ਨਵੀਂ ਦਿੱਲੀ - ਆਸਾਮ ਦੀ ਚਾਹ ਦੀ ਵਿਸ਼ੇਸ਼ ਕਿਸਮ ਨੇ ਨਿਲਾਮੀ ਦਾ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ। ਮਨੋਹਾਰੀ ਗੋਲਡ ਟੀ 99,999 ਰੁਪਏ ਪ੍ਰਤੀ ਕਿਲੋ ਦੀ ਰਿਕਾਰਡ ਕੀਮਤ 'ਤੇ ਵਿਕ ਚੁੱਕੀ ਹੈ। ਗੁਹਾਟੀ ਚਾਹ ਨਿਲਾਮੀ ਕੇਂਦਰ (ਜੀਟੀਏਸੀ) ਦੇ ਸਕੱਤਰ ਪ੍ਰਿਯਨੁਜ ਦੱਤਾ ਨੇ ਕਿਹਾ ਕਿ ਮਨੋਹਰੀ ਟੀ ਗਾਰਡਨ ਨੇ ਸੌਰਭ ਚਾਹ ਵਪਾਰੀਆਂ ਨੂੰ ਆਪਣੀ 'ਮਨੋਹਰੀ ਗੋਲਡ' ਕਿਸਮ ਦਾ ਇੱਕ ਕਿਲੋਗ੍ਰਾਮ ਵੇਚਿਆ ਹੈ। ਇਹ ਦੇਸ਼ ਵਿੱਚ ਚਾਹ ਦੀ ਵਿਕਰੀ ਅਤੇ ਖਰੀਦ ਵਿੱਚ ਹੁਣ ਤੱਕ ਦੀ ਸਭ ਤੋਂ ਉੱਚੀ ਨਿਲਾਮੀ ਕੀਮਤ ਹੈ। ਮਨੋਹਰੀ ਟੀ ਅਸਟੇਟ ਦੇ ਮਾਲਕ ਰਾਜਨ ਲੋਹੀਆ ਨੇ ਕਿਹਾ, “ਅਸੀਂ ਇਸ ਕਿਸਮ ਦੀ ਵਿਸ਼ੇਸ਼ ਚਾਹ ਲਈ ਖਾਸ ਖਪਤਕਾਰਾਂ ਅਤੇ ਸਿਹਤ ਪ੍ਰਤੀ ਜਾਗਰੂਕ ਲੋਕਾਂ ਦੀ ਮੰਗ ਦੇ ਆਧਾਰ 'ਤੇ ਇਸ ਕਿਸਮ ਦੀ ਪ੍ਰੀਮੀਅਮ ਕੁਆਲਿਟੀ ਵਿਸ਼ੇਸ਼ ਚਾਹ ਦਾ ਨਿਰਮਾਣ ਕਰਦੇ ਹਾਂ।
ਇਹ ਵੀ ਪੜ੍ਹੋ : ਬੈਂਕਾਂ ਨੂੰ 13 ਕੰਪਨੀਆਂ ਦੇ ਬੈਡ ਲੋਨ ਕਾਰਨ 2.85 ਲੱਖ ਕਰੋੜ ਦਾ ਨੁਕਸਾਨ, ਦੋ ਦਿਨਾਂ ਹੜਤਾਲ ਦਾ ਸੱਦਾ
ਚਾਹ ਦੀ ਵਿਸ਼ੇਸ਼ਤਾ ਕੀ ਹੈ?
