ਘਰ 'ਚ ਰੱਖਿਆ ਲੱਕੜੀ ਦਾ ਫਰਨੀਚਰ ਬਦਲ ਦੇਵੇਗਾ ਕਿਸਮਤ, ਕਰੀਅਰ 'ਚ ਮਿਲੇਗੀ ਤਰੱਕੀ

Edited By Aarti Dhillon,
Updated: 18 Aug, 2023 11:59 AM

ਨਵੀਂ ਦਿੱਲੀ- ਵਾਸਤੂ ਸ਼ਾਸਤਰ 'ਚ ਘਰ ਦੀ ਨਕਾਰਾਤਮਕ ਊਰਜਾ ਨੂੰ ਦੂਰ ਕਰਨ ਲਈ ਕਈ ਉਪਾਅ ਦੱਸੇ ਗਏ ਹਨ। ਇਸ ਸ਼ਾਸਤਰ ਦੇ ਮੁਤਾਬਕ ਘਰ 'ਚ ਪਈ ਹਰ ਚੀਜ਼ ਦੀ ਆਪਣੀ ਊਰਜਾ ਹੁੰਦੀ ਹੈ, ਜਿਸ ਦਾ ਉੱਥੇ ਰਹਿਣ ਵਾਲੇ ਮੈਂਬਰਾਂ 'ਤੇ ਡੂੰਘਾ ਪ੍ਰਭਾਵ ਪੈਂਦਾ ਹੈ। ਜੇਕਰ ਇਨ੍ਹਾਂ ਚੀਜ਼ਾਂ ਨੂੰ ਸਹੀ ਦਿਸ਼ਾ 'ਚ ਨਾ ਰੱਖਿਆ ਜਾਵੇ ਤਾਂ ਇਨ੍ਹਾਂ 'ਤੇ ਅਸਰ ਪੈਂਦਾ ਹੈ। ਚੀਜ਼ਾਂ ਦੀ ਗੱਲ ਕਰੀਏ ਤਾਂ ਘਰ 'ਚ ਪਏ ਫਰਨੀਚਰ ਨੂੰ ਰੱਖਣ ਲਈ ਕੁਝ ਵਾਸਤੂ ਨਿਯਮ ਵੀ ਦੱਸੇ ਗਏ ਹਨ। ਜੇਕਰ ਇਨ੍ਹਾਂ ਨਿਯਮਾਂ ਦੀ ਪਾਲਣਾ ਨਹੀਂ ਕੀਤੀ ਜਾਂਦੀ ਤਾਂ ਇਹ ਮੈਂਬਰਾਂ 'ਤੇ ਗਲਤ ਪ੍ਰਭਾਵ ਪਾਉਂਦਾ ਹੈ। ਤਾਂ ਆਓ ਜਾਣਦੇ ਹਾਂ ਉਨ੍ਹਾਂ ਬਾਰੇ...
ਲੱਕੜ ਦੇ ਫਰਨੀਚਰ ਨੂੰ ਇਸ ਦਿਸ਼ਾ 'ਚ ਰੱਖੋ
ਵਾਸਤੂ ਅਨੁਸਾਰ ਘਰ 'ਚ ਪਏ ਲੱਕੜ ਦੇ ਫਰਨੀਚਰ ਨੂੰ ਦੱਖਣ-ਪੂਰਬ ਦਿਸ਼ਾ 'ਚ ਰੱਖਣਾ ਚਾਹੀਦਾ ਹੈ। ਇੱਥੇ ਫਰਨੀਚਰ ਰੱਖਣ ਨਾਲ ਘਰ ਦੇ ਮੈਂਬਰਾਂ ਦਾ ਨਿਰੰਤਰ ਵਿਕਾਸ ਹੁੰਦਾ ਹੈ ਅਤੇ ਵਿਅਕਤੀ ਨੂੰ ਕਾਰੋਬਾਰ 'ਚ ਵੀ ਤਰੱਕੀ ਮਿਲਦੀ ਹੈ।
ਅਜਿਹਾ ਫਰਨੀਚਰ ਹੋਵੇਗਾ ਲਾਭਦਾਇਕ
ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਫਰਨੀਚਰ ਨੂੰ ਦੱਖਣ-ਪੂਰਬ ਦਿਸ਼ਾ 'ਚ ਰੱਖਣ ਨਾਲ ਘਰ ਦੀ ਵੱਡੀ ਕੁੜੀ ਨੂੰ ਬਹੁਤ ਫ਼ਾਇਦਾ ਹੁੰਦਾ ਹੈ। ਉਸ ਦੀ ਸਿਹਤ ਠੀਕ ਰਹਿੰਦੀ ਹੈ, ਇਸ ਤੋਂ ਇਲਾਵਾ ਜੇਕਰ ਉਹ ਕੋਈ ਕਾਰੋਬਾਰ ਕਰਦੀ ਹੈ ਤਾਂ ਇੱਥੇ ਫਰਨੀਚਰ ਰੱਖਣ ਨਾਲ ਉਸ ਨੂੰ ਫ਼ਾਇਦਾ ਹੋ ਸਕਦਾ ਹੈ।
