ਬਿਜ਼ਨੈੱਸ ਡੈਸਕ - ਜਨਵਰੀ ’ਚ ਭਾਰਤ ਦੇ ਮੈਨੂਫੈਕਚਰਿੰਗ ਸੈਕਟਰ ਦੀਆਂ ਸਰਗਰਮੀਆਂ ’ਚ ਹਲਕਾ ਸੁਧਾਰ ਦੇਖਿਆ ਗਿਆ। ਇਹ ਸੁਧਾਰ ਨਵੇਂ ਆਰਡਰਾਂ ’ਚ ਤੇਜ਼ੀ ਕਾਰਨ ਹੋਇਆ। ਹਾਲਾਂਕਿ ਬਿਜ਼ਨੈੱਸ ਕਾਨਫੀਡੈਂਸ ਪਿਛਲੇ ਸਾਢੇ ਤਿੰਨ ਸਾਲ ਦੇ ਸਭ ਤੋਂ ਹੇਠਲੇ ਪੱਧਰ ’ਤੇ ਪਹੁੰਚ ਗਿਆ। ਮਹੀਨਾਵਾਰ ਸਰਵੇ ’ਚ ਇਹ ਜਾਣਕਾਰੀ ਸਾਹਮਣੇ ਆਈ ਹੈ। ਸੀਜ਼ਨਲੀ ਐਡਜਸਟਿਡ ਐੱਚ. ਐੱਸ. ਬੀ. ਸੀ. ਇੰਡੀਆ ਮੈਨੂਫੈਕਚਰਿੰਗ ਪ੍ਰਚੇਜ਼ਿੰਗ ਮੈਨੇਜਰਜ਼ ਇੰਡੈਕਸ (ਪੀ. ਐੱਮ. ਆਈ.) ਦਸੰਬਰ ’ਚ ਦੋ ਸਾਲਾਂ ਦੇ ਹੇਠਲੇ ਪੱਧਰ 55 ਤੋਂ ਵਧ ਕੇ ਜਨਵਰੀ ’ਚ 55.4 ’ਤੇ ਪਹੁੰਚ ਗਿਆ। ਪੀ. ਐੱਮ. ਆਈ. ਦੇ ਨਿਯਮਾਂ ਅਨੁਸਾਰ 50 ਤੋਂ ਉੱਪਰ ਦਾ ਅੰਕੜਾ ਵਾਧੇ ਅਤੇ 50 ਤੋਂ ਹੇਠਾਂ ਦਾ ਅੰਕੜਾ ਗਿਰਾਵਟ ਨੂੰ ਦਰਸਾਉਂਦਾ ਹੈ।
ਇਹ ਵੀ ਪੜ੍ਹੋ : ਮੂਧੇ ਮੂੰਹ ਡਿੱਗੇ ਸੋਨੇ-ਚਾਂਦੀ ਦੇ ਭਾਅ, ਮਾਹਰਾਂ ਮੁਤਾਬਕ ਜਾਣੋ ਕਦੋਂ ਹੈ ਖ਼ਰੀਦਦਾਰੀ ਦਾ ਸਹੀ ਮੌਕਾ
ਐੱਚ. ਐੱਸ. ਬੀ. ਸੀ. ਦੀ ਚੀਫ਼ ਇੰਡੀਆ ਇਕਨਾਮਿਸਟ ਪ੍ਰਾਂਜਲ ਭੰਡਾਰੀ ਨੇ ਕਿਹਾ, “ਜਨਵਰੀ ’ਚ ਭਾਰਤੀ ਮੈਨੂਫੈਕਚਰਿੰਗ ਕੰਪਨੀਆਂ ’ਚ ਸੁਧਾਰ ਦੇਖਣ ਨੂੰ ਮਿਲਿਆ। ਨਵੇਂ ਆਰਡਰਾਂ, ਉਤਪਾਦਨ ਅਤੇ ਰੋਜ਼ਗਾਰ ’ਚ ਵਾਧਾ ਹੋਇਆ। ਇਨਪੁਟ ਲਾਗਤ ’ਚ ਮਾਮੂਲੀ ਵਾਧਾ ਹੋਇਆ, ਜਦਕਿ ਫੈਕਟਰੀ-ਗੇਟ ਕੀਮਤਾਂ ’ਚ ਵਾਧੇ ਦੀ ਰਫ਼ਤਾਰ ਮੱਠੀ ਰਹੀ, ਜਿਸ ਨਾਲ ਕੰਪਨੀਆਂ ਦੇ ਮੁਨਾਫ਼ੇ ’ਤੇ ਥੋੜ੍ਹਾ ਦਬਾਅ ਪਿਆ।” ਸਰਵੇ ’ਚ ਸ਼ਾਮਲ ਕੰਪਨੀਆਂ ਨੇ ਦੱਸਿਆ ਕਿ ਮੰਗ ’ਚ ਮਜ਼ਬੂਤੀ, ਨਵੇਂ ਕਾਰੋਬਾਰ ’ਚ ਵਾਧੇ ਅਤੇ ਟੈਕਨਾਲੋਜੀ ’ਚ ਨਿਵੇਸ਼ ਨੇ ਉਤਪਾਦਨ ਨੂੰ ਸਹਾਰਾ ਦਿੱਤਾ।
