ਬਿਜ਼ਨੈੱਸ ਡੈਸਕ : ਸਾਊਦੀ ਅਰਬ ਪੈਟਰੋਲੀਅਮ ਨਿਰਯਾਤ ਕਰਨ ਵਾਲੇ ਦੇਸ਼ਾਂ ਦੇ ਸੰਗਠਨ (ਓਪੇਕ) ਦੇ ਹੋਰ ਮੈਂਬਰਾਂ ਦੇ ਨਾਲ ਮਈ ਤੋਂ 2023 ਦੇ ਅੰਤ ਤੱਕ ਆਪਣੀ ਇੱਛਾ ਨਾਲ ਤੇਲ ਉਤਪਾਦਨ 5 ਲੱਖ ਬੈਰਲ ਪ੍ਰਤੀ ਦਿਨ ਘਟਾ ਦੇਵੇਗਾ। ਸਾਊਦੀ ਅਰਬ ਦੇ ਨਾਲ-ਨਾਲ ਰੂਸ, ਕੁਵੈਤ, ਈਰਾਨ ਵਰਗੇ ਹੋਰ ਤੇਲ ਉਤਪਾਦਕ ਦੇਸ਼ਾਂ ਨੇ ਵੀ ਇਸ ਦਾ ਸਮਰਥਨ ਕੀਤਾ ਹੈ।
ਇਹ ਵੀ ਪੜ੍ਹੋ : ਟਵਿੱਟਰ ਦੀ ਵੱਡੀ ਕਾਰਵਾਈ, ਨਿਊਯਾਰਕ ਟਾਈਮਜ਼ ਦੇ ਅਕਾਊਂਟ ਤੋਂ ਹਟਾਇਆ 'ਬਲੂ ਟਿੱਕ'
ਜਾਣਕਾਰੀ ਮੁਤਾਬਕ ਰੂਸ ਦੇ ਉਪ ਪ੍ਰਧਾਨ ਮੰਤਰੀ ਨੇ ਇਹ ਵੀ ਕਿਹਾ ਕਿ ਮਾਸਕੋ 2023 ਦੇ ਅੰਤ ਤੱਕ 5 ਲੱਖ bpd ਦੀ ਸਵੈ-ਇੱਛਤ ਕਟੌਤੀ ਨੂੰ ਵਧਾਏਗਾ। ਇਨ੍ਹਾਂ ਦੋਵਾਂ ਦੇਸ਼ਾਂ ਦੇ ਨਾਲ ਸੰਯੁਕਤ ਅਰਬ ਅਮੀਰਾਤ, ਕੁਵੈਤ, ਇਰਾਕ, ਓਮਾਨ ਤੇ ਅਲਜੀਰੀਆ ਨੇ ਵੀ ਕਿਹਾ ਕਿ ਉਹ ਉਸੇ ਸਮੇਂ ਦੌਰਾਨ ਸਵੈ-ਇੱਛਤ ਤੌਰ 'ਤੇ ਆਪਣੇ ਤੇਲ ਦੇ ਉਤਪਾਦਨ ਵਿੱਚ ਕਟੌਤੀ ਕਰਨਗੇ। ਯੂਏਈ ਨੇ ਕਿਹਾ ਕਿ ਉਹ ਉਤਪਾਦਨ ਵਿੱਚ 1,44,000 bpd ਦੀ ਕਟੌਤੀ ਕਰੇਗਾ। ਉਥੇ ਕੁਵੈਤ ਨੇ 1,28,000 bpd ਦੀ ਕਟੌਤੀ ਦਾ ਐਲਾਨ ਕੀਤਾ ਹੈ। ਇਸੇ ਤਰ੍ਹਾਂ ਇਰਾਕ ਨੇ ਕਿਹਾ ਕਿ ਉਹ ਉਤਪਾਦਨ ਵਿੱਚ 2,11,000 bpd ਦੀ ਕਟੌਤੀ ਕਰੇਗਾ। ਓਮਾਨ ਨੇ 40,000 bpd ਦੀ ਕਟੌਤੀ ਦਾ ਐਲਾਨ ਕੀਤਾ। ਅਲਜੀਰੀਆ ਨੇ ਕਿਹਾ ਕਿ ਉਹ ਆਪਣੇ ਉਤਪਾਦਨ 'ਚ 48,000 bpd ਦੀ ਕਟੌਤੀ ਕਰੇਗਾ।
ਇਹ ਵੀ ਪੜ੍ਹੋ : ਅਜਬ-ਗਜ਼ਬ : ਜਾਓ ਤੇ ਰੋਮਾਂਸ ਕਰੋ... ਇਸ ਦੇਸ਼ ਨੇ ਛੁੱਟੀਆਂ 'ਚ ਵਿਦਿਆਰਥੀਆਂ ਨੂੰ ਦਿੱਤਾ ਅਨੋਖਾ ਹੋਮਵਰਕ
