ਨਵੀਂ ਦਿੱਲੀ: ਵਿਅਤਨਾਮ ਦੀ ਇਲੈਕਟ੍ਰਿਕ ਕਾਰ ਨਿਰਮਾਤਾ ਕੰਪਨੀ VinFast ਨੇ ਭਾਰਤ ਵਿੱਚ ਆਪਣੇ 2 ਨਵੇਂ ਗ੍ਰੀਨ SUV ਮਾਡਲ – VF6 ਅਤੇ VF7 – ਲਾਂਚ ਕਰਕੇ ਐਂਟਰੀ ਕਰ ਲਈ ਹੈ। ਤਿਉਹਾਰੀ ਸੀਜ਼ਨ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਕੰਪਨੀ ਨੇ ਇਹ ਕਾਰਾਂ ਲਾਂਚ ਕੀਤੀਆਂ ਹਨ।
VF6 ਮਾਡਲ ਵਿੱਚ 59.6 kWh ਦੀ ਬੈਟਰੀ ਹੈ ਜੋ ਇੱਕ ਵਾਰ ਚਾਰਜ ‘ਤੇ 468 ਕਿਲੋਮੀਟਰ ਤੱਕ ਦੀ ਰੇਂਜ ਦਿੰਦੀ ਹੈ। ਇਸਦੀ ਸ਼ੁਰੂਆਤੀ ਕੀਮਤ 16.5 ਲੱਖ ਰੁਪਏ (ਐਕਸ-ਸ਼ੋਰੂਮ) ਰੱਖੀ ਗਈ ਹੈ। VF7, ਜਿਸ ਵਿੱਚ 70.8 kWh ਦੀ ਵੱਡੀ ਬੈਟਰੀ ਹੈ ਅਤੇ ਜੋ 532 ਕਿਲੋਮੀਟਰ ਤੱਕ ਚੱਲਦੀ ਹੈ, ਦੀ ਸ਼ੁਰੂਆਤੀ ਕੀਮਤ 20.9 ਲੱਖ ਰੁਪਏ ਹੈ।
ਕੰਪਨੀ ਨੇ ਤਾਮਿਲਨਾਡੂ ਵਿੱਚ ਆਪਣਾ ਕਾਰਖਾਨਾ ਸਥਾਪਤ ਕੀਤਾ ਹੈ ਅਤੇ ਪਹਿਲੇ ਪੜਾਅ ਵਿੱਚ 50,000 ਯੂਨਿਟਸ ਬਣਾਉਣ ਦੀ ਸਮਰੱਥਾ ਤਿਆਰ ਕੀਤੀ ਹੈ। CEO ਫਾਮ ਸਾਂਹ ਚਾਉ ਨੇ ਦੱਸਿਆ ਕਿ ਦੂਜੇ ਪੜਾਅ ਵਿੱਚ ਇਸ ਸਮਰੱਥਾ ਨੂੰ ਵਧਾ ਕੇ 2 ਲੱਖ ਯੂਨਿਟਸ ਕਰਨ ਦੀ ਯੋਜਨਾ ਹੈ।
VinFast ਨੇ ਸਪਸ਼ਟ ਕੀਤਾ ਕਿ ਉਹ ਸਰਕਾਰ ਦੀ ਉਸ EV ਨੀਤੀ ਦਾ ਹਿੱਸਾ ਨਹੀਂ ਬਣੀ ਜਿਸ ‘ਚ 8,000 ਇਲੈਕਟ੍ਰਿਕ ਕਾਰਾਂ ਦਾ ਸਬਸਿਡੀ ਵਾਲਾ ਆਯਾਤ ਸੰਭਵ ਸੀ। ਕੰਪਨੀ ਨੇ ਕਿਹਾ ਕਿ ਉਹ ਸਿੱਧੇ ਹੀ ਲੋਕਲ ਫੈਕਟਰੀ ਤੋਂ ਉਤਪਾਦਨ ਤੇਜ਼ੀ ਨਾਲ ਸ਼ੁਰੂ ਕਰਨਾ ਚਾਹੁੰਦੀ ਹੈ।
ਭਾਰਤ ਵਿੱਚ ਕੰਪਨੀ ਦੀ ਯੋਜਨਾ ਹੈ ਕਿ ਇਸ ਸਾਲ ਦੇ ਅੰਤ ਤੱਕ ਕਰੀਬ 35 ਰਿਟੇਲ ਆਉਟਲੈਟਸ ਖੋਲ੍ਹੇ ਜਾਣ। ਨਾਲ ਹੀ, VinFast ਇਲੈਕਟ੍ਰਿਕ ਟੂ-ਵ੍ਹੀਲਰ, ਕਮਰਸ਼ੀਅਲ ਵਾਹਨ ਅਤੇ ਚਾਰਜਿੰਗ ਨੈੱਟਵਰਕ ਸ਼ੁਰੂ ਕਰਨ ਦੀ ਤਿਆਰੀ ਵਿੱਚ ਹੈ। ਕੰਪਨੀ ਹੌਲੀ-ਹੌਲੀ ਹੋਰ ਖੇਤਰਾਂ ਜਿਵੇਂ ਹੋਸਪੀਟੈਲਿਟੀ ਸੈਕਟਰ ਵਿੱਚ ਵੀ ਦਾਖਲ ਹੋਣ ਬਾਰੇ ਸੋਚ ਰਹੀ ਹੈ।
VinFast ਨੇ ਘੋਸ਼ਣਾ ਕੀਤੀ ਹੈ ਕਿ ਭਾਰਤ ਵਿੱਚ ਉਸ ਨੇ ਹਰ 6 ਮਹੀਨੇ ਬਾਅਦ ਇੱਕ ਨਵੀਂ ਕਾਰ ਲਾਂਚ ਕਰਨ ਦੀ ਯੋਜਨਾ ਬਣਾਈ ਹੈ। ਸਰਕਾਰ ਨੇ ਇਲੈਕਟ੍ਰਿਕ ਕਾਰਾਂ 'ਤੇ ਸਿਰਫ਼ 5% ਜੀਐਸਟੀ ਲਗਾਇਆ ਹੈ, ਜਿਸ ਨਾਲ ਇਨ੍ਹਾਂ ਨੂੰ ਅਪਣਾਉਣ ਦੀ ਗਿਣਤੀ ਵਧਣ ਦੀ ਉਮੀਦ ਹੈ।
ਯੂਰਪੀ ਸੰਘ ਨੇ ਨਿਰਯਾਤ ਲਈ 102 ਹੋਰ ਭਾਰਤੀ ਸਮੁੰਦਰੀ ਉਤਪਾਦ ਇਕਾਈਆਂ ਨੂੰ ਦਿੱਤੀ ਮਨਜ਼ੂਰੀ
NEXT STORY 