ਇਹ ਵੀ ਪੜ੍ਹੋ : 1980 ਤੋਂ ਬਾਅਦ ਪਹਿਲਾ ਝਟਕਾ! ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਅਚਾਨਕ ਆਈ ਵੱਡੀ ਗਿਰਾਵਟ, ਜਾਣੋ ਕਾਰਨ
ਘਰੇਲੂ ਮੰਗ ਨਾਲ ਵਿਕਰੀ ਨੂੰ ਸਹਾਰਾ
ਕੁੱਲ ਵਿਕਰੀ ਨੂੰ ਸਭ ਤੋਂ ਜ਼ਿਆਦਾ ਸਹਾਰਾ ਘਰੇਲੂ ਬਾਜ਼ਾਰ ਤੋਂ ਮਿਲਿਆ। ਹਾਲਾਂਕਿ ਬਰਾਮਦ ਆਰਡਰਾਂ ’ਚ ਵੀ ਵਾਧਾ ਹੋਇਆ ਪਰ ਉਸ ਦੀ ਰਫ਼ਤਾਰ ਮੱਠੀ ਰਹੀ। ਜਿਨ੍ਹਾਂ ਕੰਪਨੀਆਂ ਨੂੰ ਬਰਾਮਦ ’ਚ ਵਾਧਾ ਮਿਲਿਆ, ਉਨ੍ਹਾਂ ਨੇ ਏਸ਼ੀਆ, ਆਸਟ੍ਰੇਲੀਆ, ਕੈਨੇਡਾ, ਯੂਰਪ ਅਤੇ ਮਿਡਲ ਈਸਟ ਤੋਂ ਵਧੀ ਮੰਗ ਦਾ ਜ਼ਿਕਰ ਕੀਤਾ। ਰੋਜ਼ਗਾਰ ਦੇ ਮੋਰਚੇ ’ਤੇ ਮੈਨੂਫੈਕਚਰਿੰਗ ਕੰਪਨੀਆਂ ਨੇ ਵਾਧੂ ਕਰਮਚਾਰੀਆਂ ਦੀ ਭਰਤੀ ਜਾਰੀ ਰੱਖੀ ਪਰ ਨੌਕਰੀਆਂ ਵਧਣ ਦੀ ਰਫ਼ਤਾਰ ਮਾਮੂਲੀ ਰਹੀ। ਇਹ ਪਿਛਲੇ ਤਿੰਨ ਮਹੀਨਿਆਂ ’ਚ ਸਭ ਤੋਂ ਤੇਜ਼ ਰਹੀ।
ਇਹ ਵੀ ਪੜ੍ਹੋ : Gold-Silver ਦੀਆਂ ਕੀਮਤਾਂ ਨੂੰ ਲੈ ਕੇ ਕੈਨੇਡਾ ਬੈਂਕ ਦਾ ਹੈਰਾਨ ਕਰਦਾ ਦਾਅਵਾ
ਬਿਜ਼ਨੈੱਸ ਕਾਨਫੀਡੈਂਸ ਕਮਜ਼ੋਰ
ਜਨਵਰੀ ’ਚ ਬਿਜ਼ਨੈੱਸ ਕਾਨਫੀਡੈਂਸ ਸਾਢੇ ਤਿੰਨ ਸਾਲਾਂ ਦੇ ਹੇਠਲੇ ਪੱਧਰ ’ਤੇ ਆ ਗਿਆ। ਸਿਰਫ਼ 15 ਫੀਸਦੀ ਕੰਪਨੀਆਂ ਨੂੰ ਅਗਲੇ ਇਕ ਸਾਲ ’ਚ ਉਤਪਾਦਨ ਵਧਣ ਦੀ ਉਮੀਦ ਹੈ, ਜਦਕਿ 