ਡਰਾਇੰਗ ਰੂਮ 'ਚ ਇਥੇ ਰੱਖੋ
ਵਾਸਤੂ ਦੀ ਮੰਨੀਏ ਤਾਂ ਲਕੜੀ ਦਾ ਫਰਨੀਚਰ ਘਰ ਦੇ ਕਿਸੇ ਵੀ ਕਮਰੇ, ਡਰਾਇੰਗ ਰੂਮ ਜਾਂ ਕਿਸੇ ਹੋਰ ਥਾਂ 'ਤੇ ਵੀ ਦੱਖਣ-ਪੂਰਬ ਦਿਸ਼ਾ 'ਚ ਰੱਖਣਾ ਚਾਹੀਦਾ ਹੈ ਕਿਉਂਕਿ ਇਹ ਦਿਸ਼ਾ ਲੱਕੜ ਨਾਲ ਸਬੰਧਤ ਮੰਨੀ ਜਾਂਦੀ ਹੈ, ਅਜਿਹੇ 'ਚ ਇੱਥੇ ਫਰਨੀਚਰ ਰੱਖਣ ਨਾਲ ਸ਼ੁਭ ਫ਼ਲ ਮਿਲਦਾ ਹੈ। ਨਤੀਜੇ..
ਨਾ ਰੱਖੋ ਅਜਿਹਾ ਫਰਨੀਚਰ
ਸਨਾਤਨ ਧਰਮ 'ਚ ਪੀਪਲ, ਚੰਦਨ ਅਤੇ ਬੋਹੜ ਨੂੰ ਬਹੁਤ ਪੂਜਣਯੋਗ ਮੰਨਿਆ ਜਾਂਦਾ ਹੈ, ਇਸ ਲਈ ਇਨ੍ਹਾਂ ਦਰੱਖਤਾਂ ਤੋਂ ਬਣਿਆ ਫਰਨੀਚਰ ਕਦੇ ਵੀ ਘਰ 'ਚ ਨਹੀਂ ਰੱਖਣਾ ਚਾਹੀਦਾ। ਇਹ ਤੁਹਾਨੂੰ ਨਕਾਰਾਤਮਕ ਨਤੀਜੇ ਦੇ ਸਕਦਾ ਹੈ। ਮਾਨਤਾਵਾਂ ਅਨੁਸਾਰ ਪਿੱਪਲ ਅਤੇ ਬੋਹੜ ਦੇ ਦਰੱਖਤਾਂ 'ਤੇ ਦੇਵੀ-ਦੇਵਤਿਆਂ ਦਾ ਨਿਵਾਸ ਮੰਨਿਆ ਜਾਂਦਾ ਹੈ, ਇਸ ਲਈ ਇਸ ਨੂੰ ਕੱਟਣ ਨਾਲ ਦੇਵੀ-ਦੇਵਤੇ ਨਾਰਾਜ਼ ਹੋ ਜਾਂਦੇ ਹਨ ਅਤੇ ਵਿਅਕਤੀ ਨੂੰ ਜੀਵਨ 'ਚ ਬਹੁਤ ਸਾਰੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਇਸ ਦਿਨ ਨਾ ਖਰੀਦੋ
ਮੰਗਲਵਾਰ, ਸ਼ਨੀਵਾਰ, ਅਮਾਵਸਿਆ, ਅਸ਼ਟਮੀ ਤਿਥੀ ਜਾਂ ਕ੍ਰਿਸ਼ਨ ਪੱਖ ਤਿਥੀ 'ਤੇ ਕਦੇ ਵੀ ਘਰ ਲਈ ਫਰਨੀਚਰ ਨਹੀਂ ਲਿਆਉਣਾ ਚਾਹੀਦਾ। ਇਨ੍ਹਾਂ ਦਿਨਾਂ 'ਚ ਖਰੀਦਿਆ ਗਿਆ ਫਰਨੀਚਰ ਹਮੇਸ਼ਾ ਹਾਨੀਕਾਰਕ ਹੁੰਦਾ ਹੈ ਅਤੇ ਜੀਵਨ 'ਚ ਕਿਸੇ ਨਾ ਕਿਸੇ ਸਮੱਸਿਆ ਦਾ ਕਾਰਨ ਬਣਦਾ ਹੈ।