ਮਨੋਹਾਰੀ ਗੋਲਡ ਟੀ ਦੀ ਖ਼ਾਸੀਅਤ ਇਹ ਹੈ ਕਿ ਇਹ ਪੱਤਿਆਂ ਤੋਂ ਨਹੀਂ ਸਗੋਂ ਛੋਟੀਆਂ ਮੁਕੁਲਾਂ(ਕਲੀਆਂ) ਤੋਂ ਤਿਆਰ ਕੀਤੀ ਜਾਂਦੀ ਹੈ, ਇਸ ਲਈ ਇਸ ਦੀ ਕੀਮਤ ਵੀ ਜ਼ਿਆਦਾ ਹੁੰਦੀ ਹੈ ਅਤੇ ਸਵਾਦ ਵੀ ਬਹੁਤ ਵਧੀਆ ਹੁੰਦਾ ਹੈ। ਚਮਕਦਾਰ ਪੀਲੇ ਰੰਗ ਦੀ ਲੀਕਰ ਦਾ ਸੁਆਦ ਸੁਹਾਵਣਾ ਭਾਵ ਸੁਖ਼ਦ ਹੁੰਦਾ ਹੈ ਅਤੇ ਇਸ ਦੇ ਬਹੁਤ ਸਾਰੇ ਸਿਹਤ ਲਾਭ ਹੁੰਦੇ ਹਨ।
ਅਸਾਮ ਚਾਹ ਆਪਣੇ ਸੁਆਦੀ ਸਵਾਦ, ਮਜ਼ਬੂਤ ਅਤੇ ਚਮਕਦਾਰ ਰੰਗ ਲਈ ਜਾਣੀ ਜਾਂਦੀ ਹੈ। ਮਨੋਹਾਰੀ ਗੋਲਡ ਟੀ ਇਸ ਦੇ ਨਾਮ ਨਾਲ ਮੇਲ ਖਾਂਦੀ ਹੈ। ਇਸ ਚਾਹ ਦੀਆਂ ਪੱਤੀਆਂ ਪੀਸੇ ਜਾਣ 'ਤੇ ਇਕ ਸੁਨਹਿਰਾ ਰੰਗ ਦਿੰਦੀਆਂ ਹਨ। ਆਕਸੀਕਰਨ ਦੇ ਕਾਰਨ, ਇਸ ਪ੍ਰਕਿਰਿਆ ਦੌਰਾਨ ਰੰਗ ਹਰੇ ਤੋਂ ਭੂਰੇ ਵਿੱਚ ਬਦਲ ਜਾਂਦਾ ਹੈ ਅਤੇ ਸੁੱਕਣ 'ਤੇ, ਕਲੀਆਂ ਸੁਨਹਿਰੀ ਹੋ ਜਾਂਦੀਆਂ ਹਨ ਅਤੇ ਫਿਰ ਇਨ੍ਹਾਂ ਨੂੰ ਕਾਲੇ ਪੱਤਿਆਂ ਤੋਂ ਵੱਖ ਕੀਤਾ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਸੈਮਸੰਗ ਨੂੰ ਪਛਾੜ ਦੂਜੇ ਸਥਾਨ 'ਤੇ ਪਹੁੰਚੀ ਰੀਅਲਮੀ, ਜਾਣੋ ਕਿਸ ਕੰਪਨੀ ਦੇ ਸਭ ਤੋਂ ਜ਼ਿਆਦਾ ਵਿਕੇ ਸਮਾਰਟ ਫ਼ੋਨ
ਇੱਕ ਮਹੀਨੇ ਵਿੱਚ ਟੁੱਟਿਆ ਰਿਕਾਰਡ
ਮਨੋਹਰੀ ਗੋਲਡ ਟੀ ਜੁਲਾਈ 2019 ਵਿੱਚ GTAC ਨਿਲਾਮੀ ਵਿੱਚ 50,000 ਰੁਪਏ ਪ੍ਰਤੀ ਕਿਲੋ ਵਿੱਚ ਵੇਚੀ ਗਈ ਸੀ, ਜੋ ਉਸ ਸਮੇਂ ਦੀ ਸਭ ਤੋਂ ਉੱਚੀ ਨਿਲਾਮੀ ਕੀਮਤ ਸੀ। ਹਾਲਾਂਕਿ, ਇਹ ਰਿਕਾਰਡ ਇੱਕ ਮਹੀਨੇ ਦੇ ਅੰਦਰ ਹੀ ਟੁੱਟ ਗਿਆ ਜਦੋਂ ਅਰੁਣਾਚਲ ਪ੍ਰਦੇਸ਼ ਵਿੱਚ ਡੋਨੀ ਪੋਲੋ ਟੀ ਅਸਟੇਟ ਦੁਆਰਾ ਤਿਆਰ ਕੀਤੀ ਗਈ 'ਗੋਲਡਨ ਨੈਡਲਜ਼ ਟੀ' ਅਤੇ ਅਸਾਮ ਵਿੱਚ ਡੀਕੋਨ ਟੀ ਅਸਟੇਟ ਦੀ 'ਗੋਲਡਨ ਬਟਰਫਲਾਈ ਟੀ' ਵੱਖ-ਵੱਖ ਨਿਲਾਮੀ ਵਿੱਚ 75,000 ਰੁਪਏ ਪ੍ਰਤੀ ਕਿਲੋਗ੍ਰਾਮ ਵਿੱਚ ਵਿਕ ਗਈ।
ਇੰਨਾ ਹੀ ਨਹੀਂ ਸਾਲ 2018 'ਚ ਇਸ ਪਲਾਂਟੇਸ਼ਨ 'ਚ ਇਹ ਚਾਹ ਸਭ ਤੋਂ ਮਹਿੰਗੀ ਨਿਲਾਮੀ ਸੀ। ਮਨੋਹਰੀ ਟੀ ਸਟੇਟ ਰਾਜ ਦੀ ਇਸ ਚਾਹ ਦੀ ਕੀਮਤ 39,001 ਰੁਪਏ ਪ੍ਰਤੀ ਕਿਲੋ ਤੈਅ ਕੀਤੀ ਗਈ ਸੀ। ਸਾਲ 2021 'ਚ ਇਹ ਚਾਹ 99,999 ਰੁਪਏ ਪ੍ਰਤੀ ਕਿਲੋ ਦੀ ਕੀਮਤ 'ਤੇ ਵਿਕ ਗਈ, ਜਿਸ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ। ਲੋਹੀਆ ਦੇ ਅਨੁਸਾਰ, 2018 ਵਿੱਚ ਜਦੋਂ ਤੋਂ ਇਸ ਵਿਸ਼ੇਸ਼ ਕਿਸਮ ਦਾ ਉਤਪਾਦਨ ਸ਼ੁਰੂ ਕੀਤਾ ਗਿਆ ਹੈ, ਉਦੋਂ ਤੋਂ ਹੀ ਮਨੋਹਾਰੀ ਗੋਲਡ ਚਾਹ ਦੀ ਭਾਰੀ ਮੰਗ ਹੈ। ਇਹ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹੋ ਗਈ ਹੈ ਅਤੇ ਹਰ ਸਾਲ ਨਿਲਾਮੀ ਵਿੱਚ ਰਿਕਾਰਡ ਤੋੜ ਰਹੀ ਹੈ। ਸਿਹਤ ਪ੍ਰਤੀ ਜਾਗਰੂਕ ਲੋਕਾਂ ਦੁਆਰਾ ਬ੍ਰਾਂਡ ਦੀ ਮੰਗ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : ਹੁਣ ਪੈਕਟਾਂ 'ਚ ਮਿਲੇਗਾ ਊਠਣੀ ਦਾ ਦੁੱਧ, ਇਸ ਸੂਬੇ 'ਚ ਲੱਗੇਗਾ ਪ੍ਰੋਸੈਸਿੰਗ ਪਲਾਂਟ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਭਾਰਤ ’ਚ ਨਿਯੁਕਤੀ ਦ੍ਰਿਸ਼ ’ਚ ਸੁਧਾਰ, ਜਨਵਰੀ-ਮਾਰਚ ਲਈ 8 ਸਾਲਾਂ ਦੇ ਉੱਚ ਪੱਧਰ ’ਤੇ : ਸਰਵੇ
NEXT STORY 
