ਬਿਜ਼ਨੈੱਸ ਡੈਸਕ: ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਨਿਵੇਸ਼ ਕਰਨ ਵਾਲਿਆਂ ਲਈ ਇੱਕ ਅਹਿਮ ਖ਼ਬਰ ਹੈ। ਆਮ ਤੌਰ 'ਤੇ ਸ਼ਨੀਵਾਰ ਅਤੇ ਐਤਵਾਰ ਨੂੰ ਸ਼ੇਅਰ ਬਾਜ਼ਾਰ ਵਿੱਚ ਛੁੱਟੀ ਹੁੰਦੀ ਹੈ, ਪਰ ਇਸ ਵਾਰ ਸ਼ਨੀਵਾਰ, 14 ਮਾਰਚ ਨੂੰ ਬਾਜ਼ਾਰ ਖੁੱਲ੍ਹੇਗਾ। ਹਾਲਾਂਕਿ, ਇਹ ਕੋਈ ਆਮ ਟ੍ਰੇਡਿੰਗ ਸੈਸ਼ਨ ਨਹੀਂ ਹੋਵੇਗਾ, ਸਗੋਂ ਬੰਬਈ ਸਟਾਕ ਐਕਸਚੇਂਜ (BSE) ਅਤੇ ਨੈਸ਼ਨਲ ਸਟਾਕ ਐਕਸਚੇਂਜ (NSE) ਵੱਲੋਂ 'ਮੌਕ ਟ੍ਰੇਡਿੰਗ' (Mock Trading) ਸੈਸ਼ਨ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ : LPG ਬੁਕਿੰਗ ਲਈ ਫੋਨ ਕਾਲ ਤੋਂ ਇਲਾਵਾ ਅਪਣਾਓ ਇਹ ਸੌਖੇ ਤਰੀਕੇ, ਇੰਝ ਕਰੋ ਸ਼ਿਕਾਇਤ
ਕਿਉਂ ਖੁੱਲ੍ਹ ਰਿਹਾ ਹੈ ਬਾਜ਼ਾਰ? ਇਸ ਸਬੰਧ ਵਿੱਚ ਦੋਵਾਂ ਐਕਸਚੇਂਜਾਂ ਨੇ ਸਰਕੂਲਰ ਜਾਰੀ ਕਰਕੇ ਜਾਣਕਾਰੀ ਦਿੱਤੀ ਹੈ ਕਿ ਇਹ ਸੈਸ਼ਨ ਐਕਸਚੇਂਜ ਦੀ 'ਪ੍ਰਾਇਮਰੀ ਸਾਈਟ' (PR) ਅਤੇ 'ਡਿਜ਼ਾਸਟਰ ਰਿਕਵਰੀ ਸਾਈਟ' (DR) ਦੋਵਾਂ 'ਤੇ ਆਯੋਜਿਤ ਕੀਤਾ ਜਾਵੇਗਾ। ਇਸ ਦਾ ਮੁੱਖ ਮਕਸਦ ਟ੍ਰੇਡਿੰਗ ਸਿਸਟਮ ਦੀ ਮਜ਼ਬੂਤੀ ਅਤੇ ਕਿਸੇ ਵੀ ਹੰਗਾਮੀ ਸਥਿਤੀ ਵਿੱਚ ਸਿਸਟਮ ਦੇ ਕੰਮ ਕਰਨ ਦੀ ਸਮਰੱਥਾ ਦੀ ਜਾਂਚ ਕਰਨਾ ਹੈ।
ਇਹ ਵੀ ਪੜ੍ਹੋ : ਕਿਸਾਨਾਂ ਲਈ ਵੱਡੀ ਖ਼ੁਸ਼ਖ਼ਬਰੀ: ਇਸ ਤਾਰੀਖ਼ ਨੂੰ ਖ਼ਾਤੇ ਚ ਆਵੇਗੀ PM-ਕਿਸਾਨ ਦੀ 22ਵੀਂ ਕਿਸ਼ਤ
ਨਿਵੇਸ਼ਕਾਂ ਲਈ ਜ਼ਰੂਰੀ ਗੱਲਾਂ:
- BSE ਮੁਤਾਬਕ, ਇਹ ਟੈਸਟਿੰਗ ਇਕੁਇਟੀ, ਡੈਰੀਵੇਟਿਵਜ਼, ਕਰੰਸੀ ਅਤੇ ਕਮੋਡਿਟੀ ਵਰਗੇ ਕਈ ਸੈਗਮੈਂਟਸ ਵਿੱਚ ਹੋਵੇਗੀ।
- ਇਸ ਦੌਰਾਨ ਟ੍ਰੇਡਿੰਗ ਮੈਂਬਰ ਅਤੇ ਬ੍ਰੋਕਰ ਵੱਖ-ਵੱਖ ਬਾਜ਼ਾਰ ਸਥਿਤੀਆਂ ਵਿੱਚ ਆਪਣੇ ਸਿਸਟਮ ਨੂੰ ਪਰਖ ਸਕਣਗੇ।
- ਐਕਸਚੇਂਜ ਨੇ ਸਪੱਸ਼ਟ ਕੀਤਾ ਹੈ ਕਿ ਇਸ ਵਿੱਚ ਕੀਤੇ ਗਏ ਟ੍ਰੇਡ 'ਤੇ ਮਾਰਜਿਨ ਦੀ ਕੋਈ ਸ਼ਰਤ ਨਹੀਂ ਹੋਵੇਗੀ ਅਤੇ ਨਾ ਹੀ ਕੋਈ ਪੇ-ਇਨ ਜਾਂ ਪੇ-ਆਊਟ ਲਾਗੂ ਹੋਵੇਗਾ। ਇਸ ਨਾਲ ਕੋਈ ਵੀ ਵਿੱਤੀ ਦੇਣਦਾਰੀ ਪੈਦਾ ਨਹੀਂ ਹੋਵੇਗੀ।
ਇਹ ਵੀ ਪੜ੍ਹੋ : 31 ਮਾਰਚ ਤੋਂ ਪਹਿਲਾਂ ਕਰ ਲਓ ਇਹ ਜ਼ਰੂਰੀ ਕੰਮ, ਨਹੀਂ ਤਾਂ ਬੰਦ ਹੋ ਸਕਦੇ ਹਨ ਤੁਹਾਡੇ PPF, NPS ਅਤੇ SSY ਖਾਤੇ
ਕੀ ਹੋਵੇਗੀ ਟਾਈਮਿੰਗ?
