੀ ਪਰ ਤੇਲ ਦੇ ਉਤਪਾਦਨ 'ਤੇ ਪ੍ਰਾਪਤੀ ਘਟਣ ਦਾ ਕਾਰਨ ਕੰਪਨੀ ਨੂੰ ਨੁਕਸਾਨ ਹੋਇਆ।
ਕਰਜ਼ੇ ਦੇ ਜਾਲ 'ਚ ਚੀਨ ਦਾ ਨਵਾਂ ਸ਼ਿਕਾਰ, ਕੋਰੋਨਾ ਆਫ਼ਤ ਦਰਮਿਆਨ ਕੀਤੀ ਇਹ ਮੰਗ
NEXT STORY 
