ਮੁੰਬਈ - ਹਫਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਸ਼ੇਅਰ ਬਾਜ਼ਾਰ ਵਾਧੇ ਦੇ ਨਾਲ ਖੁੱਲ੍ਹਿਆ। ਬੰਬਈ ਸਟਾਕ ਐਕਸਚੇਂਜ ਦਾ ਸੈਂਸੈਕਸ ਸਵੇਰੇ 10 ਵਜੇ 1178 ਅੰਕ ਭਾਵ 2.09% ਵਧ ਕੇ 60,455 'ਤੇ ਪਹੁੰਚ ਗਿਆ। ਦੂਜੇ ਪਾਸੇ ਨਿਫਟੀ 352 ਅੰਕ ਭਾਵ 2% ਦੇ ਵਾਧੇ ਨਾਲ 18,023 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਏਸ਼ੀਆਈ ਬਾਜ਼ਾਰਾਂ ਦੇ ਮਿਲੇ-ਜੁਲੇ ਰੁਝਾਨਾਂ ਦਰਮਿਆਨ ਐਚਡੀਐਫਸੀ ਬੈਂਕ ਅਤੇ ਐਚਡੀਐਫਸੀ ਵਰਗੇ ਵੱਡੇ ਸ਼ੇਅਰਾਂ ਵਿੱਚ ਵਾਧੇ ਕਾਰਨ ਪ੍ਰਮੁੱਖ ਸਟਾਕ ਸੂਚਕਾਂਕ ਸੈਂਸੈਕਸ ਸੋਮਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ ਵਿੱਚ 1,100 ਅੰਕਾਂ ਤੋਂ ਉੱਪਰ ਚੜ੍ਹ ਗਿਆ। ਇਸ ਸਮੇਂ ਦੌਰਾਨ, 30 ਸ਼ੇਅਰਾਂ ਵਾਲਾ ਸੈਂਸੈਕਸ 1,143.78 ਅੰਕ ਵਧ ਕੇ 60,420.47 'ਤੇ, ਜਦੋਂ ਕਿ ਵਿਆਪਕ ਪੱਧਰ 'ਤੇ ਨਿਫਟੀ 302.20 ਅੰਕਾਂ ਦੇ ਵਾਧੇ ਨਾਲ 17,972.65 'ਤੇ ਪਹੁੰਚ ਗਿਆ। ਸ਼ੁਰੂਆਤੀ ਕਾਰੋਬਾਰ 'ਚ HDFC ਦਾ ਸਟਾਕ 8.37 ਫੀਸਦੀ ਵਧ ਕੇ 2,656.10 ਰੁਪਏ 'ਤੇ ਪਹੁੰਚ ਗਿਆ, ਜਦਕਿ HDFC ਬੈਂਕ ਦਾ ਸਟਾਕ ਕਰੀਬ ਅੱਠ ਫੀਸਦੀ ਵਧ ਕੇ 1,623.65 ਰੁਪਏ 'ਤੇ ਰਿਹਾ।
ਇੱਕ ਮਹੱਤਵਪੂਰਨ ਪ੍ਰੋਗਰਾਮ ਵਿੱਚ, HDFC ਲਿਮਿਟੇਡ ਨੇ ਕਿਹਾ ਕਿ ਇਹ HDFC ਬੈਂਕ ਵਿੱਚ ਰਲੇਵਾਂ ਕਰੇਗੀ। ਸਟਾਕ ਐਕਸਚੇਂਜ ਨੂੰ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਇਸ ਰਲੇਵੇਂ ਤੋਂ ਬਾਅਦ HDFC ਲਿਮਟਿਡ ਦੀਆਂ ਸਹਾਇਕ ਕੰਪਨੀਆਂ HDFC ਬੈਂਕ ਦੀਆਂ ਸਹਾਇਕ ਕੰਪਨੀਆਂ ਬਣ ਜਾਣਗੀਆਂ। ਸੈਂਸੈਕਸ 'ਚ 24 ਸ਼ੇਅਰਾਂ 'ਚ ਵਾਧਾ ਦਰਜ ਕੀਤਾ ਗਿਆ, ਜਦਕਿ ਛੇ ਸ਼ੇਅਰ ਲਾਲ ਨਿਸ਼ਾਨ 'ਤੇ ਸਨ। ਐਚਡੀਐਫਸੀ ਦੇ ਦੋਵਾਂ ਸ਼ੇਅਰਾਂ ਤੋਂ ਇਲਾਵਾ, ਬਜਾਜ ਫਾਈਨਾਂਸ, ਕੋਟਕ ਮਹਿੰਦਰਾ ਬੈਂਕ, ਟੈਕ ਮਹਿੰਦਰਾ, ਟਾਈਟਨ ਅਤੇ ਲਾਰਸਨ ਐਂਡ ਟੂਬਰੋ ਵੀ ਚੋਟੀ ਦੇ ਲਾਭਾਂ ਵਿੱਚ ਸ਼ਾਮਲ ਸਨ।