BSE ਦੀ ਟਾਈਮਿੰਗ:
- ਇਕੁਇਟੀ ਸੈਗਮੈਂਟ: ਲੌਗ-ਇਨ ਸਵੇਰੇ 9:15 ਤੋਂ 9:45 ਵਜੇ ਤੱਕ ਹੋਵੇਗਾ।
- ਪ੍ਰਾਇਮਰੀ ਸਾਈਟ: ਟ੍ਰੇਡਿੰਗ ਸਵੇਰੇ 10:15 ਤੋਂ ਦੁਪਹਿਰ 1:00 ਵਜੇ ਤੱਕ ਚੱਲੇਗੀ।
- DR ਸਾਈਟ: ਦੁਪਹਿਰ 2:00 ਤੋਂ ਸ਼ਾਮ 4:00 ਵਜੇ ਤੱਕ ਟ੍ਰੇਡਿੰਗ ਹੋਵੇਗੀ।
ਇਹ ਵੀ ਪੜ੍ਹੋ : ਸੋਨੇ ਦੀਆਂ ਕੀਮਤਾਂ 'ਚ ਆਉਣ ਵਾਲਾ ਹੈ ਵੱਡਾ ਉਛਾਲ! ਮਾਹਿਰਾਂ ਨੇ ਕਰ'ਤੀ ਹੈਰਾਨ ਕਰਦੀ ਭਵਿੱਖਬਾਣੀ
NSE ਦੀ ਟਾਈਮਿੰਗ:
- ਬਲਾਕ ਡੀਲ ਵਿੰਡੋ ਸਵੇਰੇ 8:45 ਵਜੇ ਤੋਂ ਸਵੇਰੇ 9 ਵਜੇ ਤੱਕ ਖੁੱਲ੍ਹੀ ਰਹੇਗੀ
- ਪ੍ਰੀ-ਓਪਨ ਸੈਸ਼ਨ: ਸਵੇਰੇ 9:00 ਤੋਂ 9:08 ਵਜੇ ਤੱਕ।
- ਆਮ ਟ੍ਰੇਡਿੰਗ (ਪਹਿਲਾ ਸੈਸ਼ਨ): ਸਵੇਰੇ 9:15 ਤੋਂ ਦੁਪਹਿਰ 12:15 ਵਜੇ ਤੱਕ।
- ਦੂਜਾ ਸੈਸ਼ਨ (DR ਸਾਈਟ): ਦੁਪਹਿਰ 1:15 ਤੋਂ 3:15 ਵਜੇ ਤੱਕ ਚੱਲੇਗਾ।
ਇਹ ਵੀ ਪੜ੍ਹੋ : 31 ਮਾਰਚ ਤੋਂ ਪਹਿਲਾਂ ਪੂਰੇ ਕਰ ਲਓ ਇਹ ਕੰਮ, ਨਹੀਂ ਤਾਂ ਪੈਨਲਟੀ ਸਮੇਤ ਲੱਗੇਗਾ ਭਾਰੀ ਟੈਕਸ
ਕੁੱਲ ਮਿਲਾ ਕੇ, 14 ਮਾਰਚ ਨੂੰ ਬਾਜ਼ਾਰ ਸਿਰਫ਼ ਤਕਨੀਕੀ ਟੈਸਟਿੰਗ ਲਈ ਖੁੱਲ੍ਹੇਗਾ ਅਤੇ ਨਿਵੇਸ਼ਕਾਂ ਲਈ ਇਸ ਨੂੰ ਆਮ ਟ੍ਰੇਡਿੰਗ ਨਹੀਂ ਮੰਨਿਆ ਜਾਵੇਗਾ।
ਇਹ ਵੀ ਪੜ੍ਹੋ : ਕੀਮਤਾਂ 'ਚ ਵਾਧੇ ਦਰਮਿਆਨ ਇਕ ਹੋਰ ਵੱਡਾ ਝਟਕਾ! ਬਦਲ ਗਏ LPG ਗੈਸ ਸਿਲੰਡਰ ਦੇ ਬੁਕਿੰਗ ਨਿਯਮ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਰੈਸਟੋਰੈਂਟ ਮਾਲਕਾਂ 'ਤੇ IT ਵਿਭਾਗ ਦੀ ਤਿੱਖੀ ਨਜ਼ਰ: 408 ਕਰੋੜ ਦੀ ਟੈਕਸ ਚੋਰੀ ਦਾ ਖੁਲਾਸਾ
NEXT STORY 