83 ਫੀਸਦੀ ਕੰਪਨੀਆਂ ਨੇ ਕੋਈ ਬਦਲਾਅ ਨਾ ਹੋਣ ਦਾ ਅੰਦਾਜ਼ਾ ਪ੍ਰਗਟਾਇਆ। ਭੰਡਾਰੀ ਨੇ ਕਿਹਾ ਕਿ ਨਵੇਂ ਆਰਡਰਾਂ ’ਚ ਤੇਜ਼ੀ ਦੇ ਬਾਵਜੂਦ ਬਿਜ਼ਨੈੱਸ ਕਾਨਫੀਡੈਂਸ ਕਮਜ਼ੋਰ ਬਣਿਆ ਹੋਇਆ ਹੈ ਅਤੇ ਭਵਿੱਖ ਦੇ ਉਤਪਾਦਨ ਨੂੰ ਲੈ ਕੇ ਉਮੀਦਾਂ ਜੁਲਾਈ 2022 ਤੋਂ ਬਾਅਦ ਸਭ ਤੋਂ ਹੇਠਲੇ ਪੱਧਰ ’ਤੇ ਪਹੁੰਚ ਗਈਆਂ ਹਨ।
ਇਹ ਵੀ ਪੜ੍ਹੋ : ਕਾਰੋਬਾਰੀਆਂ ਲਈ ਖ਼ੁਸ਼ਖ਼ਬਰੀ, ਬਿਨਾਂ ਕਿਸੇ ਗਾਰੰਟੀ ਤੇ ਘੱਟ ਵਿਆਜ 'ਤੇ ਮਿਲੇਗਾ 2 ਕਰੋੜ ਤੱਕ ਦਾ ਲੋਨ!
ਕੀਮਤਾਂ ਦੇ ਮੋਰਚੇ ’ਤੇ ਇਨਪੁਟ ਕੀਮਤਾਂ ਪਿਛਲੇ 4 ਮਹੀਨਿਆਂ ’ਚ ਸਭ ਤੋਂ ਜ਼ਿਆਦਾ ਵਧੀਆਂ ਪਰ ਆਊਟਪੁਟ ਕੀਮਤਾਂ ਦੀ ਮਹਿੰਗਾਈ 22 ਮਹੀਨਿਆਂ ਦੇ ਹੇਠਲੇ ਪੱਧਰ ’ਤੇ ਆ ਗਈ। ਸਰਵੇ ’ਚ ਕਿਹਾ ਗਿਆ ਕਿ ਹਾਲਾਂਕਿ ਕੰਪਨੀਆਂ ਨੇ ਕੀਮਤਾਂ ਵਧਾਈਆਂ ਪਰ ਮਹਿੰਗਾਈ ਦੀ ਦਰ ਸੀਮਤ ਰਹੀ ਅਤੇ ਲੱਗਭਗ 2 ਸਾਲਾਂ ’ਚ ਸਭ ਤੋਂ ਕਮਜ਼ੋਰ ਰਹੀ। ਕਈ ਕੰਪਨੀਆਂ ਨੇ ਦੱਸਿਆ ਕਿ ਬਿਹਤਰ ਕੁਸ਼ਲਤਾ, ਲਾਗਤ ਕੰਟਰੋਲ ਅਤੇ ਬਾਜ਼ਾਰ ’ਚ ਮੁਕਾਬਲੇਬਾਜ਼ੀ ਕਾਰਨ ਉਹ ਕੀਮਤਾਂ ਜ਼ਿਆਦਾ ਨਹੀਂ ਵਧਾ ਸਕੀਆਂ।
ਇਹ ਵੀ ਪੜ੍ਹੋ : ਡਰਾਈਵਰਾਂ ਲਈ 45-ਦਿਨਾਂ ਦਾ ਗੋਲਡਨ ਪੀਰੀਅਡ, ਨਹੀਂ ਭੁਗਤਣੇ ਪੈਣਗੇ ਗਲਤ ਟ੍ਰੈਫਿਕ ਚਲਾਨ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
3 ਦਿਨ ’ਚ 2,40,500 ਰੁਪਏ ਤੱਕ ਟੁੱਟੀ ਚਾਂਦੀ, ਸੋਨਾ ਵੀ 20,200 ਰੁਪਏ ਹੋਇਆ ਸਸਤਾ
NEXT STORY 
