ਮੁੰਬਈ : ਟਾਟਾ ਗਰੁੱਪ ਦੇ ਟਾਟਾ ਮੋਟਰਜ਼ ਦੇ ਸ਼ੇਅਰਾਂ ਵਿੱਚ ਅੱਜ ਵੱਡੀ ਤੇਜ਼ੀ ਦੇਖਣ ਨੂੰ ਮਿਲੀ। ਟਾਟਾ ਮੋਟਰਸ ਦਾ ਸ਼ੇਅਰ ਅੱਜ ਦੇ ਕਾਰੋਬਾਰ ਵਿੱਚ 20 ਫੀਸਦੀ ਵਧਿਆ ਹੈ ਅਤੇ ਇਹ 503 ਰੁਪਏ ਦੇ ਨਵੇਂ ਉੱਚੇ ਪੱਧਰ ਤੇ ਪਹੁੰਚ ਗਿਆ। ਮੰਗਲਵਾਰ ਨੂੰ ਸਟਾਕ 421 ਰੁਪਏ 'ਤੇ ਬੰਦ ਹੋਇਆ ਸੀ। ਪਿਛਲੇ 5 ਕਾਰੋਬਾਰੀ ਸੈਸ਼ਨਾਂ ਵਿੱਚ, ਟਾਟਾ ਮੋਟਰਜ਼ ਦੇ ਸ਼ੇਅਰਾਂ ਵਿੱਚ ਲਗਭਗ 42 ਪ੍ਰਤੀਸ਼ਤ ਦੀ ਉਛਾਲ ਵੇਖਿਆ ਗਿਆ ਹੈ।
ਇਹ ਵੀ ਪੜ੍ਹੋ : ਅਮਿਤਾਭ ਬੱਚਨ ਨੂੰ SBI ਦੇਵੇਗਾ ਹਰ ਮਹੀਨੇ 18 ਲੱਖ ਰੁਪਏ, ਜਾਣੋ ਕਿਉਂ
ਸ਼ੇਅਰਾਂ ਦੀ ਤੂਫਾਨੀ ਤੇਜ਼ੀ ਦੇ ਦੌਰਾਨ ਮੀਡੀਆ ਰਿਪੋਰਟਾਂ ਅਨੁਸਾਰ ਇੱਕ ਪ੍ਰਾਈਵੇਟ ਇਕੁਇਟੀ ਫਰਮ ਟੀਪੀਜੀ ਸਮੂਹ ਕੰਪਨੀ ਦੀ ਪੂਰੀ ਮਲਕੀਅਤ ਵਾਲੀ ਇਲੈਕਟ੍ਰਿਕ ਵਾਹਨ ਸਹਾਇਕ ਕੰਪਨੀ ਵਿੱਚ 7,500 ਕਰੋੜ ਰੁਪਏ ਦਾ ਨਿਵੇਸ਼ ਕਰੇਗੀ। ਇਸ ਖ਼ਬਰ ਦੇ ਕਾਰਨ ਇਸ ਸਟਾਕ ਵਿੱਚ ਵੀ ਵਾਧਾ ਹੋਇਆ ਹੈ।
ਟਾਟਾ ਮੋਟਰਸ ਪੂਰੇ ਟਾਟਾ ਸਮੂਹ ਦਾ ਵਧਦਾ ਸਾਮਰਾਜ ਵਧਦਾ ਨਜ਼ਰ ਆ ਰਿਹਾ ਹੈ। ਟਾਟਾ ਸਮੂਹ ਦੀ ਮਾਰਕੀਟ ਕੈਪ 23.5 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਈ ਹੈ। ਅਕਤੂਬਰ ਵਿੱਚ ਹੀ ਇਸ ਵਿੱਚ 1.18 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ। 30 ਸਤੰਬਰ ਨੂੰ ਸਮੂਹ ਦਾ ਮਾਰਕੀਟ ਕੈਪ 22.35 ਲੱਖ ਕਰੋੜ ਰੁਪਏ ਸੀ।
ਇਹ ਵੀ ਪੜ੍ਹੋ : ਏਲਨ ਮਸਕ ਤੇ ਜੈੱਫ ਬੇਜੋਸ ਦੇ ਕਲੱਬ 'ਚ ਸ਼ਾਮਲ ਹੋਏ ਮੁਕੇਸ਼ ਅੰਬਾਨੀ, ਬਣੇ ਦੁਨੀਆ ਦੇ 11ਵੇਂ ਸਭ ਤੋਂ ਅਮੀਰ ਵਿਅਕਤੀ
ਰਾਕੇਸ਼ ਝੁਨਝੁਨਵਾਲਾ ਨੇ 300 ਕਰੋੜ ਦੀ ਕੀਤੀ ਕਮਾਈ
ਇਸ ਉਛਾਲ ਵਿੱਚ ਮਾਰਕੀਟ ਦੇ ਉੱਘੇ ਨਿਵੇਸ਼ਕ ਰਾਕੇਸ਼ ਝੁਨਝੁਨਵਾਲਾ ਨੇ ਭਾਰੀ ਮੁਨਾਫਾ ਕਮਾਇਆ ਹੈ। ਰਾਕੇਸ਼ ਝੁਨਝੁਨਵਾਲਾ ਦੇ ਪੋਰਟਫੋਲੀਓ ਵਿੱਚ ਸ਼ਾਮਲ ਟਾਟਾ ਮੋਟਰਸ ਦੇ ਸ਼ੇਅਰਾਂ ਦੀ ਕੀਮਤ ਵਿੱਚ ਲਗਭਗ 300 ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ। ਨਿਵੇਸ਼ਕਾਂ ਨੇ ਵੀ ਸਟਾਕ ਵਿੱਚ ਭਾਰੀ ਕਮਾਈ ਕੀਤੀ ਹੈ।
52 ਹਫਤੇ ਦੇ ਉੱਚ ਪੱਧਰ 'ਤੇ
ਟਾਟਾ ਮੋਟਰਸ ਦੇ ਸ਼ੇਅਰ ਅੱਜ ਸਵੇਰੇ ਲਗਭਗ 10.08 ਦੇ ਆਸਪਾਸ 63.85 ਰੁਪਏ ਭਾਵ 15.17 ਫੀਸਦੀ ਦੇ ਵਾਧੇ ਨਾਲ ਆਪਣੇ 499.95 ਰੁਪਏ ਦੇ 52 ਹਫਤੇ ਦੇ ਉੱਚ ਪੱਧਰ ਨੂੰ ਛੋਹ ਗਏ।
ਤੁਹਾਨੂੰ ਦੱਸ ਦੇਈਏ ਕਿ ਦੁਨੀਆ ਦੀ ਸਭ ਤੋਂ ਵੱਡੀ ਆਟੋਮੋਬਾਈਲ ਕੰਪਨੀਆਂ ਵਿੱਚੋਂ ਇੱਕ ਟਾਟਾ ਮੋਟਰਸ ਨੇ ਮੰਗਲਵਾਰ ਨੂੰ ਪ੍ਰਾਈਵੇਟ ਇਕੁਇਟੀ ਫਰਮ ਟੀਪੀਜੀ ਦੀ ਆਪਣੀ ਨਵੀਂ ਇਲੈਕਟ੍ਰਿਕ ਵਾਹਨ ਸਹਾਇਕ ਕੰਪਨੀ ਵਿੱਚ 7,500 ਕਰੋੜ ਰੁਪਏ ਦੇ ਨਿਵੇਸ਼ ਦਾ ਐਲਾਨ ਕੀਤਾ ਹੈ। ਨਿਵੇਸ਼ 18 ਮਹੀਨਿਆਂ ਦੀ ਮਿਆਦ ਵਿੱਚ ਕਿਸ਼ਤਾਂ ਵਿੱਚ ਕੀਤਾ ਜਾਵੇਗਾ। ਟਾਟਾ ਮੋਟਰਸ ਨੇ ਇਲੈਕਟ੍ਰਿਕ ਵਾਹਨ ਹਿੱਸੇ ਲਈ ਇੱਕ ਨਵੀਂ ਯੂਨਿਟ TML EVCo ਬਣਾਈ ਹੈ।
ਇਹ ਵੀ ਪੜ੍ਹੋ : ਸਰ੍ਹੋਂ ਦੇ ਤੇਲ ਨੂੰ ਛੱਡ ਕੇ ਬਾਕੀ ਖਾਣਾ ਪਕਾਉਣ ਵਾਲੇ ਤੇਲਾਂ ਦੀਆਂ ਕੀਮਤਾਂ ’ਚ ਗਿਰਾਵਟ : ਸਰਕਾਰ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
BSE 'ਚ ਸੂਚੀਬੱਧ ਕੰਪਨੀਆਂ ਨੇ ਬਣਾਇਆ ਰਿਕਾਰਡ, ਮਾਰਿਕਟ ਕੈਪ 270 ਲੱਖ ਕਰੋੜ ਦੇ ਨਵੇਂ ਉੱਚੇ ਪੱਧਰ 'ਤੇ
NEXT STORY 