ਦੂਜੇ ਪਾਸੇ ਇੰਫੋਸਿਸ, ਮਹਿੰਦਰਾ ਐਂਡ ਮਹਿੰਦਰਾ, ਮਾਰੂਤੀ, ਆਈਟੀਸੀ ਅਤੇ ਅਲਟਰਾਟੈਕ ਸੀਮੈਂਟ ਦੇ ਸ਼ੇਅਰਾਂ 'ਚ ਗਿਰਾਵਟ ਦੇਖਣ ਨੂੰ ਮਿਲੀ। ਹੋਰ ਏਸ਼ੀਆਈ ਬਾਜ਼ਾਰਾਂ 'ਚ ਜਾਪਾਨ ਦਾ ਸੂਚਕ ਅੰਕ ਨਿਕੇਈ ਹੇਠਾਂ ਰਿਹਾ, ਜਦਕਿ ਹਾਂਗਕਾਂਗ ਅਤੇ ਦੱਖਣੀ ਕੋਰੀਆ ਦੇ ਸੂਚਕਾਂਕ 'ਚ ਤੇਜ਼ੀ ਰਹੀ। ਇਸ ਦੌਰਾਨ, ਅੰਤਰਰਾਸ਼ਟਰੀ ਤੇਲ ਬੈਂਚਮਾਰਕ ਬ੍ਰੈਂਟ ਕਰੂਡ 0.15 ਫੀਸਦੀ ਵਧ ਕੇ 104.55 ਡਾਲਰ ਪ੍ਰਤੀ ਬੈਰਲ ਹੋ ਗਿਆ। ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕਾਂ ਨੇ ਸ਼ੁੱਕਰਵਾਰ ਨੂੰ ਸ਼ੁੱਧ ਆਧਾਰ 'ਤੇ 1,909 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।
ਬੰਬਈ ਸਟਾਕ ਐਕਸਚੇਂਜ ਦਾ ਸੈਂਸੈਕਸ 488 ਅੰਕਾਂ ਦੇ ਵਾਧੇ ਨਾਲ 59,764 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ NSE ਦਾ ਨਿਫਟੀ ਵੀ 139 ਅੰਕਾਂ ਦੇ ਵਾਧੇ ਨਾਲ 17,809 'ਤੇ ਖੁੱਲ੍ਹਿਆ।
ਧਿਆਨ ਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਨਵੇਂ ਵਿੱਤੀ ਸਾਲ ਦੇ ਪਹਿਲੇ ਦਿਨ ਸ਼ੇਅਰ ਬਾਜ਼ਾਰ ਵਾਧਾ ਲੈ ਕੇ ਬੰਦ ਹੋਇਆ ਸੀ। ਬੀ.ਐੱਸ.ਈ. ਦਾ ਸੈਂਸੈਕਸ 708 ਅੰਕਾਂ ਦੀ ਛਾਲ ਮਾਰ ਕੇ 59,277 'ਤੇ ਬੰਦ ਹੋਇਆ, ਜਦਕਿ NSE ਨਿਫਟੀ ਸੂਚਕ ਅੰਕ 205 ਅੰਕ ਚੜ੍ਹ ਕੇ 17,670 'ਤੇ ਬੰਦ ਹੋਇਆ।
ਆਟੋ ਅਤੇ ਆਈਟੀ ਸੂਚਕਾਂਕ ਲਾਲ ਨਿਸ਼ਾਨ ਵਿੱਚ
ਨਿਫਟੀ ਦੇ 11 ਸੈਕਟਰਲ ਸੂਚਕਾਂਕ 'ਚੋਂ 9 ਹਰੇ ਰੰਗ 'ਚ ਹਨ। ਜਦੋਂ ਕਿ ਦੋ ਸੂਚਕਾਂਕ ਆਟੋ -0.05% ਅਤੇ IT ਸੂਚਕਾਂਕ (-0.19%) ਹੇਠਾਂ ਹਨ। ਇਸ 'ਚ ਫਾਈਨੈਂਸ਼ੀਅਲ ਸਰਵਿਸਿਜ਼ ਨੂੰ ਸਭ ਤੋਂ ਜ਼ਿਆਦਾ 4.22 ਫੀਸਦੀ ਦਾ ਫਾਇਦਾ ਹੋਇਆ ਹੈ, ਜਦਕਿ ਨਿਫਟੀ ਬੈਂਕ ਨੂੰ 3 ਫੀਸਦੀ ਦਾ ਫਾਇਦਾ ਹੋਇਆ ਹੈ। ਪ੍ਰਾਈਵੇਟ ਬੈਂਕ 2.77% ਵੱਧ ਹੈ। ਰੀਅਲਟੀ ਇੰਡੈਕਸ 0.20% ਵਧਿਆ ਹੈ। ਦੂਜੇ ਪਾਸੇ, ਮੀਡੀਆ 0.12% ਵੱਧ ਹੈ, ਅਤੇ FMCG ਸੂਚਕਾਂਕ 0.17% ਵੱਧ ਹੈ।
ਟਾਪ ਗੇਨਰਜ਼
ਐਚਡੀਐਫਸੀ, ਬਜਾਜ ਫਾਈਨਾਂਸ, ਟਾਈਟਨ, ਏਸ਼ੀਅਨ ਪੇਂਟਸ
ਟਾਪ ਲੂਜ਼ਰਜ਼
ਟੀਸੀਐਸ,ਆਈਟੀਸੀ, ਰਿਲਾਇੰਸ, ਐੱਮ.ਐਂਡ.ਐੱਮ.,ਮਾਰੂਤੀ,ਇੰਫੋਸਿਸ, ਮਹਿੰਦਰਾ ਐਂਡ ਮਹਿੰਦਰਾ, ਮਾਰੂਤੀ, ਆਈਟੀਸੀ ਅਤੇ ਅਲਟਰਾਟੈਕ ਸੀਮੈਂਟ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਬਰਾਮਦ ਵਧਾਉਣ ਲਈ ਭਾਰਤੀ ਰਾਜਦੂਤਾਂ ਦੀ ਅਹਿਮ ਭੁਮਿਕਾ, ਅਮਰੀਕਾ ਨਾਲ 70 ਅਰਬ ਡਾਲਰ ਦਾ ਹੋਵੇਗਾ ਕਾਰੋਬਾਰ
NEXT STORY 
