ਬਿਜ਼ਨੈੱਸ ਡੈਸਕ: ਟੈਲੀਕਾਮ ਕੰਪਨੀ ਵੋਡਾਫੋਨ-ਆਈਡੀਆ ਨੂੰ ਆਉਣ ਵਾਲੇ ਇਕ ਸਾਲ 'ਚ ਵੱਡਾ ਝਟਕਾ ਲੱਗਣ ਦੀ ਉਮੀਦ ਜਤਾਈ ਜਾ ਰਹੀ ਹੈ। ਫਿੱਚ ਰੇਟਿੰਗਸ ਨੇ ਅਨੁਮਾਨ ਲਗਾਇਆ ਹੈ ਕਿ ਵੀਆਈ ਅਗਲੇ ਇਕ ਸਾਲ 'ਚ ਆਪਣੇ 5 ਤੋਂ 7 ਕਰੋੜ ਗਾਹਕ ਗੁਆ ਸਕਦਾ ਹੈ। ਇਹ ਅਨੁਮਾਨ ਬੀਤੇ 9 ਤਿਮਾਹੀਆਂ ਦੇ ਆਧਾਰ 'ਤੇ ਲਗਾਇਆ ਗਿਆ ਹੈ। ਦੱਸ ਦੇਈਏ ਕਿ ਵੀ.ਆਈ. ਪਿਛਲੀਆਂ 9 ਤਿਮਾਹੀਆਂ 'ਚ ਕਰੀਬ 15.5 ਕਰੋੜ ਗਾਹਕਾਂ ਨੂੰ ਖੋਹ ਚੁੱਕਾ ਹੈ।
ਜਿਓ ਅਤੇ ਏਅਰਟੈੱਲ ਦੇ ਵੱਲ ਮੂਵ ਕਰ ਰਹੇ ਹਨ ਗਾਹਕ
ਫਿੱਚ ਨੇ ਦੱਸਿਆ ਕਿ ਗਾਹਕ ਵੋਡਾਫੋਨ ਆਈਡੀਆ ਨੂੰ ਛੱਡ ਕੇ ਰਿਲਾਇੰਸ ਜਿਓ ਅਤੇ ਭਾਰਤੀ ਏਅਰਟੈੱਲ ਦੇ ਵੱਲ ਮੂਵ ਕਰ ਸਕਦੇ ਹੋ। ਇਨ੍ਹੀਂ ਦਿਨੀਂ ਏਅਰਟੈੱਲ ਅਤੇ ਜਿਓ ਦੇ ਗਾਹਕ ਲਗਾਤਾਰ ਵੱਧਦੇ ਜਾ ਰਹੇ ਹਨ। ਫਿੱਚ ਨੇ ਦੱਸਿਆ ਕਿ ਆਉਣ ਵਾਲੇ ਅਗਲੇ 12 ਤੋਂ 18 ਮਹੀਨਿਆਂ 'ਚ ਭਾਰਤੀ ਏਅਰਟੈੱਲ ਅਤੇ ਰਿਲਾਇੰਸ ਜਿਓ ਦਾ ਕੰਬਾਇੰਡ ਮਾਰਕਿਟ ਕਰੀਬ 80 ਫੀਸਦੀ ਤੱਕ ਰਹਿ ਸਕਦਾ ਹੈ। ਇਸ ਤੋਂ ਇਲਾਵਾ ਸਤੰਬਰ ਮਹੀਨੇ 'ਚ ਇਹ ਕਰੀਬ 74 ਫੀਸਦੀ ਸੀ। ਦੂਜੀ ਤਿਮਾਹੀ 'ਚ ਏਅਰਟੈੱਲ ਨੇ 1.4 ਕਰੋੜ ਨਵੇਂ ਗਾਹਕ ਬਣਾਏ ਹਨ। ਇਹ ਜਿਓ ਦੇ 70 ਲੱਖ ਨਵੇਂ ਗਾਹਕਾਂ ਦੇ ਮੁਕਾਬਲੇ ਦੁੱਗਣੇ ਹਨ।
ਕੰਪਨੀ ਦੀ ਫਾਈਨੈਂਸ਼ੀਅਲ ਹਾਲਤ ਹੋ ਰਹੀ ਹੈ ਖਰਾਬ
