ਨਵੀਂ ਦਿੱਲੀ—ਸੂਚਨਾ ਤਕਨਾਲੋਜੀ ਕੰਪਨੀ ਵਿਪਰੋ ਲਿਮਟਿਡ ਦਾ ਏਕੀਕ੍ਰਿਤ ਸ਼ੁੱਧ ਲਾਭ ਚਾਲੂ ਵਿੱਤੀ ਸਾਲ ਦੀ ਦਸੰਬਰ ਤਿਮਾਹੀ 'ਚ ਸਾਲਾਨਾ ਆਧਾਰ 'ਤੇ 2.8 ਫੀਸਦੀ ਵਧ ਕੇ 3,053 ਕਰੋੜ ਰੁਪਏ ਰਿਹਾ। ਇੱਕ ਸਾਲ ਪਹਿਲਾਂ ਦੀ ਇਸੇ ਮਿਆਦ 'ਚ ਇਹ ਅੰਕੜਾ 2,969 ਕਰੋੜ ਰੁਪਏ ਸੀ। ਬੈਂਗਲੁਰੂ ਦੀ ਆਈ.ਟੀ. ਕੰਪਨੀ ਨੇ ਸ਼ੁੱਕਰਵਾਰ ਨੂੰ ਇਕ ਬਿਆਨ 'ਚ ਕਿਹਾ ਕਿ ਵਿੱਤੀ ਸਾਲ 2022-23 ਦੀ ਤੀਜੀ ਤਿਮਾਹੀ 'ਚ ਉਸ ਦਾ ਰਾਜਸਵ 23,229 ਕਰੋੜ ਰੁਪਏ ਸੀ, ਜੋ ਸਾਲਾਨਾ ਆਧਾਰ 'ਤੇ 14.3 ਫੀਸਦੀ ਜ਼ਿਆਦਾ ਹੈ।
ਇੱਕ ਬਿਆਨ ਦੇ ਅਨੁਸਾਰ ਕੰਪਨੀ ਨੂੰ ਚਾਲੂ ਵਿੱਤੀ ਸਾਲ 'ਚ ਆਈ.ਟੀ. ਸੇਵਾਵਾਂ ਦੇ ਕਾਰੋਬਾਰ ਤੋਂ 11.5-12 ਫੀਸਦੀ (ਸਥਿਰ ਮੁਦਰਾ ਦੇ ਰੂਪ 'ਚ) ਦੇ ਦਾਇਰੇ 'ਚ ਮਾਲੀਆ ਵਾਧੇ ਦੀ ਉਮੀਦ ਹੈ। ਕੰਪਨੀ ਨੇ ਕਿਹਾ, ''ਇਸ ਤਰ੍ਹਾਂ 31 ਮਾਰਚ, 2023 ਨੂੰ ਖਤਮ ਹੋਣ ਵਾਲੀ ਤਿਮਾਹੀ ਦੌਰਾਨ ਸਥਿਰ ਮੁਦਰਾ ਦੇ ਲਿਹਾਜ਼ ਨਾਲ ਵਿਕਾਸ ਦਰ -0.6 ਫੀਸਦੀ ਤੋਂ ਇਕ ਫੀਸਦੀ ਹੋ ਸਕਦੀ ਹੈ।'' ਵਿਪਰੋ ਦੇ ਸੀ.ਈ.ਓ ਅਤੇ ਪ੍ਰਬੰਧ ਨਿਰਦੇਸ਼ਕ ਥੀਏਰੀ ਡੇਲਾਪੋਰਟ ਨੇ ਕਿਹਾ ਕਿ ਉਨ੍ਹਾਂ ਨੇ ਸੌਦਿਆਂ ਦੀ ਕੁੱਲ ਬੁਕਿੰਗ ਅਮਰੀਕੀ ਡਾਲਰ 4.3 ਅਰਬ ਤੋਂ ਵੱਧ ਗਈ, ਜਿਸ 'ਚ ਇੱਕ ਅਰਬ ਡਾਲਰ ਤੋਂ ਵੱਧ ਦੇ ਵੱਡੇ ਸੌਦੇ ਵੀ ਸ਼ਾਮਲ ਹਨ।
ਉਨ੍ਹਾਂ ਨੇ ਕਿਹਾ ਕਿ ਕੰਪਨੀ ਗਾਹਕ ਸਬੰਧਾਂ ਅਤੇ ਉੱਚ ਸਫਲਤਾ ਦਰ ਨੂੰ ਮਜ਼ਬੂਤ ਕਰਕੇ ਲਗਾਤਾਰ ਮਾਰਕੀਟ ਸ਼ੇਅਰ ਹਾਸਲ ਕਰ ਰਹੀ ਹੈ। ਡੇਲਾਪੋਰਟੇ ਨੇ ਕਿਹਾ ਕਿ ਗ੍ਰਾਹਕ ਵੱਡੇ ਵਾਤਾਵਰਣ ਦਾ ਪ੍ਰਬੰਧਨ ਕਰਨ ਅਤੇ ਲਾਗਤਾਂ ਨੂੰ ਅਨੁਕੂਲ ਬਣਾਉਣ ਲਈ ਸਾਡੇ ਵੱਲ ਰੁਖ਼ ਕਰ ਰਹੇ ਹਨ। ਗਾਹਕਾਂ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਦੀ ਸਾਡੀ ਯੋਗਤਾ ਸਾਨੂੰ ਮਜ਼ਬੂਤ ਬਾਜ਼ਾਰ 'ਚ ਅਨੁਕੂਲ ਸਥਿਤੀ 'ਚ ਰੱਖ ਰਹੀ ਹੈ।” ਵਿਪਰੋ ਨੇ ਪ੍ਰਤੀ ਇਕੁਇਟੀ ਸ਼ੇਅਰ 1 ਰੁਪਏ ਦੇ ਅੰਤਰਿਮ ਲਾਭਅੰਸ਼ ਦਾ ਐਲਾਨ ਕੀਤਾ।
ਸਰਦੀਆਂ ਦੇ ਮੌਸਮ 'ਚ ਘਟੀ ਸੁੱਕੇ ਮੇਵਿਆਂ ਦੀ ਸਪਲਾਈ, ਵਧ ਸਕਦੀਆਂ ਹਨ ਕੀਮਤਾਂ
NEXT STORY 