ਕੁਵੈਤ ਦੇ ਤੇਲ ਮੰਤਰੀ ਬਦਰ ਅਲ-ਮੁੱਲਾ ਨੇ ਕਿਹਾ ਕਿ ਇਹ ਸਵੈ-ਇੱਛਤ ਕਟੌਤੀ 5 ਅਕਤੂਬਰ, 2022 ਨੂੰ 33ਵੀਂ ਓਪੇਕ ਅਤੇ ਗੈਰ-ਓਪੇਕ ਮੰਤਰੀ ਪੱਧਰੀ ਮੀਟਿੰਗ ਵਿੱਚ ਉਤਪਾਦਨ 'ਚ ਕਟੌਤੀ ਤੋਂ ਇਲਾਵਾ ਇਕ ਸਾਵਧਾਨੀ ਉਪਾਅ ਹੈ। ਸਾਊਦੀ ਊਰਜਾ ਮੰਤਰਾਲੇ ਨੇ ਇਕ ਬਿਆਨ ਵਿੱਚ ਕਿਹਾ ਕਿ ਉਸ ਦੀ ਸਵੈ-ਇੱਛਤ ਕਟੌਤੀ ਤੇਲ ਬਾਜ਼ਾਰ ਦੀ ਸਥਿਰਤਾ ਨੂੰ ਸਮਰਥਨ ਦੇ ਉਦੇਸ਼ ਨਾਲ ਇਕ ਸਾਵਧਾਨੀ ਉਪਾਅ ਹੈ।
ਇਹ ਵੀ ਪੜ੍ਹੋ : ਕੈਨੇਡਾ-ਅਮਰੀਕਾ ਸਰਹੱਦ ਨੇੜੇ ਮਿਲੇ 2 ਵਿਅਕਤੀਆਂ ਦੀਆਂ ਲਾਸ਼ਾਂ ਦੀ ਹੋਈ ਪਛਾਣ, ਭਾਰਤੀਆਂ ਦੀ ਸ਼ਨਾਖਤ ਬਾਕੀ
US ਨੇ ਪ੍ਰਗਟਾਈ ਨਾਰਾਜ਼ਗੀ
ਪਿਛਲੇ ਅਕਤੂਬਰ ਓਪੇਕ+ ਨੇ ਨਵੰਬਰ ਤੋਂ ਸਾਲ ਦੇ ਅੰਤ ਤੱਕ 2 ਮਿਲੀਅਨ bpd ਦੀ ਆਊਟਪੁੱਟ ਕਟੌਤੀ ਲਈ ਸਹਿਮਤੀ ਦਿੱਤੀ ਸੀ, ਇਕ ਅਜਿਹਾ ਕਦਮ ਜਿਸ ਨੇ ਵਾਸ਼ਿੰਗਟਨ ਨੂੰ ਨਾਰਾਜ਼ ਕੀਤਾ ਕਿਉਂਕਿ ਸਖਤ ਸਪਲਾਈ ਤੇਲ ਦੀਆਂ ਕੀਮਤਾਂ ਨੂੰ ਵਧਾਉਂਦੀ ਹੈ। ਯੂਐੱਸ ਨੇ ਦਲੀਲ ਦਿੱਤੀ ਹੈ ਕਿ ਆਰਥਿਕ ਵਿਕਾਸ ਨੂੰ ਸਮਰਥਨ ਦੇਣ ਅਤੇ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਯੂਕ੍ਰੇਨ ਯੁੱਧ ਲਈ ਫੰਡ ਦੇਣ ਲਈ ਵਧੇਰੇ ਮਾਲੀਆ ਕਮਾਉਣ ਤੋਂ ਰੋਕਣ ਲਈ ਵਿਸ਼ਵ ਨੂੰ ਘੱਟ ਕੀਮਤਾਂ ਦੀ ਲੋੜ ਹੈ।
ਇਹ ਵੀ ਪੜ੍ਹੋ : 3 ਸਾਲ ਬਾਅਦ ਚੀਨ ਪਹੁੰਚੇ ਜਾਪਾਨ ਦੇ ਵਿਦੇਸ਼ ਮੰਤਰੀ, ਬੈਠਕ 'ਚ ਇਕ-ਦੂਜੇ ਨੂੰ ਸੁਣੀਆਂ ਖਰੀਆਂ-ਖਰੀਆਂ
ਬਾਈਡੇਨ ਪ੍ਰਸ਼ਾਸਨ ਨੇ ਕਿਹਾ ਕਿ ਉਹ ਐਤਵਾਰ ਨੂੰ ਨਿਰਮਾਤਾਵਾਂ ਦੁਆਰਾ ਘੋਸ਼ਿਤ ਕੀਤੇ ਗਏ ਕਦਮ ਨੂੰ ਬੇਵਕੂਫੀ ਵਜੋਂ ਵੇਖਦਾ ਹੈ। ਰਾਸ਼ਟਰੀ ਸੁਰੱਖਿਆ ਪ੍ਰੀਸ਼ਦ ਦੇ ਬੁਲਾਰੇ ਨੇ ਕਿਹਾ, “ਸਾਨੂੰ ਨਹੀਂ ਲੱਗਦਾ ਕਿ ਮਾਰਕੀਟ ਅਨਿਸ਼ਚਿਤਤਾ ਦੇ ਮੱਦੇਨਜ਼ਰ ਇਸ ਸਮੇਂ ਕਟੌਤੀ ਦੀ ਸਲਾਹ ਦਿੱਤੀ ਜਾਂਦੀ ਹੈ ਤੇ ਅਸੀਂ ਇਹ ਸਪੱਸ਼ਟ ਕਰ ਦਿੱਤਾ ਹੈ।”
ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।
ਬਜਟ ਕਾਰ Alto 800 ਦਾ ਉਤਪਾਦਨ ਹੋਇਆ ਬੰਦ, ਕੰਪਨੀ ਨੇ ਇਸ ਕਾਰਨ ਲਿਆ ਫ਼ੈਸਲਾ
NEXT STORY 