ਤੁਹਾਨੂੰ ਦੱਸ ਦੇਈਏ ਕਿ ਵੋਡਾਫੋਨ ਆਈਡੀਆ ਦੇ ਗਾਹਕਾਂ 'ਚ ਭਾਰੀ ਕਮੀ ਆ ਰਹੀ ਹੈ ਜਿਸ ਦੀ ਵਜ੍ਹਾ ਨਾਲ ਇਨ੍ਹਾਂ ਦਾ ਮਾਰਕਿਟ ਸ਼ੇਅਰ ਵੀ ਡਿੱਗਦਾ ਜਾ ਰਿਹਾ ਹੈ। ਕੰਪਨੀ ਦੀ ਵਿੱਤੀ ਹਾਲਤ ਬਹੁਤ ਖਰਾਬ ਹੋ ਚੁੱਕੀ ਹੈ। ਇਸ ਦਾ ਅਸਰ ਉਸ ਦੇ ਕਾਰੋਬਾਰ 'ਤੇ ਪੈ ਰਿਹਾ ਹੈ। ਫਿੱਚ ਨੇ ਕਿਹਾ ਕਿ ਸ਼ੇਅਰਾਂ ਦੀ ਵਿਕਰੀ ਅਤੇ ਕਰਜ਼ ਦੇ ਰਾਹੀਂ ਵੋਡਾਫੋਨ ਨੇ ਕਰੀਬ 3.4 ਅਰਬ ਡਾਲਰ ਜੁਟਾਉਣ ਦੀ ਯੋਜਨਾ ਬਣਾਈ ਹੈ ਪਰ ਇਸ ਨਾਲ ਟੈਲੀਕਾਮ ਬਾਜ਼ਾਰ 'ਚ ਉਸ ਦੇ ਹਾਲਤ ਬਿਹਤਰ ਹੋਣ ਦੀ ਘੱਟ ਹੀ ਉਮੀਦ ਹੈ।
ਕੰਪਨੀ ਪੁਰਾਣੇ ਗਾਹਕਾਂ ਨੂੰ ਫਿਰ ਤੋਂ ਜੋੜ ਰਹੀ
ਕੰਪਨੀ ਦੇ ਲਈ ਉਨ੍ਹਾਂ ਗਾਹਕਾਂ ਨੂੰ ਫਿਰ ਤੋਂ ਜੋੜਣਾ ਵੀ ਮੁਸ਼ਕਿਲ ਹੈ ਜੋ ਉਨ੍ਹਾਂ ਦਾ ਸਾਥ ਛੱਡ ਚੁੱਕੇ ਹਨ। ਇਸ ਦੀ ਵਜ੍ਹਾ ਇਹ ਹੈ ਕਿ ਉਨ੍ਹਾਂ ਨੇ ਹੁਣ ਤੱਕ ਕਰੀਬ 1.1 ਅਰਬ ਡਾਲਰ ਚੁਕਾਏ ਹਨ। ਕੰਪਨੀ ਪਹਿਲਾਂ ਤੋਂ ਹੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰ ਰਹੀ ਸੀ। ਏ.ਜੀ.ਆਰ. ਦੇ ਬੋਝ ਨੇ ਵੋਡਾਫੋਨ ਦੀ ਸਮੱਸਿਆ ਹੋਰ ਵਧਾ ਦਿੱਤੀ ਹੈ। ਵੋਡਾਫੋਨ ਆਈਡੀਆ ਦੇ ਸ਼ੇਅਰ ਦਾ ਭਾਅ ਮੰਗਲਵਾਰ ਨੂੰ 3.06 ਫੀਸਦੀ ਚੜ੍ਹ ਕੇ 10.10 ਰੁਪਏ 'ਤੇ ਬੰਦ ਹੋਇਆ ਹੈ।
ਸੋਨੇ ਦੀਆਂ ਕੀਮਤਾਂ 'ਚ ਆਈ ਭਾਰੀ ਗਿਰਾਵਟ, 48000 ਦੇ ਕਰੀਬ ਪੁੱਜਾ ਸੋਨਾ
NEXT STORY 
