ਵਾਸ਼ਿੰਗਟਨ—ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਵਾਹਨਾਂ ਦੇ ਆਯਾਤ 'ਤੇ ਡਿਊਟੀਆਂ 'ਚ ਭਾਰੀ ਵਾਧੇ ਦੇ ਫੈਸਲੇ ਨੂੰ ਛੇ ਮਹੀਨੇ ਲਈ ਟਾਲ ਦਿੱਤਾ ਹੈ। ਟਰੰਪ ਦੇ ਇਸ ਕਦਮ ਦਾ ਮਕਸਦ ਵਪਾਰ 'ਚ ਰਿਆਇਤਾਂ ਲੈ ਕੇ ਯੂਰਪ ਅਤੇ ਜਾਪਾਨ ਨੂੰ ਗੱਲਬਾਤ 'ਚ ਮੇਜ਼ 'ਤੇ ਲਿਆਉਣ ਦਾ ਦਬਾਅ ਬਣਾਉਣਾ ਹੈ।
ਇਸ ਫੈਸਲੇ ਨਾਲ ਅਸਥਾਈ ਰੂਪ ਨਾਲ ਟਰੰਪ ਦੇ ਕਈ ਮੋਰਚਿਆਂ 'ਤੇ ਚੱਲ ਰਹੇ ਵਪਾਰ ਯੁੱਧ ਦੇ ਵਧਣ ਦੇ ਖਦਸ਼ੇ ਕੁੱਝ ਘਟ ਹੋਏ ਹਨ। ਟਰੰਪ ਨੇ ਇਹ ਡਿਊਟੀ ਲਗਾਉਣ ਦੀ ਜੋ ਚਿਤਾਵਨੀ ਦਿੱਤੀ ਸੀ ਉਸ ਨਾਲ ਸੰਸਾਰਕ ਪੱਧਰ 'ਤੇ ਆਰਥਿਕ ਗਤੀਵਿਧੀਆਂ 'ਚ ਕਾਫੀ ਉਥਲ-ਪੁਥਲ ਆਉਣ ਦਾ ਖਦਸ਼ਾ ਸੀ। ਹਰ ਸਾਲ ਸੈਂਕੜਾਂ ਅਰਬ ਡਾਲਰ ਦੇ ਵਾਹਨਾਂ ਦਾ ਵਿਨਿਰਮਾਣ ਅਤੇ ਨਿਰਯਾਤ ਹੁੰਦਾ ਹੈ। ਟਰੰਪ ਨੇ ਅਮਰੀਕੀ ਵਪਾਰ ਪ੍ਰਤੀਨਿਧੀ ਰਾਬਰਟ ਲਾਈਟਹਾਈਜ਼ਰ ਨੂੰ ਯੂਰਪੀ ਸੰਘ, ਜਾਪਾਨ ਅਤੇ ਕਿਸੇ ਹੋਰ ਦੇਸ਼ ਦੇ ਨਾਲ ਗੱਲਬਾਤ ਦੇ ਨਤੀਜਿਆਂ ਦੇ ਬਾਰੇ 'ਚ 180 ਦਿਨ 'ਚ ਸੂਚਿਤ ਕਰਨ ਨੂੰ ਕਿਹਾ ਹੈ। ਟਰੰਪ ਦੇ ਇਸ ਕਦਮ ਨਾਲ ਅਮਰੀਕਾ ਵਲੋਂ ਪਿਛਲੇ ਸਾਲ ਇਸਪਾਤ ਅਤੇ ਐਲੂਮੀਨੀਅਮ 'ਤੇ ਲਗਾਈ ਗਈ ਡਿਊਟੀ ਨੂੰ ਲੈ ਕੇ ਪਹਿਲਾਂ ਤੋਂ ਨਾਰਾਜ ਚੱਲ ਰਹੇ ਯੂਰਪੀ ਦੇਸ਼ਾਂ ਦਾ ਤਣਾਅ ਹੋਰ ਵਧਣ ਲੱਗਿਆ ਸੀ। ਹੁਣ ਟਰੰਪ ਨੇ ਵਾਹਨ ਅਤੇ ਡਿਊਟੀ ਵਾਧੇ ਦੇ ਫੈਸਲੇ ਨੂੰ ਛੇ ਮਹੀਨੇ ਲਈ ਟਾਲ ਦਿੱਤਾ ਹੈ। ਹਾਲਾਂਕਿ ਇਸ ਫੈਸਲੇ ਦੇ ਬਾਵਜੂਦ ਟਰੰਪ ਨੇ ਯੂਰਪੀ ਸੰਘ ਦੀ ਵਪਾਰ ਨੀਤੀ 'ਤੇ ਹਮਲਾ ਜਾਰੀ ਰੱਖਦੇ ਹੋਏ ਕਿਹਾ ਕਿ ਯੂਰਪੀ ਸੰਘ ਸਾਡੇ ਲਈ ਖਤਰਾ ਹੈ।
ਇਹ ਹੈ 48MP ਕੈਮਰੇ ਵਾਲਾ ਦਮਦਾਰ ਫੋਨ, 20 ਮਈ ਨੂੰ ਹੋਵੇਗਾ ਲਾਂਚ
NEXT STORY 
